Kameciro Senaqa

Vikipediya, azad ensiklopediya
Naviqasiyaya keç Axtarışa keç
Kameciro Senaqa
yap. 瀬長 亀次郎
Naha meri
yanvar 1957 – noyabr 1957
ƏvvəlkiCuqo Toma
SonrakıTadaşi Toey
Şəxsi məlumatlar
Doğum tarixi 10 iyun 1907(1907-06-10)[1]
Doğum yeri
Vəfat tarixi 5 oktyabr 2001(2001-10-05)[1] (94 yaşında)
Vəfat yeri
Partiya
Təhsili
  • Kaqoşima Universiteti[d]
Fəaliyyəti siyasətçi
Vikianbarın loqosu Vikianbarda əlaqəli mediafayllar

Kameciro Senaqa (瀬長 亀次郎, Senaqa Kameciro?, 10 iyun 1907[1], Tomiqusuku[d], Okinava prefekturası5 oktyabr 2001[1], Naha)Yaponiya siyasətçisi və Okinavada sosial hərəkat lideri.[2] Yaponiya Kommunist Partiyasının vitse-sədri olmuşdur.[2]

Kameciro Senaqa 1907-ci ildə Yaponiyanın Okinava prefekturasında doğulmuşdur.[2] Kaqoşimada yerləşən Yeddinci liseydə təhsil alarkən marksizm-leninizm ilə tanış olmuşdur.[2] Solçu fəaliyyətlərinə görə liseydən xaric edilmiş və bir neçə fabrikdə işləmişdir.[2] İşçi tətillərinin birindəki iştirakına görə saxlanılmış və üç il həbsdə olmuşdur.[2] 1935-ci ildə azadlığa çıxdıqdan sonra hərbi xidmət üçün Çinə göndərilmiş və 1940-cı ildə Okinavaya qayıtmışdır.[2]

İkinci dünya müharibəsindən sonra Okinavada başlayan ABŞ rejimi dövründə Senaqa aktiv siyasətçi olmuşdur.[2] O, Okinava Xalq Partiyasının lideri olmuş və sədri seçilmişdir.[2] Okinavada ABŞ hərbi bazalarının yaradılmasına qarşı çıxmışdır.[2] 1956-cı ildə Naha şəhərinin meri seçilmiş, lakin bir neçə ay sonra ABŞ hökuməti tərəfindən vəzifəsindən azad edilmişdir.[2] 1970-ci ildə qəbul edilən dəyişiklikdən sonra Okinava Yaponiyanın milli seçkilərində iştirak etməyə başlamış və Senaqa Okinava Xalq Partiyasının namizədi kimi Yaponiya parlamentinin aşağı palatasına seçilmişdir.[2] Okinavanın ABŞ tərəfindən Yaponiyaya qaytarılmasından bir il sonra – 1973-cü ildə partiyası Yaponiya Kommunist Partiyası ilə birləşmişdir.[2]

  1. 1 2 3 4 Kamejiro Senaga // SNAC (ing.). 2010.
  2. 1 2 3 4 5 6 7 8 9 10 11 12 13 Kodansha Encyclopedia of Japan
  • Kodansha Encyclopedia of Japan (ingiliscə). VII cild (Sake–Temm). Tokio: Kodansha. 1983. səh. 63. ISBN 0-87011-627-4. İstifadə tarixi: 31 dekabr 2022.

Xarici keçidlər

[redaktə | mənbəni redaktə et]