Kamil Şahbazov
| Kamil Şahbazov | |
|---|---|
| Kamil Ağazaman oğlu Şahbazov | |
| Doğum tarixi | |
| Doğum yeri | Bakı |
| Atası | Ağazaman Şahbazov |
| Elmi dərəcəsi | iqtisad elmləri doktoru (1994) |
| Elmi adları | professor, alim |
| Təhsili | Azərbaycan Dövlət İqtisad Universiteti |
| Tanınır | iqtisadçı alim, professor |
| Mükafatları | Əməkdar müəllim |
Kamil Şahbazov Ağazaman oğlu (14 fevral 1949, Bakı) ― iqtisadçı alim, iqtisad elmləri doktoru (1994), professor.[1][2]
Həyatı[redaktə | mənbəni redaktə et]
Kamil Şahbazov 14 fevral 1949-cu ildə Bakı şəhərində anadan olmuşdur. O, 1967-ci ildə D.Bünyadzadə adına Azərbaycan Xalq Təsərrüfatı İnstitutunun Əməyin iqtisadiyyatı ixtisasına daxil olmuş, 1971-ci ildə həmin universitetdən məzun olmuşdur.[1][2]
Fəaliyyəti[redaktə | mənbəni redaktə et]
Əmək fəaliyyəti[redaktə | mənbəni redaktə et]
Kamil Şahbazov 1964–1967-ci illərdə istehsalat yönümlü müəssisələrdə çalışıb. 1971-ci ildə Azərbaycan Xalq Təsərrüfatı İnstitutunda əmək fəaliyyətinə başlayan Kamil Şahbazov həmin müəssisədə laborant, müəllim, baş müəllim, dosent vəzifələrində çalışıb. Daha sonra 1988-ci ildən "İqtisadiyyatın idarə edilməsi", 1994-cü ildən "Menecment və sahibkarlığın fəaliyyəti", 2004-cü ildən isə "Menecment" kafedrasının müdiri vəzifəsində çalışır.[1]
Elmi fəaliyyəti[redaktə | mənbəni redaktə et]
Kamil Şahbazov 1976-cı ildə namizədlik dissertasiyasını, 1994-cü ildə doktorluq dissertasiyasını müdafiə etmişdir. O,idarəetmə və menecment problemləri ilə məşğul olur. Alim 5 monoqrafiyanın, 85 elmi-metodiki əsərin müəllifidir. Onun rəhbərliyi ilə 10 elmlər namizədi hazırlanmışdır.[2]
Mükafatı[redaktə | mənbəni redaktə et]
Azərbaycan Respublikası Prezidentinin 26 sentyabr 2011-ci il tarixli Sərəncamına əsasən Kamil Şahbazova təhsilin inkişafındakı xidmətlərinə görə Əməkdar müəllim fəxri adı verilmişdir.[1][2][3]
İstinadlar[redaktə | mənbəni redaktə et]
- ↑ 1 2 3 4 "Şahbazov Kamil Ağazaman oğlu" (Azərbaycan). unec.edu.az. 2020-01-06 tarixində arxivləşdirilib.
- ↑ 1 2 3 4 "Kamil Ağazaman oğlu Şahbazov" (PDF) (Azərbaycan). ebooks.az. 2020-10-09 tarixində arxivləşdirilib (PDF).
- ↑ "Azərbaycan Dövlət İqtisad Universitetinin əməkdaşlarına "Əməkdar Müəllim" fəxri adının verilməsi haqqında Azərbaycan Respublikası Prezidentinin Sərəncamı" (Azərbaycan). president.az. 2021-04-29 tarixində arxivləşdirilib.