Kamran Rzazadə

Vikipediya, azad ensiklopediya
Jump to navigation Jump to search
Kamran Rzazadə
Kamran Qədimalı oğlu Rzazadə
Şəkil yoxdur.jpg
bayraqGədəbəy Rayon İcra Hakimiyyətinin başçısıbayraq
11 aprel 2005 — 2012
Sələfi Nazim Veysov
Xələfi Ramiz Yediyarov
Şəxsi məlumatlar
Doğum tarixi 20 oktyabr 1951 (1951-10-20) (68 yaş)
Doğum yeri Gədəbəy rayonu, Novoivanovka

Rzazadə Kamran Qədimalı oğlu - Gədəbəy Rayon İcra Hakimiyyətinin başçısı ( 2005-2012-ci illər).

Həyatı[redaktə | əsas redaktə]

20 oktyabr 1951-ci ildə Gədəbəy rayonunun Novoivanovka kəndində anadan olmuşdur. 1959-cu ildə Novoivanovka kənd orta məktəbinin birinci sinfinə daxil olub, 1969-cu ildə adı çəkilən məktəbi bitirmişdir.

1970-ci ildə Sovet Ordusu sıralarına həqiqi hərbi xidmətə çağırılmış, 1972-ci ildə doğulduğu Novoivanovka kəndinə qayıtmış və orada Puşkin adına sovxozda əmək fəaliyyətinə başlamışdır.

1972-ci ildə Şimali Osetiyada Orconikidze (hazırda Vladiqafqaz) şəhərində Qorsk Kənd Təsərrüfatı İnstitutunun Aqronomiya fakültəsinə daxil olmuş, 1978-ci ildə həmin institutu bitirərək, Alim-Aqronom ixtisasına yiyələnmişdir. 1988-ci ildə Bakı Ali partiya məktəbini politoloq ixtisası üzrə,2001-ci ildə isə Ali Diplomatiya Kollecinin hüquq fakültəsini hüquqşünas ixtisası üzrə bitirmişdir.

1978-ci ildə Puşkin adına sovxozda baş iqtisadçı, komsomolçu gənclər briqadasının briqadiri vəzifəsində işləmişdir. 1978-ci ildə Azərbaycan Komsomolunun Mərkəzi Komitəsinə Təşkilat işləri şöbəsinin təlimatçısı vəzifəsinə təyin olunmuşdur. 2 dəfə Sovet KP Ümümittifaq yişincağında Azərbaycan nümayəndəliyinin rəhbəri olmuşdur.1979-cu ilin aprel ayında Gədəbəy rayon Komsomol Komitəsinin birinci katibi vəzifəsinə seçilmişdir. 1981-ci ilin aprel ayında Gədəbəy rayon Xalq Nəzarəti Komitəsinin sədri seçilmişdir.

1987-ci ildə Gədəbəy rayonunun «Krasnı Oktyabr» toxumçuluq sovxozunun direktoru təyin edilmişdir. Göycədən gələn köçkünlərin yerləşdirilməsi və garşılanması qərargahının rəhbəri olmuşdur. 1989-cu ildə Gədəbəy rayon Aqrar Sənaye Birliyinin rəisi təyin edilmişdir. 1990-cı ildə Gədəbəy rayon XDS-nin sədr müavini seçilmişdir. 1991-ci ildə Milli ordunun Özünü müdafiə batalyonlarının yaradılmasında iştirak etmiş və Milli ordu yaradılanadək ilk dəfə Gədədbəy rayon özünü müdafiə komitəsinin sədri olmuşdur. 1993-cü ildə Azərbaycanın ərazi bütövlüyü uğrunda verdiyi mübarizədə ilk dəfə olaraq Azərbaycan ruslarını Moskvaya aparaq informasiya blokadasını yarmış və Baş kəndlə Gədəbəyi Rus qoşunlarının hücümundan qorunmasında müstəsna xidmət göstərmişdir. 1996-cı ildə Gədəbəy rayon Torpaq Şöbəsinin müdiri təyin edilmişdir.

1998-ci ildə Əmək və Əhalinin Sosial Müdafiəsi Nazirliyi nəzdində Dövlət Əmək Müfəttişliyinin Şəmkir bölgəsi üzrə Dövlət Əmək Müfəttişliyinin rəisi təyin edilmişdir.

2000-ci ilin fevral ayından aprel 2005-ci ilə qədər Gədəbəy rayon ƏSMM-nin direktoru vəzifəsində çalışmışdır.

Azərbaycan Respublikası Prezidentinin 11 aprel 2005-ci il tarixli Sərəncamı ilə Gədəbəy Rayon İcra Hakimiyyətinin başçısı təyin edilmiş, 2012-ci ildə Kamran Qədimalı oğlu Rzazadə Gədəbəy rayonu İcra hakimiyyətinin başçısı vəzifəsindən azad edilib.

1993-cü ildən YAP üzvüdür. YAP Gədəbəy rayon təşkilatının yaradıcısı olmuş və 2005-ci ilədək bu təşkilatın sədri olmuşdur. Ailəlidir 3 övladı var.

Həmçinin bax[redaktə | əsas redaktə]