Kanada Xristian Əmək Assosiasiyası
Kanada Xristian Əmək Assosiasiyası (ing. Christian Labour Association of Canada – CLAC) — Kanadanın ən irimiqyaslı və aparıcı həmkarlar ittifaqı təşkilatlarından biri. Assosiasiyanın baş qərargahı Ontario əyalətinin Mississauqa şəhərində yerləşir.
Tarixi[redaktə | mənbəni redaktə et]
İkinci dünya müharibəsindən sonra Kanadaya üz tutan alman miqrantlar kommunizm və sosializm prinsiplərindən uzaq olan ədalətli siyasət yürüdən vahid bir təşkilata ehtiyac duyurlar. Ona görə də müəyyən qrup işçilər birləşərək xırda təşkilatlar yaradırlar. 20 fevral 1952-ci ildə isə həmin birliklər birləşərək Kanada Xristian Əmək Assosiasiyasını təsis edirlər.[1]
Fəaliyyəti[redaktə | mənbəni redaktə et]
Assosiasiya bu günə kimi fəaliyyətini davam etdirir və əmək münasibətlərinin düzgün tənzimlənməsində böyük rol oynayır. Yarandığı ilk gündən assosiasiya Avropa həmkarlar ittifaqlarının təcrübəsindən istifadə edib. Bu isə təşkilatın ədalətli prinsiplər üzərində formalaşmasına böyük köməklik göstərib.
Pensiya əmanəti proqramı[redaktə | mənbəni redaktə et]
Assosiasiya 1974-cü ildən başlayaraq iki pensiya əmanəti proqramına başçılıq edir. Bu proqrama əsasən, hər ay işçilərin əməkhaqqından müəyyən faiz həcmində məbləğ fonda köçürülür. Təqaüdə çıxdıqda isə işçilər bu vəsaiti aybaay alırlar. Sahibkarların fondla heç bir əlaqəsi yoxdur. Bütün bu prosedura nəzarət etmək üçün isə xüsusi Müşahidə Şurası yaradılıb.
Tərkibi[redaktə | mənbəni redaktə et]
Assosiasiyanın 51,238 üzvü var.[2] Assosiasiya özündə tikinti, səhiyyə və qida məhsullarının istehsalı sahəsində işləyən işçiləri cəmləşdirir.
Rəhbəri[redaktə | mənbəni redaktə et]
Qurumun prezidenti Dik Haynendir.
Xarici əlaqələri[redaktə | mənbəni redaktə et]
Təşkilat 1,3 milyondan çox işçinin maraqlarını qoruyan Ümumdünya Əməkçilər Birliyinin üzvüdür.
Mənbə[redaktə | mənbəni redaktə et]
- Afaq. Kanada Həmkarlar İttifaqları[ölü keçid]. "Ülfət" qəzeti, 12.10.2012. (az.)
İstinadlar[redaktə | mənbəni redaktə et]
- ↑ Ed Grootenboer, In Pursuit of Justice: So Far So Good. (Canada: Christian Labour Association of Canada, 2002), 10-14.
- ↑ Human Resources and Social Development Canada. "Directory of Labour Organizations in Canada". 2012-03-05 tarixində arxivləşdirilib. İstifadə tarixi: 2015-06-01.
Xarici keçidlər[redaktə | mənbəni redaktə et]
- clac.ca — Kanada Xristian Əmək Assosiasiyasının rəsmi saytı
- www.clacblog.ca Arxivləşdirilib 2015-08-01 at the Wayback Machine - Blog written by CLAC executive director, Dick Heinen.
- www.hanksblog.ca Arxivləşdirilib 2012-03-31 at the Wayback Machine - Blog written by CLAC Ontario provincial director, Hank Beekhuis.
- www.atimetocare.ca Arxivləşdirilib 2012-03-31 at the Wayback Machine - A campaign by CLAC for more government funding to increase elderly care time to 3.5 hours per day.
- www.thetruthaboutclac.ca - A website critical of CLAC produced by the Alberta Federation of Labour.
- www.thetruthaboutclac.com Arxivləşdirilib 2012-04-26 at the Wayback Machine - A website operated by CLAC.
- www.wownetwork.be - World Organization of Workers official website.