Karl-Qustav Vrangel

Vikipediya, azad ensiklopediya
Naviqasiyaya keçin Axtarışa keçin
Karl-Qustav Vrangel
isv. Carl Gustav Wrangel
Şəxsi məlumatlar
Doğum tarixi 23 dekabr 1613(1613-12-23)[1][2]
Doğum yeri
Vəfat tarixi 5 iyul 1676(1676-07-05)[3][4][…] (62 yaşında)
Vətəndaşlığı
Hərbi fəaliyyəti
Xidmət illəri 1629-cu ildən
Rütbəsi Feldmarşal, Rotmistr
Döyüşlər
Vikianbarın loqosu Vikianbarda əlaqəli mediafayllar

Qraf Karl-GQustav Vrangel (isv. Carl Gustaf Wrangel; 23 dekabr 1613[1][2], Uppsala[2] – 5 iyul 1676[3][4][…]) — İsveç admiralı və feldmarşalı.

Həyatı[redaktə | mənbəni redaktə et]

Liflyandiya general-qubernatoru və feldmarşal German Vrangelin oğlu olmuşdur. 1627-ci ildə hərbi xidmətə girmiş və Qustav Adolfun Almaniyadakı yürüşlərində iştirak etmişdir. O, 1641-ci ildə general-mayor olmuşdur. 1643-cü ildə İsveç donanmasının admiralı olmuşdur. 13 oktyabr 1644-cü ildə Femarn adası yaxınlığında Danimarka donanmasını məğlub etmişdir. Sonra Holşteyn və Sileziyadakı qoşunlara komandanlıq etmişdir. 1646-cı ildə qraf rütbəsi aldıqdan sonra Almaniyadakı qoşunlara komandanlıq etmişdir. Türennin komandanlığı altında Fransa qoşunları ilə birləşərək 14 mart 1647-ci ildə Bavariya kürfürstünü sülh bağlamağa məcbur etmişdir. Buna baxmayaraq, tezliklə kürfürst yenidən silahlanaraq 1648-ci ildə isveçlilər və fransızlar tərəfindən ikinci dəfə məğlub edilmişdir. Bundan sonra Vrangel Bavariyanı ələ keçirmiş və sülh bağlanana qədər onu idarə etmişdir. O, 1655-ci ildə kral Karl-Qustavın Polşaya hücumunda iştirak etmişdir. 18–20 iyul 1656-cı il tarixlərində Varşava yaxınlığında döyüşdə iştirak etmişdir. Vrangel Danimarka ilə müharibə zamanı, 6 sentyabr 1658-ci ildə Kronborq qalasını ələ keçirmişdir. XIV Lüdovik Almaniya ilə müharibə edərkən İsveç də ona qoşulmuşdur. Vrangel 1674-cü ildə 16,000 nəfərlik ordu ilə gözlənilmədən Brandenburqa hücum etmişdir. Buna baxmayaraq, Vrangel xəstəliyə yoluxmuş və bu, tezliklə irəliləyişini dayandırmışdır. İsveçlilər Brandenburqu təmizləməli olmuşdular. Vrangel tezliklə təqaüdə çıxmış və 1676-cı ildə vəfat etmişdir.[5]

İstinadlar[redaktə | mənbəni redaktə et]

  1. ↑ 1 2 Carl Gustaf Wrangel // Nationalencyklopedin (швед.). 1999.
  2. ↑ 1 2 3 4 Karl Gustav, Count Wrangel // Encyclopædia Britannica (ing.).
  3. ↑ 1 2 RKDartists (nid.).
  4. ↑ 1 2 Bibliothèque nationale de France Carl Gustaf Wrangel // BnF identifikatoru (fr.): açıq məlumat platforması. 2011.
  5. ↑ VII. Врангель  // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.
Mənbə — "https://az.wikipedia.org/w/index.php?title=Karl-Qustav_Vrangel&oldid=7372439"