Karlis Ulmanis

Vikipediya, açıq ensiklopediya
Keçid et: naviqasiya, axtar
Karlis Ulmanis
latış. Kārlis Augusts Vilhelms Ulmanis
Karlis Ulmanis
Bayraq
Latviya Respublikasının 4-cü prezidenti
Bayraq
 
Dini: Xristian
Doğum tarixi: 4 sentyabr 1877(1877-09-04)
Doğum yeri: Berze kəndi, Latviya
Vəfat tarixi: 20 sentyabr 1942 (65 yaşında)
Vəfat yeri: Krasnovodsk, Flag of the Soviet Union.svg SSRİ
 
İmzası: İmzası

Karlis Ulmanis (latış. Kārlis Augusts Vilhelms Ulmanis; d. 4 sentyabr 1877, Berze kəndi, Latviya – ö. 20 sentyabr 1942, Krasnovodsk, Türkmənistan SSR, SSRİ (indiki: Türkmənbaşı, Türkmənistan)) — Latviyalı siyasətçi və dövlət xadimi; Latviya Respublikasının 4-cü prezidenti.

Həyatı[redaktə | əsas redaktə]

Karlis Ulmanis 4 sentyabr 1877-ci ildə Latviyanın Berze kəndində kəndli ailəsində anadan olmuşdur. Ailədə üçüncü oğlan uşağı idi.

Siyasi fəaliyyəti[redaktə | əsas redaktə]

1918-ci ilin noyabrında Latviya istiqlaliyyətini elan edəndən sonra Karlis Ulmanis ölkənin ilk Baş naziri olur.

1886-1889-cu illərdə qəza məktəbində təhsil almışdır.

1940-cı ildə Sovet ordusu bu ölkəni tutarkən Ulmanis ölkənin 4-cü prezidenti idi. 20-22 il əvvəl həm Bolşevik ordusuna, həm Alman ordusuna, həm də ağqrvardiyaçılara qarşı əlində silah istiqlaliyyət uğrunda vuruşmuş, yaralanmış Ulmanis indi müqavimətin mənasız olduğunu görüb, müqavimətdən imtina edib, istefa verməyə razı olur.

Həyatının son illəri və vəfatı[redaktə | əsas redaktə]

Latviyanı SSRİ işğal etdikdən sonra, Karlis Ulmanis Stalin hökuməti tərəfindən Rusiyaya sürgün olunur. Bir müddət Bakıda Bayıl türməsində yatır, buradan Türkmənistana etap olunmuş və 20 sentyabr 1942-ci ildə həbsxanada vəfat etmişdir.

Onun məzarının dəqiq yeri bilinmir; ancaq Türkmənbaşı məzarlığında Ulmanisin xatirəsinə kiçik bir abidə inşa edilmişdir[1].

İdeologiya[redaktə | əsas redaktə]

Ulmanis Latviya millətçisi idi. O, "Latviya latviyalılar üçün" şüarını müdafiə edirdi. Hansı ki, ona görə Latviya çoxmillətli dövlət yox, təkmillətli dövlət olmalı idi.

Xatirəsi[redaktə | əsas redaktə]

2001-ci ildə Latviya poçtu tərəfindən Karlis Ulmanisin xatirəsinə həsr olunmuş poçt markası buraxılmışdır[2].

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Karlis Ulmanis ilə əlaqəli mediafayllar var.