Karlos Çaves

Vikipediya, açıq ensiklopediya
Jump to navigation Jump to search
Karlos Çaves
isp. Carlos Antonio de Padua Chávez y Ramírez
Karl van Vexten tərəfindən çəkilən Karlos Çavesin portreti (1937)
Karl van Vexten tərəfindən çəkilən Karlos Çavesin portreti (1937)
Ümumi məlumatları
Doğum adı Padua Çaves-i-Ramires Karlos Antonio de
Doğum tarixi 13 iyun 1899(1899-06-13)
Mexiko yaxınlığındakı Kalsado-de Takula
Vəfat tarixi 2 avqust 1978 (79 yaşında)
Mexiko
Vətəndaşlıq Flag of Mexico.svg Meksika
Mənşə meksikalı
Üslub Opera and simfoniya
Peşəsi bəstəkar, dirijor, xoreoqraf, musiqişünas, musiqiçi
Mükafatları Quqqenhaym təqaüdü,
  • Incəsənət və elm sahəsində Milli Mükafat

Karlos Çaves (əsl soyadı və adı Padua Çaves-i-Ramires Karlos Antonio de; (13.6.1899, Mexiko yaxınlığındakı Kalsado-de Takula – 2.8.1978, Mexiko) – Meksika bəstəkarı, dirijor, pianoçu, pedaqoq və ictimai xadim.[1]

Həyatı[redaktə | əsas redaktə]

P.L. Oqason və M. Ponsedən fortepianoda çalmaq dərsləri almış, kompozisiyanı müstəqil surətdə öyrənmişdir. 192526-cı illərdə Mexikoda müasir musiqidən ibarət konsertlər təşkil etmişdir. 1928-ci ildə Mexiko simfonik orkestrini yaratmış (sonralar Milli simfonik orkestr) və 1949-cu ilə qədər ona rəhbərlik etmişdir. Milli Konservatoriyanın direktoru (192834), Meksika musiqi nəşriyyatını yaradanlardan biri (1945), “Nuestra Musica” jurnalının təsisçisi (1946), Zərif Sənətlər Milli İnstitutunun baş direktoru (194752) olmuşdur. MeksikaLatın Amerikası bəstəkarlarının yaradıcılığını təbliğ edərək, dirijor kimi AmerikaAvropa ölkələrində konsertlər vermişdir. Musiqi tənqidçisi kimi mətbuatda çıxış etmişdir.[1]

Fəaliyyəti[redaktə | əsas redaktə]

Bir çox xarici akademiya və institutların fəxri üzvü seçilmişdir. S. Revueltasla bərabər Meksika müasir bəstəkarlıq məktəbinin banisi, Latın Amerikası aparıcı bəstəkarlarından olmuşdur. 20–30-cu illərdə yaratdığı əsərlərdə Meksika xalq musiqisinin, hindi musiqisinin elementləri (asteklərin həyatından götürülmüş süjetlərə yazılmış baletlər, “Hindi simfoniyası”) üstünlük təşkil edirdi. Həmin illərdə Çaves musiqi modernizmi ilə maraqlanaraq bir sıra əsərlər (“Çoxbucaqlılar”, “Altıbucaqlılar”, “Enerji”, “Spiral” və s.) yaramışdır. Xor və orkestr üçün “Proletar simfoniyası” (1934), “Respublika uvertürası” (1935), Meksika şairi K.Qutyerres Krusun sözlərinə yazılmış xor və orkestr üçün “Günəş” kantatası (1934) və s. əsərlərin müəllifidir. 20-ci əsrin 40-cı illərindən başlayaraq Çavesin musiqisi milli xüsusiyyətlərini saxlamaqla akademik xarakter almışdır. Müasir Meksika bəstəkarlarına Çaves yaradıcılığının böyük təsiri olmuşdur.[1]

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 Çaves// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: “Azərbaycan Milli Ensiklopediyası” Elmi Mərkəzi, 2014. — 25 cilddə. — V  cild. — Səhifələrin sayı:  592. — Səh.: 462. — 25 000 nüsx. — ISBN 978-9952-441-10-9.