Karola

Karola
Karola
	isv. Carola Häggkvist
Ümumi məlumatlar
Doğum tarixi	8 sentyabr 1966[…] (59 yaş)
Doğum yeri	Stokholm, Stokholm[d], İsveç;
Musiqiçi məlumatları
Fəaliyyəti	schlager singer[d], gospel singer[d], söz yazıçısı[d]
Fəaliyyət illəri	1983-cü ildən
Janr	pop musiqisi
Mükafatları
	carola.com
	Vikianbarda əlaqəli mediafayllar

Karola Mariya Heqqkvist (isv. Carola Maria Häggkvist; 8 sentyabr 1966^[1]^[2]^[…], Stokholm) — İsveçli pop müğənni və bəstəkar. O, 1983, 1991 və 2006-cı illərdə Avroviziya Mahnı Müsabiqəsində İsveçi təmsil edib. 1991-ci ildə "Fångad av en stormvind" mahnısı ilə müsabiqənin qalibi olub.^[3]

Həyatı

Karola ilk dəfə televiziya ekranlarında 1977-ci ildə gənc istedadlar şousunda qələbə qazanaraq görünüb. Bir neçə il sonra prodüser Bert Karlsson ona "Melodifestivalen" müsabiqəsində iştirak etməyi təklif etsə də, o, imtina edib. 1983-cü ildə İsveçin "Stand By" metal qrupu ilə birgə albom buraxıb və elə həmin il milli seçim turunda bəxtini sınamaq qərarına gəlib. O, "Främling" (Yad adam) mahnısı ilə çıxış edərək, festivalın bütün münsiflər heyətindən maksimum xal alıb və qalib gəlib. Aprelin 23-də 1993 Avroviziya Mahnı Müsabiqəsində Münxendə İsveçi təmsil edərək 3-cü yeri tutub. Onun müsabiqədəki çıxışını İsveçdə 6.1 milyon teletamaşaçı izləyib ki, bu da ölkə əhalisinin 84%-ni təşkil edir — bu, indiyədək təzələnməyən bir rekorddur. Karola bu mahnını yenidən 2005-ci ildə Kopenhagendə keçirilən və müsabiqənin 50 illiyinə həsr olunmuş "Congratulations" yubiley konsertində təqdim edib.^[4]

Onun debüt sinqlı olan "Främling" bir milyon nüsxə tirajla satılıb — bu, İsveçdə çətin ki nə vaxtsa təzələnə biləcək bir satış rekordudur. Karola Avroviziyada üçüncü yeri tutduqdan sonra həmin qalib mahnının ingilis, alman və holland dillərindəki versiyalarını yazdırıb. 1983 və 1984-cü illərdə Bert Karlssonun studiyasında üç albom buraxıb və onların hamısı inanılmaz bir sürətlə satılıb.^[5]

1985-ci ildə Karola "Bee Gees" qrupu ilə əməkdaşlığa başlayıb. O, mahnıları Moris və Robin Hibb qardaşları tərəfindən yazılmış "Runaway" albomunu ərsəyə gətirib. Albom ikiqat platin statusu qazanıb. Bu uğurdan sonra Karola fəal üzvü olduğu xristian icması ilə qastrol səfərinə çıxaraq və bir konsert albomu buraxaraq pop səhnəsini qısa müddətə tərk edib.^[6]

Karolanın gözlənilməz qayıdışı 1990-cı ildə baş tutub, belə ki, o, "Mitt i ett äventyr" mahnısı ilə "Melodifestivalen" müsabiqəsində ikinci yeri tutub və "Much More" adlı yeni albomunu buraxıb. Növbəti il o, milli seçim turunda revanş götürərək "Fångad av en stormvind" mahnısı ilə "Melodifestivalen"in qalibi olub. Qalib qismində o, 1991-ci ildə Romada keçirilən "Avroviziya" müsabiqəsində İsveçi yenidən təmsil edib. Britaniya bukmekerləri Karolanın ikinci yeri tutacağını proqnozlaşdırsalar da, o, Fransadan olan müğənni Amina ilə eyni — ən yüksək xalı toplayıb. Qaydalar göstərir ki, bərabərlik yarandığı təqdirdə məsələ ifaçıların aldığı maksimum balların (12 balların) sayı ilə həll olunur. 12 balların sayı da bərabər olduğundan, qalibin kimliyi onluqların (10 balların) sayı ilə müəyyənləşdirilib və bu göstərici İsveçin xeyrinə olub. Bunun sayəsində Karola "Avroviziya" mahnı müsabiqəsinin qalibi elan edilib. Həmin ilin sonlarında o, İsveç dilində "Jul" adlı Milad albomunu, həmçinin ingilis dilində ən yaxşı mahnılarından ibarət "Carola Hits" toplusunun ilk hissəsini buraxıb.^[7]

2005-ci ilin noyabrında Karola 15 ildən sonra "Melodifestivalen" müsabiqəsinə qayıdacağını təsdiqləyib. O, "Evighet" (Əbədiyyət) mahnısı ilə milli seçim turunda qələbə qazanıb. 2006-cı ildə Afinada keçirilən "Avroviziya" müsabiqəsində İsveçi kifayət qədər uğurla təmsil edərək yarımfinalda dördüncü, finalda isə beşinci yeri tutub. "Avroviziya"da mahnının ingilisdilli versiyası olan "Invincible" (Məğlubedilməz) ifa olunub. "Melodifestivalen"dən dərhal sonra o, növbəti pop albomu olan "Från nu till evighet"i buraxıb. 2007-ci ilin sonunda isə onun ikinci Milad albomu — "I denna natt blir världen ny" işıq üzü görüb.^[8]

2008-ci ildə o, Andreas Conson ilə duet şəklində "One Love" mahnısı ilə yenidən "Melodifestivalen"də iştirak etsə də, seçimin finalına vəsiqə qazana bilməyib. O, həmçinin 25 illik zəngin yaradıcılıq karyerası ərzindəki ən yaxşı kompozisiyalarını daxil etdiyi "Främling 25 år" adlı toplu albomunu buraxıb.^[9]^[10]

Şəxsi həyatı

Runar Seqaard ilə evli olub və bu nikahdan Amadey (Amadeus) Seqaard adlı bir övladı var. 2004-cü ildə müğənninin həm anası, həm də atası dünyasını dəyişib.

Discography

Främling (1983)
Steg för steg (1984)
På egna ben (1984)
Runaway (Carola Häggkvist album) (1986)
Much More (album) (1990)
Jul (Carola Søgaard album (1991)
My Tribute (1993)
Personligt (1994)
Blott en dag (album)|Blott en dag]] (1998)
Jul i Betlehem (1999)
Sov på min arm (2001)
My Show (2001)
Guld, platina & passion (2003)
Credo (Carola album) (2004)
Störst av allt (album) (2005)
Från nu till evighet (2006)
I denna natt blir världen ny – Jul i Betlehem II (2007)
Christmas in Bethlehem (2009)
Elvis, Barbra & jag (2011)
Drömmen om julen (2016)

İstinadlar

1 2 Carola Häggkvist // Česko-Slovenská filmová databáze (çeş.). 2001.
1 2 Carola Häggkvist // GeneaStar.
↑ "Biografi". Carola (isveç). 16 fevral 2024. 15 yanvar 2024 tarixində arxivləşdirilib. İstifadə tarixi: 4 aprel 2024.
↑ Eurovision.tv. Carola will represent Sweden again. Retrieved on 29 February 2008.
↑ Carola International History – Biography. Retrieved on 29 February 2008. Arxivləşdirilib 6 noyabr 2007 at the Wayback Machine
↑ "Je Ogen Hebben Geen Geheimen". Discogs.com. 1983. 31 dekabr 2009 tarixində arxivləşdirilib. İstifadə tarixi: 13 oktyabr 2012.
↑ "Carola – Fremder". Discogs.com. 1983. 22 iyun 2015 tarixində arxivləşdirilib. İstifadə tarixi: 13 oktyabr 2012.
↑ "Fushigi Na Hitomi (Don't Tell Me What To Do)". Discogs.com. 1985. 22 iyun 2015 tarixində arxivləşdirilib. İstifadə tarixi: 13 oktyabr 2012.
↑ Eva Franchell. "Alliansen premierar lärare i "fina" skolor". Dagens Nyheter (Swedish daily newspaper). 24 oktyabr 2012. 25 dekabr 2012 tarixində arxivləşdirilib. İstifadə tarixi: 24 noyabr 2014.
↑ Gylleneskor.se. Carola vi älskar dig – Heja Sverige!. Retrieved on 29 February 2008. Arxivləşdirilib 3 mart 2016 at the Wayback Machine

Xarici keçidlər

Vikianbarda Karola ilə əlaqəli mediafayllar var.
carola.com — rəsmi saytı

[_086eaa77d00c7232-1] 1 2 Carola Häggkvist // Česko-Slovenská filmová databáze (çeş.). 2001.

[_36b9f6884c6f7429-2] 1 2 Carola Häggkvist // GeneaStar.

[3] "Biografi". Carola (isveç). 16 fevral 2024. 15 yanvar 2024 tarixində arxivləşdirilib. İstifadə tarixi: 4 aprel 2024.

[esctv-4] Eurovision.tv. Carola will represent Sweden again. Retrieved on 29 February 2008.

[carolaint-5] Carola International History – Biography. Retrieved on 29 February 2008. Arxivləşdirilib 6 noyabr 2007 at the Wayback Machine

[6] "Je Ogen Hebben Geen Geheimen". Discogs.com. 1983. 31 dekabr 2009 tarixində arxivləşdirilib. İstifadə tarixi: 13 oktyabr 2012.

[7] "Carola – Fremder". Discogs.com. 1983. 22 iyun 2015 tarixində arxivləşdirilib. İstifadə tarixi: 13 oktyabr 2012.

[8] "Fushigi Na Hitomi (Don't Tell Me What To Do)". Discogs.com. 1985. 22 iyun 2015 tarixində arxivləşdirilib. İstifadə tarixi: 13 oktyabr 2012.

[DN_121024-9] Eva Franchell. "Alliansen premierar lärare i "fina" skolor". Dagens Nyheter (Swedish daily newspaper). 24 oktyabr 2012. 25 dekabr 2012 tarixində arxivləşdirilib. İstifadə tarixi: 24 noyabr 2014.

[gylleneskorbio-10] Gylleneskor.se. Carola vi älskar dig – Heja Sverige!. Retrieved on 29 February 2008. Arxivləşdirilib 3 mart 2016 at the Wayback Machine

[1]

[2]

[3]

[4]

[5]

[6]

[7]

[8]

[9]

[10]