Karula Milli Parkı

Vikipediya, azad ensiklopediya
Jump to navigation Jump to search
Karula Milli Park
est. Karula rahvuspark
Karula RP1.JPG
Sahəsi 123 km2
Yaradılma tarixi 1979
Yerləşməsi
57°42′37″ şm. e. 26°30′11″ ş. u.
Ölkə Estoniya Estoniya
kaitsealad.ee
Karula Milli Park xəritədə
Karula Milli Park
Karula Milli Park
Commons-logo.svg Vikianbarda əlaqəli mediafayllar

Karula Milli Parkı (est. Karula rahvuspark) — Estoniyanın Vırumaa (Antsl və Mıniste volostları) və Valqamaa (Karula volostu) qəzaları ərazisində yerləşən milli park. Estoniyanın beş milli parkının ən kiçiyidir. Ərazisi 123 km²-dir. Milli park Cənubi Estoniyaya xas meşə və göllərlə zəngin olan dağlıq mənzərələri, yerli mədəniyyətini qorumaq və təmsil etmək üçün qurulmuşdur[1]. Bölgədəki yerli insanlar eston dilinin xüsusi bir ləhcəsi olan murde dialektində danışırlar.

Milli park əvvəlcə təbiət qoruğu kimi 1979-cu ildə qurulmuş və 1993-cü ildə milli parka çevrilmişdir. Hazırda bütün Karul dağlarının üçdə bir hissəsini tutur[2]. Karula Milli Parkına gələnlər üçün mərkəz Yaxijarvedir. Məntəqə bölgədəki ən böyük gölün sahilində yerləşir.

Karula Milli Parkı olduqca rəngarəng təbiətə malikdir. Pıxya Karulada əsrlər boyu insan fəaliyyətinin üstünlük təşkil etdiyi mənzərələr üstünlük təşkil edir. Uzaq kənd təsərrüfatları, tarlalar, biçənəklər, bağlar və göllərlə əvəzlənir. Əhalinin əsas hissəsi Pıxya Karulada yaşayır. Lyuna-Karula isə əksinə kiçik bataqlıqlar ilə kəsişən böyük bir meşədir. Karulada Cənub-Şərqi Estoniyanın ən böyük meşə sahəsi yerləşir. Meşəlik milli parkdan da böyük bir ərazini əhatə edir. Meşənin özü isə parkın 70% -dən çoxunu əhatə edir[3].

Qədim dövrlərdə materik buzlağının geri çəkilməsi zamanı Karula təpələrinin ətəyində çoxsaylı göllər yaranmışdır. Bunlardan 38-i parkda yerləşir. Buradakı göllərin ən böyüyü Yahijarv (176 ha), ən dərini isə Savijarvdır (8 m). Bataqlıqlar milli parkın ərazisinin kiçik bir hissəsini tutur. Karula yüksəkliklərinin ən hündür zirvəsi olan Rebaseyarve Tornimyaqi (dəniz səviyyəsindən 137 m) təpəsi park ərazisində yerləşir. Karula Milli Parkı ərazisində 40 göl vardır. Onların böyük əksiyyətinin sahil xətti dəyişkəndir. parkda yerləşən göllər: Anyaryarvi, Alakonnu, Kadsiyarv, Kallıtı, Kauqyarv, Koqyuyarv, Konnumyae, Kuykli, Kyustriyar, Kyuyrre, Kyunimetsa, Layasaarya, Myarv, Lin, Perayarv, Pormeystri, Pebaseyarv, Saviyarv, Sibula, Suur-Apya və ya Koobassaare, Suur-Saaryarv, Ubayarv, Viytka, Vyake Pexmeyarv, Vyayken Myusyayarva, Vuike.

İstinadlar[redaktə | əsas redaktə]

  1. "Национальный парк Карула — Eesti Maaturism". 2016-03-08 tarixində arxivləşdirilib. İstifadə tarixi: 2012-12-26. (#parameter_ignored_suggest)
  2. Karula rahvuspark (est.)
  3. "RMK > Karula Milli Parkı". 2010-10-29 tarixində orijinalından arxivləşdirilib. İstifadə tarixi: 2020-04-03.