Kazım İsmayılov

Vikipediya, açıq ensiklopediya
Jump to navigation Jump to search
Infobox-realisateur.png
Kazım İsmayılov
Fotoqrafiya
bayraqAzərbaycan KP-nın Naxçıvan Vilayət Komitəsinin birinci katibibayraq
1938 — oktyabr 1940
Sələfi İbrahim Nəzərov
Xələfi Hüseyn Nəcəfov
bayraqAğdaş rayon Partiya Komitəsinin birinci katibibayraq
oktyabr 1940
bayraqSalyan rayon Partiya Komitəsinin birinci katibibayraq

Partiya КПСС.svg Kommunist partiyası
Doğum tarixi
22 noyabr 1905(1905-11-22)
Doğum yeri Basqal, İsmayıllı, Şamaxı qəzası, Flag of the Russian Empire (black-yellow-white).svg Rusiya İmperiyası
Vəfat tarixi 21 mart 1981 (75 yaşında)
Vətəndaşlığı Flag of Azerbaijan.svg Azərbaycan
Milliyyətiazərbaycanlı
UşaqlarıTofiq İsmayılov

Mükafatları"Lenin" ordeni  — 27 aprel 1940 "Lenin" ordeni "Şərəf Nişanı" ordeni

Kazım Mirheydər oğlu İsmayılov (d. 22 noyabr 1905, Basqal, İsmayıllı, Şamaxı qəzası, Rusiya İmperiyası – ö. 21 mart 1981, Bakı, Azərbaycan SSR) — siyasi xadim, Azərbaycan KP-nın Naxçıvan Vilayət Komitəsinin birinci katibi, Ağdaş və Salyan rayon Partiya Komitələrinin birinci katibi.[1]

Həyatı[redaktə | əsas redaktə]

Kazım Mirheydər oğlu İsmayılov 22 noyabr 1905-ci ildə keçmiş Şamaxı qəzasının (hazırda İsmayıllı rayonunun)Basqal qəsəbəsində anadan olmuşdur. 1922-ci ildə könüllü olaraq ordu sıralarında xidmət etmişdir. 1924-cü ildə ordudan tərxis olunduqdan sonra K.İsmayılov Bakıda mexaniki emalatxanalarda çilingər köməkçisi işləyir. Sonrakı illərdə Azərbaycan komsomolu Mərkəzi Komitəsinin ikinci katibi və Naxçıvan vilayət partiya Komitəsinin birinci katibi olur.

Böyük Vətən müharibəsinin ilk günlərindən Kazım İsmayılov döyüşən ordu sıralarına qoşulmuş, 402-ci, 72-ci, 378-ci, 39-cu atıcı diviziyaların siyasi şöbəsinin rəisi olmuş, alman faşist işğalçıları ilə çarpışmalarda bilavasitə iştirak etmişdir. 1945-ci ildə ordudan buraxıldıqdan sonra Kazım İsmayılov yenidən partiya işinə getmiş-Ağdaş və Salyan rayon partiya komitələrinin birinci katibi, Azərbaycan KP-nin inzibati orqanlar şöbəsinin müdiri olmuşdur. O, bir sıra çağrışlı: SSRİ Ali Sovetinin, Azərbaycan Ali Sovetinin, Naxçıvan Muxtar Respublikası Ali Sovetinin deputatı olmuşdur.[2]

K.İsmayılov iki Lenin ordeni, Qırmızı Əmək bayrağı, Şərəf nişanı ordenləri və bir çox başqa orden və medallarla təltif olunmuşdur.

Kazım İsmayılov 1981-ci il mart ayının 21-də 75 yaşında vəfat etmiş və Fəxri xiyabanda dəfn edilmişdir.

Azərbaycan Respublikasının 1-ci Dövlət katibi Tofiq İsmayılovun atasıdır.

İstinadlar[redaktə | əsas redaktə]