Kazimera Bujvidova

Kazimera Bujvidova
Kazimera Bujvidova
	pol. Kazimiera Bujwidowa
Doğum tarixi	16 oktyabr 1867
Doğum yeri	Varşava, Polşa çarlığı, Rusiya imperiyası;
Vəfat tarixi	8 oktyabr 1932 (64 yaşında)
Vəfat yeri	Krakov, Polşa Respublikası;
Dəfn yeri	Krakov;
Fəaliyyəti	esperantoçu[d], qadın hüquqları fəalı[d], siyasi fəal[d], pedaqoq, feminist[d]
	Vikianbarda əlaqəli mediafayllar

Kazimera Bujvidova (qızlıq soyadı Klimontovits pol. Kazimiera Bujwidowa; 16 oktyabr 1867^[1], Varşava – 8 oktyabr 1932^[1], Krakov) — polyak feministi və ictimai xadimi.

Həyatı

Buyvidova 16 oktyabr 1867-ci ildə Polşa çarlığının Varşava şəhərində, Lyudvika və Kazimej Klimontoviçin nikahdankənar övladı olaraq dünyaya gəlib. Atası onu öz övladı kimi qəbul edib və maddi cəhətdən dəstəkləsə də, anasının ölümündən sonra xalası Karolina Petronella Klimontoviç tərəfindən böyüdülüb. Buyvidova özəl pansionatda təhsil alıb və məzun olduqdan sonra fərdi repetitor kimi fəaliyyət göstərib. Həmin dövrdə qadınların Varşava Universitetində təhsil almasına icazə verilmədiyi üçün, o, dərzi kursuna yazılıb və 1880-ci illərin sonlarında gizli fəaliyyət göstərən Səyyar Universitetin kurslarında iştirak edib.

1886-cı ildə bakterioloq və sosial işçi Odo Buyvid ilə ailə quran Kazimera, onun köməkçisi və laboratoriyada texniki olub. Onların bu nikahdan dörd qızı və iki oğlu dünyaya gəlib. 1893-cü ildə Buyvid Yagellon Universitetinə professor təyin edildikdə, onlar Avstriya Polşasının Krakov şəhərinə köçüblər və Buyvidova həyat yoldaşının rəhbərlik etdiyi "Peyvənd İstehsalı İnstitutu"nda inzibatçı kimi çalışıb. Birinci Dünya müharibəsi zamanı o və həyat yoldaşı Avstriya-Macarıstan ordusunda xidmət edən polşalı əsgərlər üçün xəstəxana təşkil ediblər. 1918-ci ildə Buyvidova institutun müdiri olub və 8 oktyabr 1932-ci ildə Krakovda vəfat edənə qədər bu vəzifədə çalışıb.^[2]

Fəaliyyəti

Bujvidova, həm Varşava, həm də Krakovda təhsil və savadlılığın artırılması aksiyalırının iştirakçısı olub. O, Krakova gəldiyi gündən bəri fəaliyyət göstərdiyi İbtidai Məktəblər Cəmiyyətinin, 1899–1901-ci illərdə idarə heyətinin üzvü olub. O, həmçinin Krakovda Qadınlar üçün Qiraətxananı təşkil edib və onun sədri olub. Bujvidova daha yaxşı bir cəmiyyətin qurulmasında anaların və məktəblərin rolunu olduqca mühüm hesab edirdi. Buna görə də qadınlar pedaqogika, psixologiya və gigiyena sahələrində peşəkar şəkildə hazırlanmalı idilər. Bujvidova qızlar üçün ilk ibtidai məktəbin əsasını qoyub.^[3] O, həmçinin qadınların 1897-ci ildə Yagellon Universitetinə qəbul edilməsi üçün təşkil edilən aksiya ilə tanınır.^[4]

İstinadlar

1 2 3 4 [Kazimiera Bujwidowa Kazimiera Bujwidowa] (alm.). // Frauen in Bewegung 1848–1938. Österreichische Nationalbibliothek.
↑ Kałwa, pp. 85, 87
↑ Kałwa, pp. 85–86
↑ "Saying No to Children, Kitchen, Church: The Pioneers of Women's Rights in Poland". Culture.pl (ingilis). 7 aprel 2018 tarixində arxivləşdirilib. İstifadə tarixi: 3 noyabr 2017.

[_38c422aea48d0270-1] 1 2 3 4 [Kazimiera Bujwidowa Kazimiera Bujwidowa] (alm.). // Frauen in Bewegung 1848–1938. Österreichische Nationalbibliothek.

[2] Kałwa, pp. 85, 87

[3] Kałwa, pp. 85–86

[4] "Saying No to Children, Kitchen, Church: The Pioneers of Women's Rights in Poland". Culture.pl (ingilis). 7 aprel 2018 tarixində arxivləşdirilib. İstifadə tarixi: 3 noyabr 2017.

[1]

[2]

[3]

[4]

Şəcərə və nekropolistika	Find a Grave
Normativ yoxlama	GND: 128891955 · ISNI: 0000000110482523 · NUKAT: n02082046 · VIAF: 28135394 · WorldCat VIAF: 28135394