Kiçik Bazar məscidi

Məhəmməd məscidi
Məhəmməd məscidi
	38°45′36″ şm. e. 48°51′01″ ş. u.
Ölkə	Azərbaycan
Şəhər	Lənkəran
Yerləşir	Kiçik Bazar məhəlləsi
Sifarişçi	Tağı bəy, Ağa bəy, Molla Nəsir
Tikilmə tarixi	1906
Üslubu	İslam memarlığı
Vəziyyəti	stabil
Azərbaycandakı tarixi abidələrin milli qeydiyyatı
İstinad nöm.	4806
Kateqoriya	Məscid
Əhəmiyyəti	Yerli əhəmiyyətli
	Kiçik Bazar məscidi

Kiçik bazar məscidi — Azərbaycanın Lənkəran rayonunun inzibati mərkəzində yerləşən tarixi-memarlıq abidəsi.

Kiçik Bazar məscidi 1906-cı ildə Lənkəranda inşa edilmişdir. Məscidin inşasına Tağı bəy, Ağa bəy, Molla Nəsir və şəhər camaatı vəsait vermişdir. Məscidin nəqqaşı usta Rəhim və onun atası olmuşdur. Məscid inşa edilərkən onun yanında Güldəstə adı ilə məşhur olan möhtəşəm minarə olmuşdur. Ötən əsrin 30-cu illərində sovet hakmiyyəti tərəfindən "dinlə mübarizə" şüarı altında bu əzəmətli minarə dağıdılmışıdır. Məscid özü indiyədək öz əvvəlki görkəmini saxlamış və dövlət tərəfindən mühafizə olunur. Məscidin divarlarının uzunluğu 26 metr, eni 10 metr, hündürlüyü 8 metr, divarının qalınlığı 1 metrdir.^[1] Məsciddə eyni vaxtda 250 nəfər namaz qıla bilir. Məscidin tikintisində qırmızı kərpicdən, yerli meşə materiallarından və kirəmitdən istifadə edilmişdir. Əvvəllər məscidin minarəsi olsa da Sovet dövründə dağıdılmışdır. Minarə yenidən bərpa edilmişdir. 24 metr olan yeni minarə qırmızı kərpicdən hörülmüş və üzərində ağ kərpiclə ərəbcə Allah sözləri yazılmışdır. Məscid tarixi-dini abidə kimi Mədəniyyət və Turizm Nazirliyi tərəfindən qorunur.^[2]