Kiçik Pirəkəşkül

Vikipediya, azad ensiklopediya
Jump to navigation Jump to search

Kiçik Pirəkəşkül (yaxud Kiçik Perekeşkül; sonrakı adları Nasoslu (rus. Насосный), Hacı Zeynalabdin) — Azərbaycanda Abşeron yarımadasında hal-hazırki Sumqayıt inzibati ərazi vahidliyinin Hacı Zeynalabdin qəsəbəsi ərazisində mövcud olmuş kiçik kənd.[1]

Tarixi[redaktə | əsas redaktə]

Kiçik Pirəkəşkül kəndi Sumqayıt inzibati ərazi vahidliyinin Hacı Zeynalabdin qəsəbəsi ərazisində «Təkə qumu» deyilən yerdə maldarlıqla məşğul olan kiçik yaşayış məntəqəsi kimi mövcud olub. 1907-ci ildə Zaqafqaziya dəmir yolunun salınması ilə əlaqədar olaraq Kiçik Pirəkəşkül kəndinin yaxınlığında dəmiryol stansiyası tikilmişdir.[1] Şollar su kəmərinin çəkilişi ilə bağlı olaraq kənd ərazisində sonralar Nasoslu (rus. Насосный) adlanacaq qəsəbə inkişaf etmişdir.

Kəndi Abşeron yarımadasında Sumqayıtçaya yaxın ərazidə yerləşən Pirəkəşkül kəndindən gələn əhalinin qurduğu hesab olunur. Kiçik Pirəkəşkül kəndi öz adını həmin kəndin adından götürüb. Toponimin tərkibindəki ikinci komponent hind qozundan düzəldilmiş və dərvişlərin gəzdirdiyi nəzir qabının adından - "kəşkül" sözündəndir. Keçmişdə pirlərin üstündən kəşkül asarmışlar. Pirəkəşkül sözü də mənbəyini burdan alıb.[2]

Kənd Xəzər dənizinə yaxın Böyük Qafqaz dağlarının şərq yamacları ilə əhatə olunan iqlimi quru subtropik olan düzənlik ərazidə yerləşib.

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 Sumqayıt şəhər İcra Hakimiyyəti. "Hacı Zeynalabdin qəsəbəsi". «sumqayit-ih.gov.az». İstifadə tarixi: 27/02/2012. (#apostrophe_markup) (azərb.)
  2. Bələdiyyə. "Pirəkəşkül, Qobustan Bələdiyyəsi" (azərb.). www.belediyye.com. İstifadə tarixi: 27/01/2017. (#apostrophe_markup) Arxivləşdirilib (azərb.)