Kimçxek

Vikipediya, azad ensiklopediya
Jump to navigation Jump to search
Şəhər
Kimçxek
김책시

40°40′04″ şm. e. 129°11′51″ ş. u.


Ölkə Şimali Koreya Şimali Koreya
Vilayət Hamqyon-Pukto
Tarixi və coğrafiyası
Əvvəlki adları Şirotsu
Soncin
Sahəsi 850 km²
Mərkəzin hündürlüyü 1 m
Saat qurşağı UTC+8:30
Əhalisi
Əhalisi 207,299[1] nəfər (2008)
Rəsmi dili Koreya dili
Xəritəni göstər/gizlə
Kimçxek xəritədə
Kimçxek
Kimçxek
Commons-logo.svg Vikianbarda əlaqəli mediafayllar

Kimçxek (kor. 김책시), və ya əvvəlki adıyla Soncin (kor. 성진시, 1951-ci ilə qədər) — Koreya Xalq Demokratik Respublikasının (Şimali Koreya) şimal-şərqində yerləşən Hamqyon-Pukto vilayətində, Yapon dənizinin, Kim-Çxek-Xan körfəzinin və Namde çayının sahilində yerləşən şəhər. 2008-ci ildə keçirilən əhalinin siyahıya alınmasına əsasən şəhərin əhalisi 207,299 nəfərdir.

Adı[redaktə | əsas redaktə]

Yaponiya hakimiyyəti dövründə (19101945) şəhər "Şirotsu" olaraq bilinirdi. 1951-ci ilə qədər şəhər Soncin adlandırılırdı. Rus dilində tez-tez Kim-Çxek və ya Kim-Çak kimi tərcümə olunur. Şəhər hal-hazırki adını Koreya müharibəsi zamanı almışdır. Şəhər adını Şimali Koreyanın önəmli bir siyasi və hərbi şəxsi olan Kim Çxekdən almışdır.

Tarixi[redaktə | əsas redaktə]

Şəhər əvvələr bir balıqçı kəndi idi. Şəhər 1899-cu ildə dəniz ticarəti üçün limanın açılmasından sonra, iqtisadi baxımdan sürətlə böyüməyə başladı.[2] Liman kənd təsərrüfatı məhsulları, odun və s. ixrac edirdi. Yaşayış məntəqəsi 1931-ci ildə şəhər statusu almışdır. 1930-cu illərdə mineral yataqların inkişafına başlayan şəhər, regionun əsas sənaye mərkəzi olmuşdur.

İqtisadiyyat[redaktə | əsas redaktə]

Kimçxek Yapon dənizində yerləşən mühüm bir liman şəhəridir. Şəhər bir dəmir məmulatı zavoduna və Kimçxek Politexnik İnstitutuna ev sahibliyi edir.[2]

Mədəniyyəti[redaktə | əsas redaktə]

Şəhərdə prezident Kim İr Senin fəaliyyətinə həsr olunmuş kiçik bir muzey var. Şəhərdə həmçinin, həm həvəskar, həm də peşəkar oyunlara ev sahibliyi edən milli futbol stadionu mövcuddur. Bundan başqa, görməli yerlər arasında şəhər ətrafında səpələnmiş olan abidələr var.

Nəqliyyat[redaktə | əsas redaktə]

Şəhərdən magistral yoldəmiryolu keçir. Şəhərin mühüm bir limanı mövcuddur. Limanda "Texın" balıq ferması fəaliyyət göstərir.[3]

Tanınmış sakinləri[redaktə | əsas redaktə]

  • Li Den Ok — 1977-ci ildən 1984-cü ilədək KXDR-in İnzibati Şurasının sədri.
  • Çxo So He — Koreya yazıçısı.
  • Yon Nam Tsoy — Viktor Tsoyun ulu babası.

Mənbə[redaktə | əsas redaktə]

İstinadlar[redaktə | əsas redaktə]

  1. Pxenyan: KXDR Mərkəzi Statistika İdarəsi, 2008 Əhalinin siyahıya alınması.
  2. 1 2 "Kimch'aek". Encyclopaeida Britannica’. İstifadə tarixi: 8 dekabr 2012.
  3. "Koreya" jurnalında Texın balıqçılıq müəssisəsi

Ədəbiyyat[redaktə | əsas redaktə]

  • Dormels, Reyner. North Korea's Cities: Industrial facilities, internal structures and typification. (azərb. Şimali Koreyanın Şəhərləri: Sənaye obyektləri, daxili strukturlar və tipləşdirmə‎) Cimondan, 2014. ISBN 978-89-6297-167-5
  • «Словарь современных географических названий» (azərb. "Müasir coğrafi adlar lügəti"‎), 2006.
  • «Большой Энциклопедический словарь» (azərb. "Böyük Ensiklopedik lügət"‎), 2000.

Xarici keçidlər[redaktə | əsas redaktə]

Vikianbarda Kimçxek ilə əlaqəli mediafayllar var.