Məzmuna keç

Kimya Əlizadə

Vikipediya, azad ensiklopediya
Kimya Əlizadə
fars. کیمیا علیزاده زنوزی‎
Şəxsi məlumatlar
Vətəndaşlığı
Doğum tarixi 10 iyul 1998(1998-07-10)[1] (28 yaş)
Doğum yeri
Boyu 1,8 ± 0,01 m
Çəkisi 69 kq
İdman növü Taekvondo
Rəsmi saytı
Medallar
Vikianbarın loqosu Vikianbarda əlaqəli mediafayllar

Kimya Əlizadə (fars. کیمیا علیزاده زنوزی‎; 10 iyul 1998[1], Kərəc, Tehran ostanı) — 2020-ci ilə qədər İranı, 2021-ci ildən isə Bolqarıstanı təmsil edən taekvondoçu. İranın idman tarixində Olimpiya medalı əldə edən ilk qadın idmançı.[2][3]

Həyatı

[redaktə | vikimətni redaktə et]

1998-ci ildə İranın Kərəc şəhərində azərbaycanlı ailəsində anadan olmuşdur.[4] Atası Təbriz şəhərinin yaxınlığında yerləşən Zunuz şəhərindən, anası isə Ərdəbil şəhərindəndir.[4]

Karyerası

[redaktə | vikimətni redaktə et]

Kimya 2014-cü ildə Taybeydə keçirilən Gənclər arasında Dünya Çempionatında qızıl medal qazanıb.[5] Eyni ildə Nankində keçirilən Yeniyetmələrin Yay Olimpiya Oyunlarında da qızıl medal qazanmağı bacarıb. O, ilk döyüşdə seneqallı Elsa Nqassanı 23:0 hesabı ilə məğlub edərək, 1/4 finala yüksəlib. Növbəti rəqibinə — belçikalı Amber Pannemansa da şans verməyib — 15:2. Yarımfinalda isə kolumbiyalı Nataliya Qomezi 12:2 hesabı ilə üstələyərək, adını finala yazdırıb. Həlledici görüşdə isə Kimya Rusiya taekvondoçusu Yuliya Turutinanı 10:7 hesabı ilə üstələyərək, çempion olub.[5]

Kimya 2015-ci ildə Çelyabinsk şəhərində keçirilən Dünya Çempionatında və 2016-cı ildə Rio-de-Janeyro şəhərində keçirilən Yay Olimpiya Oyunlarında bürünc medal qazanıb.[5]

2017-ci ildə Cənubi Koreyanın Muju şəhərində keçirilmiş Dünya Çempionatında gümüş medal qazanıb.[6] O, final görüşündə Kot-d'İvuar təmsilçisi Rut Qbaqbiyə 19:9 hesabı ilə məğlub olub.

2020-ci ildə İran hakimiyyəti onun uğurlarını şəriətlə əlaqələndirdiyinə görə, mühacir kimi Avropaya köçüb.[7]

İstinadlar

[redaktə | vikimətni redaktə et]
  1. 1 2 Kimia Alizadeh // https://www.olympedia.org/athletes/130586.
  2. ↑ "Teenager Alizadeh wins first women's Olympic medal for Iran". Dailymail. 19 Avqust 2016. 2016-08-20 tarixində arxivləşdirilib. İstifadə tarixi: 27 Avqust 2016.
  3. ↑ "روز تاریخی زنان ایران در المپیک؛‌ علیزاده اولین زن مدال‌آور از ایران شد". BBC. 19 Avqust 2016. 2018-09-21 tarixində arxivləşdirilib. İstifadə tarixi: 27 Avqust 2016.
  4. 1 2 "شفاف‌سازی نام و اصالت کیمیا علیزاده از زبان پدرشان" (fars). kimiaalizadeh.ir. 18 dekabr 2018 tarixində orijinalından arxivləşdirilib. İstifadə tarixi: 5 sentyabr 2016.
  5. 1 2 3 "ALIZADEH ZENOORIN, Kimia". Taekwondodata.com. 21 avqust 2016 tarixində arxivləşdirilib. İstifadə tarixi: 26 avqust 2016.
  6. ↑ "Iran win four medals at World Taekwondo Championships". Tehrantimes.com. 29 noyabr 2021 tarixində arxivləşdirilib. İstifadə tarixi: 30 iyun 2017.
  7. ↑ APA TV. "İranın yeganə qadın olimpiya medalçısı ölkəni tərk etdi" (az.). Youtube.com. 13.01.2020. 2023-07-24 tarixində arxivləşdirilib. İstifadə tarixi: 2020-01-13.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Kimya_Əlizadə&oldid=8933423"