Kirən

Kənd
Kirən
40°48′07″ şm. e. 45°37′17″ ş. u.
Ölkə	Azərbaycan Azərbaycan
Region	Gəncə-Qazax iqtisadi rayonu
Rayon	Tovuz rayonu
Tarixi və coğrafiyası
Mərkəzin hündürlüyü	1 305 m
Saat qurşağı	UTC+4, yayda UTC+5
Əhalisi
Əhalisi	682. nəfər
Milli tərkibi	Azərbaycanlılar
Rəsmi dili	Azərbaycan dili
Kirən

Kirən (digər tarixi adı Quşçu Kirən) — Azərbaycan Respublikasının Tovuz rayonunun inzibati ərazi vahidində kənd.

Tarixi

Kirən (oyk.), (sadə.) - Tovuz rayonunun eyniadlı inzibati ərazi vahidində kənd. Əsrik və Zəyəm çaylarının suayrıcında, orta dağlıq qurşaqdadır.

Keçmiş adı Quşçu Kirən olmuşdur. Keçmişdə burada Kirən adlı iki kənd var idi. Bir-birindən fərqləndirmək məqsədilə biri Xınna Kirən, digəri Quşçu Kirən adlandırılmışdı. Quşçu Kirən kəndi quşçu tayfasına mənsub ailələrin Kirən adlı yerdə məskunlaşması ilə əlaqədar yaranmışdı. Sonralar Quşçu Kirən kəndinin adındakı "Quşçu" hissəsi kəndin adından yığışdırılmış, və kəndin adı sadəcə "Kirən" şəklinə qısaldılmışdır.

Fıstıq, vələs meşəliyi olan bu yerdə keçmişdə "kəran / kərən" (tir, pərdi) kəsildiyi üçün Kirən (yerli əhali arasında Kəran) adlandırılmışdır. Oykonimi qədim kiran/kürən tayfa adı ilə də əlaqələndirir, "yamaclar" ("qır-an" şəklində izah edilərək) kimi də izah edirlər.

Əhalisi

Əhalisinin sayı 682 nəfərdir.

Mədəniyyəti

Kirəndə məktəblilər üçün bir istirahət düşərgəsi və bir yüksək səviyyədə təmir olunmuş məktəb var.

Coğrafiyası və iqlimi

Kirən Tovuzun gözəl təbiətə malik ucqar kəndlərindən biridir.

İqtisadiyyatı

Kənd əhalisi əsasən əkinçilik və heyvandarlıqla məşğuldur. Kənddə kartofçuluq inkişaf etmişdir.