Kirpi (jurnal)

Vikipediya, açıq ensiklopediya
(Kirpi jurnalı səhifəsindən istiqamətləndirilmişdir)
Jump to navigation Jump to search
Picto infobox magazine.png
"Kirpi"
Şəkil
Redaktor Polad Qasımov
Əməkdaşlar
Növsatirik, qara mizah
Dövrilikaylıq
Tiraj5000 (dekabr 2015)
TəsisçiSamir Polad
ÖlkəFlag of Azerbaijan.svg Azərbaycan
QərargahBakı ş,Yasamal r-nu,Azərbaycan nəş-ı Dilarə Əliyeva k., 251/121A
DilAzərbaycan dili
Səhifə31
Qiymət0,49 azn

KirpiAzərbaycanda nəşr olunan satirik karikatura jurnalı.

Məlumat[redaktə | əsas redaktə]

"Kirpi" satirik jurnalı 1952-ci ildən çıxır. "Molla Nəsrəddin" ənənələrini davam etdirmək, cəmiyyətdəki nöqsanları üzə çıxarmaq, haqqın, ədalətin öz yerini tutması "Kirpi"nin əsas iş prinsipi olub. Jurnal uzun illər rüşvətxorların, el malını dağıdanların, mədəniyyətimizə biganə qalanların və s. ifşa edilməsi üçün qətiyyətlə mübarizə aparmışdır.[1]

Redaktorlar[redaktə | əsas redaktə]

Əvəz Sadıq, Qulam Məmmədli, Seyfəddin Dağlı, Salam Qədirzadə, Şamil Fərzəliyev, Eyvaz BorçalıPolad Qasımov ardıcıllıqla "Kirpi" jurnalına redaktorluq etmişlər.[1]

Əməkdaşlar[redaktə | əsas redaktə]

Cəsarətli yazıları ilə oxucuların rəğbətini qazanmış S.Vurğun, S.Rüstəm, S.Rəhimov, Ə.Vəliyev, İ.Şıxlı, Ə.Vahid, N.Arif jurnalla yaxından əməkdaşlıq etmişlər.[1]

Rəssamlar[redaktə | əsas redaktə]

Jurnalın əsas rəssamları: baş rəssam Nəcəfqulu İsmayılov, ve Hüseyn Əliyev, Ümid Hüseynov, Həsən Haqverdiyev, Sadıq Şərifzadə, Rizvan Quliyev, Vsevolod Ternavski, Ziya Kərimbəyli, Pyotr Şandin, Arif Ələsgərov, Eduard Abdullayev, Ələkbər Zeynalov, Adil Elçin, Hafiz Nəsiroğlu.

1952-ci ildə "Kirpi" satirik jurnalının nəşrə başlanması dövrün, zamanın tələbi idi. "Kirpi" jurnalının nəşrə başlanması karikatura janrının inkişafında müstəsna rol oynamış və bu sahədə yeni ənənələrin yaranmasına təkan vermişdir. Əsasən, Sovet ideologiyasına xidmət etməsinə baxmayaraq, "Kirpi" jurnalı müxtəlif nəsillərə mənsub olan peşəkar karikaturaçı rəssamları bir araya gətirə bildi.

Karikatura janrına marağın artması, "Kirpi " jurnalının oxunaqlı jurnal olması bu sahəyə peşəkar rəngkar rəssamların axını ilə müşayiət olundu. 1950-1960-cı illərdə Azərbaycanın görkəmli rəssamları M.Abdullayev, Tahir Salahov, Oktay Sadıqzadə, Kazım Kazımzadə, Güllü Mustafayeva və başqaları by sahədə layiqli əsərlər yaratmışlar.

"Kirpi" jurnalının populyarlaşmasında xalq rəssamı, İsmayıl Axundovun mühüm xidmətləri olub. 1990-ların əvvəllərində çətin vaxtlarını yaşayan, jurnal bir müddət çap olunmadı. Ömürlərini bu jurnala həsr etmiş, mərhum baş redaktor Polad Qasımov, jurnalın baş rəssamı Hafiz Nəsiroğlu jurnala ikinci ömür verdilər.

Həmçinin bax[redaktə | əsas redaktə]

Ədəbiyyat[redaktə | əsas redaktə]

  • "Kirpi" jurnalı, 3-4 (1012), 2002-ci il

İstinadlar[redaktə | əsas redaktə]