Kiyev Beynəlxalq Qısa Film Festivalı

Vikipediya, azad ensiklopediya
Naviqasiyaya keçin Axtarışa keçin
Kiyev Beynəlxalq Qısa Film Festivalı
Açılış filmi2012
YerKiyev, Ukrayna Ukrayna
Dilbeynəlxalq
Saythttp://www.kisff.org/

Kiyev Beynəlxalq Qısa Film Festivalı (ukr. Київський міжнародний фестиваль короткометражних фільмів) – hər il Kiyev şəhərində keçirilən kinofestival. Festivalın məqsədi tamaşaçıları beynəlxalq qısametrajlı filmlərlə tanış etməkdir.

Festivalda ən son filmlər, beynəlxalq festivalların qalibləri, qeyri-adi simaların retrospektivləri, müasir və klassik Ukrayna filmləri nümayiş etdirilir. KBQFF həmçinin Ukraynada qısametrajlı filmlərin müxtəlifliyini təmin etmək üçün layihələr və tədbirlər təşkil edir.[1][2]

Tarix və missiya[redaktə | mənbəni redaktə et]

Kiyev Beynəlxalq Qısa Film Festivalı üzərində iş 2011-ci ildə başlamış və ilk dəfə 2012-ci ilin yazında keçirilmişdir. Həmin ildən etibarən festival hər il keçirilir. Festival müstəqil, qeyri-kommersiya, qeyri-hökumət təşkilatıdır və əsas məqsədi qısametrajlı filmləri təbliğ etməkdir.[3]

Festivalın missiyası qısametrajlı filmlər üçün milli və beynəlxalq platformalar hazırlamaqla Ukraynada və xaricdə film istehsalının yeni forma və üsullarını kəşf etməkdir. Proqrama müxtəlif nümayişlər, dərslər və görüşlər də daxildir.[4]

Keçmiş qaliblər[redaktə | mənbəni redaktə et]

2020-ci ildəki müsabiqənin qalibi "Hantsvill stansiyası" filmi olmuşdur. "Oyaq qal, hazır ol", "Metaiş" və "Necə yoxa çıxmalı" filmləri xüsusi mükafata layiq görülmüş, Nataşa Kiselova tərəfindən çəkilmiş "Xalça" filmi isə Ukrayna üzrə müsabiqənin qalibi olmuşdur.[5]

Qaydalar[redaktə | mənbəni redaktə et]

Festivalın münsiflər heyəti festivalın rəhbərliyi tərəfindən seçilir. Adətən heyət bir neçə xarici qonaq və Ukrayna kinosunun nümayəndələrindən ibarət olur. Münsiflər heyəti beynəlxalq mükafatlara layiq görülmüş tanınmış rejissorlar, prodüserlər və rejissorlardır.[6]

Qaydalara əsasən, dili ukrayna, ingilis və rus dillərində olmayan filmlərin ingiliscə subtitrləri olmalıdır. Filmi təqdim edən şəxs filmin bütün lazımi hüquqlara riayət etməsinə görə məsuliyyət daşıyır.[7]

Mükafatlar[redaktə | mənbəni redaktə et]

Müsabiqənin münsiflər heyəti üç nominasiya üzrə mükafatlar təqdim edir: ən yaxşı film, ən yaxşı rejissor, tamaşaçı mükafatı. Bundan əlavə, münsiflər heyəti bir filmi "Münsiflər heyətinin xüsusi qeydi" ilə mükafatlandıra bilər.

İstinadlar[redaktə | mənbəni redaktə et]

  1. ↑ "Kyiv to host first offline film festival since pandemic started | KyivPost - Ukraine's Global Voice". KyivPost. 2020-08-04. 2021-03-04 tarixində arxivləşdirilib. İstifadə tarixi: 2021-02-24.
  2. ↑ "Kyiv International Short Film Festival". FilmFreeway (ingilis). 2020-08-08 tarixində arxivləşdirilib. İstifadə tarixi: 2021-02-24.
  3. ↑ "History - KISFF". 2014-05-21 tarixində arxivləşdirilib. İstifadə tarixi: 2023-03-13.
  4. ↑ "Mission". KISFF | Kyiv International Short Film Festival (rus). 2020-07-11 tarixində arxivləşdirilib. İstifadə tarixi: 2021-03-03.
  5. ↑ "Winners". 2021-03-04 tarixində arxivləşdirilib. İstifadə tarixi: 2023-03-13.
  6. ↑ "JURY". KISFF | Kyiv International Short Film Festival (rus). 2018-04-22 tarixində arxivləşdirilib. İstifadə tarixi: 2021-02-24.
  7. ↑ "Regulations". KISFF | Kyiv International Short Film Festival (rus). 2020-07-11 tarixində arxivləşdirilib. İstifadə tarixi: 2021-03-05.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Kiyev_Beynəlxalq_Qısa_Film_Festivalı&oldid=7484828"