Komo FK
| Komo FK | ||||
|---|---|---|---|---|
| Calcio Como 1907 | ||||
.svg){kind=logo} Komo FK emblemi | ||||
| Klubun tam adı | Calcio Como 1907 S.r.l. | |||
| Ölkə | İtaliya | |||
| Ləqəb(lər) | Lariani | |||
| Kodu | Komo FK | |||
| Yaranma tarixi | 1907 | |||
| Stadionu | Stadio Giuseppe Sinigaglia | |||
| Tutumu | 13,602 | |||
| Sahibi | SENT Entertainment | |||
| Prezidenti | Dennis Wise | |||
| Baş məşqçisi | Sesk Fabreqas | |||
| Liqa | A Seriyası | |||
| 2023–24 | B Seriyası 2-ci yer | |||
|
| ||||
| Rəsmi saytı | ||||
 Vikianbarda əlaqəli mediafayllar | ||||
Komo FK(it. Calcio Como 1907) — İtaliyanın Lombardiya bölgəsində, Komo şəhərində yerləşən futbol klubu. Klub, 1907-ci ildə təsis edilmişdir və hazırda İtaliyanın A Seriyası liqasında mübarizə aparır. Klub ev oyunlarını 13.602 tamaşaçı tutumuna malik Stadio Giuseppe Sinigaglia stadionunda keçirir.
Tarixi
[redaktə | vikimətni redaktə et]İlk illər
[redaktə | vikimətni redaktə et]"Komo FK", 1907-ci ildə bir qrup istilikli futbol həvəskarı tərəfindən yaradılmışdır. İlk dövrlərdə klub əsasən yerli liqalarda mübarizə aparır və əsas məqsədi şəhərin gənclərini idmana cəlb etmək idi. Klub rəsmi olaraq 1926-cı ildə İtaliya Futbol Federasiyası tərəfindən tanınmış və o vaxtdan etibarən regional liqalarda iştirak etməyə başlamışdır. İlk illərin çətinlikləri və məhdud imkanları ilə mübarizə aparan "Komo", əsasən yerli və regional turnirlərdə möhkəmlənir.
İtaliya üçün cəhənnəm kimi keçən kinci dünya müharibəsindən sonra İtaliya futbolu, çətin dövrü arxada qoyaraq yenidən canlanmağa başlayır. "Komo" isə 1949-cu ildə tarixi bir uğur əldə edərək B Seriyasına yüksələ bilir. 1949–1950 mövsümündə kluba sadiq olan çoxlu azarkeşlər və futbolçularının səyləri nəticəsində "Komo", B Seriyasında heyətini formalaşdıraraq daha üst liqalara çıxmağı planlaşdırırdı. 1955-ci ildə klub gərgin səylərin nəticəsində ilk dəfə İtaliya A Seriyasına vəsiqə qazanır. Bu uğur, klubun tarixində ən böyük nailiyyətlərdən biri kimi qeyd edilir.
Qızıl dövr
[redaktə | vikimətni redaktə et]1970–1980-ci illər "Komo" üçün ən əlamətdar dövrlərdən biri olaraq yadda qalır. Klub, bu dövrdə bir neçə dəfə A Seriyasına qatılmağa nail oldu. Xüsusilə, 1975–1978-ci illərdə qızıl dövrünü keçieən "Komo", İtaliya futbolunun ən üst liqasında davamlı olaraq mübarizə aparır. Bu illərdə "Komo" xüsusilə gənc istedadların kəşfi və inkişafı üçün tərtib etdiyi proqramlar sayəsində uğur qazanır. Hətta klub, İtaliya Kubokunun yarımfinal mərhələsinə qədər gedə bilir.
Çöküş dövrü
[redaktə | vikimətni redaktə et]1980-ci illərin sonlarına yaxın və 1990-cı illərdə "Komo" maliyyə problemləri ilə üzləşir. Klub, əsas sponsorların dəstəyini itirir və bu da klubun nəticələrində özünü göstərir. 1989-cu ildə klub B Seriyasına düşür. Maliyyə vəziyyətinin daha da pisləşməsindən sonra klub nöbvəti il İtaliya C1 Seriyasına düşür.
2002-ci ildə A Seriyasına qayıdır. Lakin "Komo" yüksək liqada iştirakı cəmi bir mövsüm davam edir və lıub təkrar aşağı liqaya düşür. "Komo"nun ev stadionu olan Sinigaglia isə azarkeşlərinin davranışına görə diskvalifikasiya edilir. Sonrakı mövsümlərdə "Komo" C2 seriyasına qədər düşür və komanda iflas prosedurlarına görə peşəkar futboldan kənarlaşdırılır. Bu prosesdən sonra 2004-cü ildə eyni rənglərdə, eyni gerb və tarixə sahib yeni "Komo" (it. Calcio Como) klubu yaranır. Yeni komanda D Seriyasında mübarizəyə (dördüncü liqa) başlayır və 2008-ci ildə D Seriyası Kubokunu qazanaraq C Seriyasına yüksəlir.
Yenidən yüksəliş
[redaktə | vikimətni redaktə et]2016/17 mövsümündə klub yenidən iqtisadi problemlərlə üzləşdi, nəticədə "Komo" müflis elan edilərək hərraca çıxarılır. Dördüncü auksionda klubun aktivlərini qanalı futbolçu Maykl Essyenin həyat yoldaşı və İtaliya futbolunda ilk əcnəbi iş qadını (F. C. Como S.r.l. şirkəti vasitəsilə) Akosua Puni Essyen alır.[1] Lakin klub varis üçün lazımi kriteriyalara cavab vermədiyi üçün, İtaliya Futbol Federasiyası, yeni klubun 2017/18 C2 seriyası mövsümündə "Komo"nun varisi kimi qeydiyyatdan keçmək üçün müraciətini rədd edir.[2] Buna görə klub 207/18 mövsümündə D Seriyasında çıxış edəcəyini elan edir.[3]
2019-cu ildə D Seriyasının B turunu qazandıqdan sonra "Komo" peşəkar futbola qayıdır. 2019-cu ildən kluba İndoneziyanın "Djarum Group" şirkəti, 2021-ci ildən isə "Djarum"un törəmə şirkəti "Mola" şirkəti sponsorluq edir. Çelsi və Milloul klublarının keçmiş oyunçusu Dennis Uays 2024-cü ildə klubun idarə heyətinin müşaviri seçilir. Klubun səhmdarları arasında həmçinin Sesk Fabreqas, Tyerri Anri kimi keçmiş futbolçular da var.[4]
Heyəti
[redaktə | vikimətni redaktə et]- Sonuncu dəfə 29 yanvar 2025 tarixində yeniləndi[5]
|
|
.svg){kind=small}
Uğurları
[redaktə | vikimətni redaktə et]Liqa
[redaktə | vikimətni redaktə et]- B Seriyası
- Çempion: 1948–49, 1979–80, 2001–02
- İkinci yer: 1974–75, 1983–84, 2023–24
- C Seriyası
- Çempion: 1930–31, 1967–68, 1978–79, 2020–21
- İkinci yer: 1993–94, 2000–2001
- Pley-off qalibi: 2014–15
- D seriyası
- Çempion: 2007–08, 2018–19
- Pley-off qalibi: 2008–09
Kubok
[redaktə | vikimətni redaktə et]- İtaliya C Seriyası kuboku
- Qalib: 1996–97
- Final: 1992–93, 2014–15
- İtaliya D seriyası kuboku
- Qalib: 2007–08
Dİgər titullar
[redaktə | vikimətni redaktə et]- Coppa Volta
- Qalib: 1926–27
- Torneo Benefico Lombardo
- Qalib: 1944–45
İstinadlar
[redaktə | vikimətni redaktə et]- ↑ "Il Como è di Lady Essien «Vi porteremo in serie B»". www.laprovinciadicomo.it (italyan). 2017-03-16. 2022-11-07 tarixində arxivləşdirilib. İstifadə tarixi: 2024-05-10.
- ↑ "LEGA PRO: L'ESITO DEL CONSIGLIO DIRETTIV". LEGA PRO (italyan). 2017-07-03. 2017-07-30 tarixində arxivləşdirilib. İstifadə tarixi: 27 yanvar 2025.
- ↑ "Como 1907 ammesso in sovrannumero alla serie D intanto arriva il nuovo sponsor tecnico". EspansioneTv (italyan). 2017-08-02. 2022-11-10 tarixində arxivləşdirilib. İstifadə tarixi: 2024-05-10.
- ↑ MAHAR, MUHAMMAD IKHSAN. "Como 1907, Wujud Ambisi Grup Djarum di Sepak Bola". kompas.id (indoneziya). 2022-08-30. 2024-01-31 tarixində arxivləşdirilib. İstifadə tarixi: 2024-05-10.
- ↑ "Como squad". comofootball.com. 2024-08-15 tarixində arxivləşdirilib. İstifadə tarixi: 30 yanvar 2025.