Məzmuna keç

Konstantin Romanov (böyük knyaz)

Vikipediya, azad ensiklopediya
Konstantin Romanov
Şəxsi məlumatlar
Doğum tarixi 21 sentyabr 1827(1827-09-21)[1][2][…]
Doğum yeri
Vəfat tarixi 25 yanvar 1892(1892-01-25)[1][4][…] (64 yaşında)
Vəfat yeri
Vəfat səbəbi ağciyər iltihabı
Dəfn yeri
Fəaliyyəti hərbi qulluqçu, monarx
Atası I Nikolay[1][2][…]
Anası Prussiyalı Şarlotta[1]
Həyat yoldaşı
Uşaqları
Dini şərqi ortodoks xristianlıq
Hərbi xidmət
Mənsubiyyəti Rusiya imperiyası[4]
Döyüşlər
Təltifləri Knight Grand Officer of the Order of William — 1857 Knight of the Military Order of William, 3rd class — 1849 "Niderland şiri" ordeni "Qara qartal" ordeni Pour le Mérite "Məcidiyyə" ordeni "Müqəddəs apostol Andrey Pervozvannı" ordeni IV dərəcəli "Müqəddəs Georgi" ordeni 1-ci dərəcəli "Müqəddəs Vladimir" ordeni Knight of the Order of St. Alexander Nevsky Ağ Qartal ordeni 1-ci dərəcəli "Müqəddəs Anna" ordeni 1-ci dərəcəli "Müqəddəs Stanislav" ordeni "Mariya Tereza" hərbi ordeni Macarıstanın "Müqəddəs Stefan" kral ordeni "III Karl" ordeni "Müqəddəs Hubert" ordeni "Müqəddəs Olaf" ordeni "Serafimlər" ordeni "Fil" ordeni — 1844 "Ağ qartal" ordeni "Ən müqəddəs müjdə" ali ordeni Order of the Rue Crown "Vürtemberq tacı" ordeni Royal Order of the Welfs Sacred Military Constantinian Order of Saint George Order of Saint Ferdinand and of Merit Order of Fidelity Order of Ludwig I Order of the White Falcon House and Merit Order of Peter Frederick Louis Order of the Saxe-Ernestine
İmzanın şəkli
Vikianbarın loqosu Vikianbarda əlaqəli mediafayllar

Konstantin Nikolayeviç Romanov (rus. Константи́н Никола́евич Романов; 21 sentyabr 1827[1][2][…], Sankt-Peterburq, Sankt-Peterburq quberniyası[d], Rusiya imperiyası[3] – 25 yanvar 1892[1][4][…], Pavlovsk[d], Sankt-Peterburq quberniyası[d][3][1][…]) — Rusiya imperatoru I Nikolayın oğlu, general-admiral, böyük knyaz.

Həyatı

[redaktə | vikimətni redaktə et]

1827-ci ildə Sankt-Peterburqdakı Qış sarayında dünyaya gəldi. Atası rus çarı I Nikolay, anası isə Prussiya kralı III Fridrix Vilhelmin qızı Aleksandra Fyodorovnadır. Konstantin və qardaş-bacıları mükəmməl saray təhsili aldılar. Çar ailəsindəki digər knyazlar kimi hərbi karyerası olmalı idi və bu səbəblə, hələ 5 yaşından etibarən təhsili atası tərəfindən rus dəniz səyyahı Fyodor Litkeyə əmanət edildi. Bundan başqa onun müəllimləri arasında dövrün tanınmış rus şairi Vasili Jukovski də yer alırdı.

1835-ci ildə ailəsinin çıxdığı Almaniya səyahətinə qatıldı. Haaqada tanış olduğu pianist Anton Rubinşteynlə uzun dostluq əlaqələri qurdu və ömür boyu onun hamisi olaraq qaldı. 1843-1844-cü illərdə qardaşları knyaz Nikolay və knyaz Mixaillə birlikdə Finlandiya körfəzində hərbi təlim keçdi. 1844-cü ildə rus donanmasının Ulis briqinə komandan təyin edildi. 1846-cı ildə I dərəcəli kapitanlığa yüksəldi.

11 sentyabr 1848-ci ildə Sankt-Peterburqdakı Qış sarayında Saksen-Altenburq hersoqu Jozefin qızı Aleksandra ilə evləndi. Nigahdan öncə xanımı Aleksandra İosifovna Romanova adını qəbul edərək pravoslav məzhəbinə keçdi. Cütlüyün bu nigahdan 6 övladı doğuldu.

Toy günü kontr-admiral rütbəsinə yüksəldi. 1831-ci ildən etibarən Finlandiya alayına rəhbərlik etdi. 1849-cu ildə Macarıstan səfərinə qatıldı və IV dərəcəli "Müqəddəs Georgi" ordeni ilə təltif olundu.

21 yanvar 1853-cü ildə Dəniz Nazirliyinə təyin olundu və vitse-admiral rütbəsinə yüksəldi. 1855-ci ildə atasının vəfatının ardından böyük qardaşı II Aleksandr taxta çıxdı. 1859-cu ildə xanımı Aleksandra İosifovna ilə birlikdə Qüdsə həcc ziyarətinə yollandı və bunu edən ilk böyük knyaz oldu. 1862-ci ildə baş tutan yunan inqilabının ardından knyaz Konstantinin də Yunanıstan kralı olması müzakirə edilsə də, London konfransında (1832) alınan qərara əsasən, ingilis, fransız və rus monarx ailələri Yunan taxt-tacında hüquqlarını itirmişdi.

1862-ci ilin iyun ayında çarın Polşa çarlığı üzrə valisi təyin edildi və bu vəzifəsi 1863-cü ilin oktyabrında qədər davam etdi. Vəzifə müddəti ərzində Polşa üsyanı çıxdı. Varşavaya gəldiyi ilk günlərdə 4 iyul 1862-ci ildə ona qarşı bir sui-qəsd tərtibləndi və knyaz Konstantin yüngül xəsarətlə xilas oldu. Dövlət dumasındakı vəzifəsi isə qardaşı II Aleksandrın ölümünə (1881) qədər davam etdi. Onun səyləri nəticəsində 1867-ci ildə Alyaskanın ABŞ-a satışı gerçəkləşdi.

1892-ci ildə Pavlovski sarayında vəfat etdi.

Qalereya

[redaktə | vikimətni redaktə et]

Mənbə

[redaktə | vikimətni redaktə et]

Ədəbiyyat

[redaktə | vikimətni redaktə et]
  • Chavchavadze, David. The Grand Dukes. Atlantic, 1989. ISBN 0-938311-11-5
  • Ferrand, Jacques, Descendances naturelles des souverains et grands-ducs de Russie, de 1762 à 1910 : répertoire généalogique,1995.
  • Van Der Kiste, John. The Romanovs 1818–1959. Sutton Publishing, 1999. ISBN 0-7509-2275-3.
  • Zeepvat, Charlotte. Romanov Autumn. Sutton Publishing, 2000. ISBN 0-7509-2739-9
  • Jørgen Pedersen (2009). Riddere af Elefantordenen, 1559–2009 (in Danish). Syddansk Universitetsforlag. p. 468. ISBN 978-87-7674-434-2
  • Boris, Pronsky; Britton, Craig. Forty-Ninth. pp. 114–171. ISBN 9798201386238
  • M. & B. Wattel. (2009). Les Grand'Croix de la Légion d'honneur de 1805 à nos jours. Titulaires français et étrangers. Paris: Archives & Culture. p. 515. ISBN 978-2-35077-135-9

İstinadlar

[redaktə | vikimətni redaktə et]
  1. 1 2 3 4 5 6 7 8 Константин Николаевич (rus.). // Русский биографический словарь СПб: 1903. Т. 9. С. 120–155.
  2. 1 2 3 Константин Николаевич (rus.). // Военная энциклопедия СПб: Иван Дмитриевич Сытин, 1913. Т. 13. С. 134–138.
  3. 1 2 3 4 Константин Николаевич // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.
  4. 1 2 3 Мякотин В. А. Константин Николаевич (rus.). // Энциклопедический словарь СПб: Брокгауз — Ефрон, 1895. Т. XVI. С. 74.
  5. ↑ Ольга Константиновна (rus.). // Энциклопедический словарь СПб: Брокгауз — Ефрон, 1897. Т. XXIа. С. 911.
  6. ↑ Ольга Константиновна (rus.). // Военная энциклопедия СПб: Иван Дмитриевич Сытин, 1914. Т. 17. С. 121.
Mənbə — "https://az.wikipedia.org/w/index.php?title=Konstantin_Romanov_(böyük_knyaz)&oldid=8901326"