Konstantin Triandafelidze

Vikipediya, azad ensiklopediya
Jump to navigation Jump to search
Konstantin Triandafelidze
Triandafelidze Konstantin Xristoforoviç
Konstantin Xristoforoviç.JPG
Doğum tarixi 14 noyabr 1927(1927-11-14)
Doğum yeri Azərbaycan Sovet Sosialist Respublikası Azərbaycan SSR Bakı
Vəfat tarixi 3 aprel 2016 (88 yaşında)
Vəfat yeri Bakı, Azərbaycan Azərbaycan
Milliyyəti Azərbaycanlı
Vətəndaşlığı Azərbaycan Azərbaycan
Fəaliyyəti rəssam
Təhsili Azərbaycan rəssamlıq məktəbi,
Janrı Butaforiya
Mükafatları Əməkdar Mədəniyyət İşçisi

Triandafelidze Konstantin Xristoforoviç;(d. 1927, Bakı, Azərbaycan SSR, SSRİ - ö. 5 aprel 2016, Bakı, Azərbaycan)) — Azərbaycanın tanınmış butaforçu rəssamı.1991-ci ildə Azərbaycan Respublikasının Əməkdar Mədəniyyət İşçisi.

Həyatı[redaktə | əsas redaktə]

K.Triandafelidze 1927-ci ildə Bakıda doğulub. Uşaqlıqdan incəsənətə maraq göstərib, rəsm çəkməyə meyilliyi onu rəsm dərnəyinə yazılmağa sövq edib. 1941-ci ildə "Nizami" kinoteatrında rəssam şagirdi kimi işə qəbul olunmuş, 1942-ci ildə "Vano Sturua" zavoduna istehsalat ustasının köməkçisi vəzifəsinə göndərilib. Əmək fəaliyyəti ilə yanaşı, rəssamlıq məktəbində də təhsilini davam etdirən K.Triandafelidze 1951-ci ildə məktəbi bitirib. Rus Dram Teatrında rəssam kimi fəaliyyət göstərən müəllimləri gənc Konstantinin istedadını nəzərə alıb onu teatrda butafor sənətinə gətirirlər. 1951-ci ildə Azərbaycan Dövlət Akademik Milli Dram Teatrının direktoru Adil İsgəndərov onun əl işlərini bəyənərək teatra dəvət edib. O, 1951-1974-cü illərdə Azərbaycan Dövlət Akademik Milli Dram Teatrında butafor sexinin rəisi vəzifəsində çalışıb.

1982-ci ildə Xalq təsərrüfatı Nailiyyətləri Sərgisində təbiət qoynunda guşənin tərtibinə görə Azərbaycan SSR Mədəniyət Nazirliyinin təşəkkürnaməsi ilə təltif edilib. 1991-ci ildə yaradıcılıq uğurlarına və səmərəli fəaliyyətninə görə 22 may 1991-ci il də "Əməkdar Mədəniyyət İşçisi" fəxri adına layiq görülüb.

Teatra qəbul olunduğu gündən mürəkkəb dekorasiya və butaforların hazırlanmasında xüsusi səy göstərən sənətkar hər zaman səmərəli təklifləri ilə tamaşaların bədii tərtibatının uğurlu alınmasına çalışaraq istedad və təfəkkürü sayəsidə özünü peşəkar sənətkar kimi təsdiq edib.

Teatrdakı fəaliyyəti ilə yanaşı, şəxsi emalatxanasında yaradıcılıqla məşğul olan sənətkarın rəsm əsərləri və hazırladığı maketlər nəinki respublikamızda, həmçinin şəhərimizin qonaqlarının da diqqətini cəlb edərək, yaratdığı sənət nümunələri Amerika, Almaniya, Kambocadan gələnlərin böyük marağına səbəb olub.

1974-cü ildən vəfat edənə qədər Azərbaycan Dövlət Gənc Tamaşaçılar Teatrında butaforçu rəssam vəzifəsində çalışaraq həmin sexə rəhbərlik edib.

2016-cı il 3 aprel uzun sürən xəstəlikdən sonra 89 yaşında vəfat edib.