Krasuski Konstantin Adamoviç

Vikipediya, azad ensiklopediya
Jump to navigation Jump to search
Krasuski Konstantin
Krasuski Konstantin Adamoviç
K.Krasuski.jpg
Krasuski Konstantin Adamoviç
Doğum tarixi
Doğum yeri Zaraysk, Moskva
Vəfat tarixi ?
Vəfat yeri Bakı
Elm sahəsi Kimyaçı
Elmi adı Professor, SSRİ EA-nın müxbir üzvü (1933)
İş yeri Kimya İnstitutu

Krasuski Konstantin Adamoviç (14 [26] sentyabr 1867, Zaraysk, Ryazan quberniyası[d]Bakı) — Professor, SSRİ EA-nın müxbir üzvü (1933).

Həyatı[redaktə | əsas redaktə]

Krasuski Konstantin Adamoviç 1867-ci il sentyabrın 14-də Moskva vilayətinin Zaraysk şəhərində anadan olub. 1891-ci ildə Peterburq Universitetinin fizika-riyaziyyat fakültəsini bitirib. 1902-ci ildə kimya üzrə magistr alimlik dərəcəsi, 1903-cü ildə professor elmi adı almışdır. 1902-1907-ci illərdə Varşava Universitetində professor kimi çalışıb, 1911-ci ildə Kiyev Universitetində kimya üzrə doktorluq dissertasiyası müdafiə edib, 1926-cı ildə Ukrayna SSR EA-nın, 1933-ci ildə isə SSRİ EA-nın müxbir üzvü seçilib. 1907-1912-ci illərdə Kiyev Politexnik İnstitutunda, 1913-1916-cı illərdə Kiyev Universitetində, 1916-1919-cu illərdə Xarkov Universitetində işləyib. 1929-cu ildə Azərbaycana dəvət olunub. 1929-30-cu illərdə Bakı Dövlət Universitetində, 1930-1937-ci illərdə Azərbaycan Sənaye İnstitutunda “Üzvi-kimya” kafedrasına rəhbərlik edib. 1935-1937-ci illərdə SSRİ EA Azərbaycan Filialının Kimya İnstitutunun təşki¬latçısı və ilk direktoru olub.

Elmi fəaliyyəti[redaktə | əsas redaktə]

K.Krasuskinin elmi fəaliyyətinin əsasını hipoxlorit turşusunun olefinlərə birləşmə qaydasının müəyyən edilməsi, üzvi oksidlərin iştirakı ilə gedən izomerləşmə reaksiyalarının öyrənilməsi, ammonyak və aminlərin üzvi oksidlərə təsirinin araşdırılması məsələləri təşkil edib. Onun tərəfindən müəyyən edilib ki, aminlər qeyri-simmetrik oksidlərə birləşən zaman hidrogen ən az olan yerə birləşir və nəticədə ikili aminospirt əmələ gəlir. Bu proses K.Krasuski qaydası adı ilə üzvi kimyada geniş istifadə olunur. Azərbaycanda üzvi kimya elminin inkişafında, elmi kadrların hazırlanmasında, üzvi kimya laboratoriyalarının təşkil edilməsində K.Krasuskinin böyük xidmətləri olub.

Elmi əsərlər[redaktə | əsas redaktə]

K.Krasuski 60-dan artıq elmi əsərin müəllifidir.

Təltiflər[redaktə | əsas redaktə]

K.Krasuski Azərbaycan SSR «Əməkdar elm xadimi» adına layiq görülüb.

İstinadlar[redaktə | əsas redaktə]

Xarici keçidlər[redaktə | əsas redaktə]