Kruma

Kruma
Krumë
42°12′ şm. e. 20°25′ ş. u.
Ölkə	Albaniya
Tarixi və coğrafiyası
Mərkəzin hündürlüyü	430 m
Saat qurşağı	Mərkəzi Avropa yay vaxtı Mərkəzi Avropa vaxtı
Əhalisi
Əhalisi	6.006 nəf. (2011)
Rəqəmsal identifikatorlar
Telefon kodu	+355 0214
Poçt indeksi	8601-8602
Nəqliyyat kodu	HS
Kruma
Vikianbarda əlaqəli mediafayllar

Kruma (alb. Krumë) — Albaniyanın şimalında şəhər.

Kukes vilayətinin Has bələdiyyəsi tərkibində, dağlıq bölgədə yerləşir. Əsrlər boyu özünəməxsus mədəni ənənələrini qoruyub saxlamış əhalinin məskunlaşdığı Has etnoqrafik bölgəsinin əsas şəhəridir.

Tarixi

1999-cu ilin aprelində Yuqoslaviya əsgərləri Kosovodan olan qaçqınların sığındığı Kruma şəhərini top atəşinə tutmuşdular. Hadisə nəticəsində insan tələfatı olmasa da, üç ev dağıdılmışdı.

Coğrafiyası

Kruma dəniz səviyyəsindən təxminən 430 metr yüksəklikdə yerləşir. Şəhər "Bjeshka e Krumes" (Kruma dağları) dağının şimal-qərb ətəyində yerləşən kiçik bir yaşayış məntəqəsidir. Bu dağdan yerli əhalinin təmiz içməli suya olan ehtiyacını ödəyən "Vrella" adlı böyük yeraltı su mənbəyi axır. Krumadan bir neçə kilometr cənubda yerləşən "Maja e Gjytezës" dağının hündürlüyü dəniz səviyyəsindən 1435 metrə çatır. Kruma Kosovo sərhədindən təxminən 10 km məsafədə yerləşir.

İqtisadiyyatı

Əsas fəaliyyət sahələri mis mədəni sənayesi və kənd təsərrüfatıdır. Kosovo ilə sərhədyanı ticarət və xüsusilə kənd turizmi, dağ yürüşləri (haykinq) və Has bölgəsinin təbii mühitinin kəşfi ilə maraqlanan turistlər üçün kiçik miqyaslı turizmin təşviqi vasitəsilə yerli iqtisadiyyatı canlandırmaq üçün bəzi səylər göstərilmişdir.