Kurisu Makise

Vikipediya, açıq ensiklopediya
Jump to navigation Jump to search
Kurisu Makise
牧瀬 紅莉栖
Makise Kurisu
Anime serialından görünüşü.
Anime serialından görünüşü.
 Franşiz "Steins;Gate"
 Yayım tarixi 26 sentyabr 2009 (manqa), 15 oktyabr 2009 (vizual roman), 6 aprel 2011 (anime)
 Yaradıcı 5pb. və Nitroplus
 Səsləndirən(lər) Asami İmay (yapon), Trina Nişimura (ingilis)[1]
 Manqada/Ranobedə Var
 Animedə Var
• Xarakteristika•
 Növü insan
 Cinsi qadın
 Milliyyəti yapon
 Doğum tarixi 25 iyul 1992[2]
 Yaşı 18
 Boyu 160 sm[2]
 Çəkisi 45 kq[2]
 Qan qrupu A[2]
• Digər məlumatlar•
 Ləqəb(lər)i Zombi, Pozğun dahi qız, @channeler
 Üzvlüklüklər Gələcəyin Alətləri Laboratoriyası
 Lab. nömrəsi 004[2]
Şablon

Kurisu Makise (牧瀬 紅莉栖 Makise Kurisu?)5pb.Nitroplus tərəfindən istehsal olunmuş "Steins;Gate" vizual romanından personaj. Kurisu Makise Rintaro Okabe ilə birlikdə franşizin əsas personajlarından biridir,[3] ən əhəmiyyətli qadın personajdır. Vizual romanla yanaşı manqa, ranobeanime serialında da peyda olmuşdur. 5pb.Nitroplus tərəfindən istehsal olunmuş sikvel oyun — "Steins;Gate 0"-da da yer almışdır. Anime serialında və video oyunda onu Asami İmay səsləndirmişdir.[1]

Personaja həsr olunmuş oyuncaqlar istehsal olunmuşdur.[4]

Profil[redaktə | əsas redaktə]

Görünüş[redaktə | əsas redaktə]

Kurisu incəbel və gözəl görünüşlü qızdır. Saçı qırmızımtıl, gözləri tutqun bənövşəyi rəngindədir. Saçının rəngi bəzən qırmızı, bəzən isə şabalıdı rəngində olduğu təsəvvürünü verir. Adındakı "Kuri" sözü yapon dilində "şabalıd" deməkdir və buna görə də saçının rənginin şabalıdı olduğunu demək səhv deyil. Kurisu saçlarını yığmamağa üstünlük verir.

Kurisu dəblə maraqlanır. Əsasən qara rəngli şalvar və ağ köynək geyinməyə üstünlük verir. Qızıl toqqalı ağ kəmərdən istifadə edir. Qırmızı qalstuku ona bir az səliqəsiz görünüş verir. Ağ köynəyinin üzərindən xaki jaketi geyinir. Qara çəkmələrdən istifadə edir, çəkmələrinin sep-düyməsi qismən açıqdır.

Kurisu laboratoriya üzvü olduqdan sonra Okabe ona laboratoriya önlüyü vermişdir. Buna görə də Kurisu laboratoriyada olarkən laboratoriya önlüyündən istifadə edir.

Şəxsiyyət[redaktə | əsas redaktə]

Kurisu Makise kamil və açıqfikirli şəxsiyyətə malikdir. Hətta onun qarşısında kimsə özündən çıxsa da belə, sakit və səbirli olmağa çalışır. Amma bəzən öz utancaq və çəkingən tərəfini də nümayiş etdirir. Rintaro Okabe və İtaru Haşida dəfələrlə və dəfələrlə onu tsundere adlandırırlar, amma Kurisu təkidlə tsundere olmadığını bildirir.[5]

Kurisu tez-tez rişxəndlə danışır, bunun səbəbi Okabenin "çılğın alim" şıltaqlıqlarından acıqlanmasıdır. Kurisu kimsənin ona ləqəb taxmasından nifrət edir, Okabenin ona taxdığı ləqəblər onun əsəbləri ilə oynayır. Ən çox Okabe onu "Zombi" deyə çağıranda hirslənir. İstehzayana, Okabe nadir hallarda ona əsl adı ilə xitab edir. Okabe ona əsl adı ilə xitab edəndə, hansısa pis hadisənin baş verdiyini düşünür.

Gəncliyində əldə etdiyi uğurlara baxmayaraq Kurisu özünü ondan yaxşı hesab şəxslərə qısqanclıqla yanaşır. Buna görə də onun bu həssaslığını gizlədən "ağızbüzüşdürən" şəxsiyyətinə bürünüb. Qəlbində isə Kurisu hər şeylə maraqlanan qızdır, elmlə dərindən maraqlanır, maraqlı təcrübələrə qatılmaqdan özünü saxlaya bilmir.

Etiraf etməkdən utansa da, Kurisu @Channel adlı sosial şəbəkənin istifadəçisidir. Bu sosial şəbəkədə istifadəçi adı "KuriGohan and Kamehameha"dır. Okabe bu vərdişini onun üzünə vurmaqdan zövq alır, Kurisu bundan həmişə dilxor olur. Onun bu sosial şəbəkəyə özü haqqında yerləşdirdiyi məlumatlar əsl məlumatlarla fərqlənir, emosiya işarələrindən istifadə edir və statusları real həyatdan fərqli olaraq daha uşaqsayağıdır.

Fərqlər[redaktə | əsas redaktə]

Vizual romandan fərqli olaraq Kurisu Makise "Rainet Access Battlers" adlı kart oyununu çox yaxşı oynayır. Anime serialının 5-ci seriyasında Kurisu Okabeni asanlıqla məğlub etmiş, hətta ona xətaları barədə məsləhətlər vermişdir.[2]

Digər əsərlərdə[redaktə | əsas redaktə]

  • "Robotics;Notes" animesinin 15-ci seriyasında Kurisunun @channel sosial şəbəkəsində istifadə etdiyi "KURI_KAME KuriGohan and Kamehameha" adı "Twipo"-da 20 dekabr 2019-cu ildə, saat 10:05-də görünmüşdür.
  • Kurisu həmçinin "(Phantom Breaker EXTRA)" oyununda oynanılabilən gizli personajdır.[2] Onu açmaq üçün döyüş vəziyyətində Endedən istifadə edərək 15+ ulduz qazanmaq lazımdır.
  • 1 dəqiqə 30 saniyə çəkən qısa ONA animesi olan "Mahou Shoujo Sonico Magica Puella Magi Sonico Magica" animesinin 62-ci saniyəsində Kurisu Makisenin kameosunu görmək olar.[6]
  • 5pb.Nitroplus şirkətlərinin istehsal etdiyi digər oyunlarda Kurisu Makisenin xüsusiyyətlərini daşıyan personajlar var. "Hyperdimension Neptunia Rebirth 1" oyunundakı MAGES. personajı bəzən Kurisu, Mayuri və Feyrisin geyimlərini geyinir. Əsas personaj olan Neptun isə Kurisu kimi pudinq yeməyi sevir.

Maraqlı faktlar[redaktə | əsas redaktə]

  • Kurisu yapon adı olmasına baxmayaraq, həmçinin Kristina adının yaponca tələffüzüdür. Okabenin onu bu adla çağırmasının da səbəblərindən biri bu ola bilər.
  • Oyunda Kurisu ilə bağlı iki sonluq vardır. Hər iki sonluq Okabe ilə Kurisu arasındakı münasibətlərə əsaslanır və ancaq biri oyunun əsl sonluğudur.
  • Okabe Kurisuya müxtəlif ləqəblər vermişdir, əsl adından ciddi vəziyyətlərdə istifadə edir. Ən çox istifadə olunan ləqəbləri "Assistent", "Kristina" ("Kurisu" sözünə "-tina" artırmaqla), "Zombi", "Pul çuvalları", "@Channeler", "Eksprement sevən qız", "Pozğun dahi qız", "Eksprement sevən pozğun dahi qız", "Seleb on yeddi"dir. Kurisu bu ləqəblərlə çağrılmaqdan nifrət edir.[7]
  • Laboratoriya üzvləri arasında Kurisu öz bərbad yemək bişirmə bacarığı ilə tanınır.
  • Kurisu dediyinə görə o, idman fəaliyyətlərində yaxşı deyil, amma üzməyi sevir. Kurisu üzərkən ağırlıq qüvvəsindən azad olduğunu, sanki əzələlərindən yük götürüldüyünü deyir.

İstinadlar[redaktə | əsas redaktə]