Lütfəli Məlikaslanov

Vikipediya, azad ensiklopediya
Jump to navigation Jump to search
Lütfəli Məlikaslanov
Məlikaslanov Lütfəli Süleyman oğlu
Doğum tarixi 1913(1913-Şablondakı doğum və ya ölüm tarixində texniki yanlışlıq var!-00)
Doğum yeri Dağlıq Qarabağ rayonu, Azərbaycan
Vəfat tarixi 1996(1996-Şablondakı doğum və ya ölüm tarixində texniki yanlışlıq var!-00)
Elmi dərəcəsi texnika elmləri doktoru

Məlikaslanov Lütfəli Süleyman oğlu - texnika elmləri doktoru, professor

Həyatı[redaktə | əsas redaktə]

Məlikaslanov Lütfəli Süleyman oğlu Azərbaycan Respublikasının Dağlıq Qarabağ rayonunun Tuğ kəndində anadan olmuşdur. 1938-ci ildə "Neft yataqlarının işlənilməsi və istismarı" ixtisası üzrə AzSİ-nun neft-mədən fakültəsini bitirmişdir. "Molotovneft" trestinin neft hasilatı şöbəsində usta, şöbə müdiri işləmişdir. Böyük Vətən Müharibəsi iştirakçısıdır. 1945-ci ildən - VNİİTB-nin neft-mədən şöbəsinin rəhbəri olmuşdur. 1948-ci ildən AzETNÇİ-da işləməyə başlamış, 1953-cü ildə isə "Neft hasilatının texnikası və texnologiyası" laboratoriyasının rəhbəri təyin edilmiş və eyni zamanda AzSİ-da pedaqoji fəaliyyət göstərmişdir. 1956-cı ildə "Kollektorların neftverimi mexanizmində aralıq zonanın rolunun tədqiqi" mövzusunda namizədlik, 1965-ci ildə isə "Layların neftveriminin artırılması məsələləri" mövzusunda doktorluq dissertasiyaları müdafiə etmişdir.

Elmi fəaliyyəti[redaktə | əsas redaktə]

Məlikaslanov L.S. neft yataqlarının işlənilməsi və layların neft veriminin artırılması sahəsində tanınmış alimdir.

Elmi tədqiqatlar sahəsi: neftin su ilə sıxışdırılması; qeyri-bircins və uzun müddət istismar edilən laylarda neftverimi məsələlərinin tədqiqi; layın hidravlik dağıdılması; quyuların istismarı və qazılması zamanı qum təzahürü və onunla mübarizə.

Məlikaslanov L.S. 200-dən artıq elmi məqalənin və 8 monoqrafiyanın müəllifidir. İxtiralara görə 25 müəlliflik şahədətnaməsi alıb.

Məlikaslanov L.S. "SSRİ-nin Fəxri neftçisi", "Azərbaycanın əməkdar mühəndisi", "Azərbaycanın neft sənayesi əlaçısı" kimi adlara layiq görülüb və "Qırmızı Əmək Bayrağı", "Şərəf Nişanı" ordenləri ilə təltif olunub.