Lütfəli bəy Behbudov

Lütfəli bəy Behbudov
Lütfəli bəy Behbudov
Şəxsi məlumatlar
Doğum tarixi	15 (27) mart 1879
Doğum yeri	Üçoğlan, Şuşa qəzası, Yelizavetpol quberniyası, Rusiya imperiyası;
Vəfat tarixi	sentyabr 1918 (39 yaşında)
Vəfat yeri	Ağdam, Şuşa qəzası, Gəncə quberniyası;
Təhsili	Sankt-Peterburq Dövlət Texnologiya İnstitutu[d];
Fəaliyyəti	mühəndis, siyasətçi
	Vikianbarda əlaqəli mediafayllar

Behbudov Lütfəli bəy Rəhim bəy oğlu (15 (27) mart 1879, Üçoğlan, Şuşa qəzası, Yelizavetpol quberniyası, Rusiya imperiyası – sentyabr 1918, Ağdam, Şuşa qəzası) — mühəndis, Zaqafqaziya Seyminin Müsəlman Fraksiyasının üzvü.

Həyatı

Lütfəli bəy Behbudov 27 mart 1879-ci ildə Şuşa qəzasının Üçoğlan kəndində anadan olmuşdur.^[1] Bəzi mənbələrdə onun adı Niftalı bəy kimi də qeyd edilir. Sankt-Peterburq şəhərində Dağ-Mədən Akademiyasını bitirmişdi. 1903-cü ildən Hacı Zeynalabdin Tağıyevin şirkətində mühəndis, sonra müdir işləmişdi. 1911-ci ildə Hacıyla arası dəymiş, məhkəməyə müraciət etmişdi.^[2] Hacı Zeynalabdin onun acığına bütün qarabağlıları işdən çıxarmışdı.

Əbdürrəhim bəy Haqverdiyev tərcüməyi-halında yazır: 1911-ci sənədə "Tağıyev-Behbudov" keyfiyyətindən dolayı qulluqdan olan qarabağlıları və o cümlədən məni paraxodstvadan xaric etdilər (Bu xüsusda əlimdə indi də sənəd var).^[3]

Lütfəli bəy 1911-ci ildə "Kürətan" adlı aksioner cəmiyyət yaradıb ona başçılıq etmişdi. Zaqafqaziya Seymində poçt-teleqraf naziri işləmişdi. 1918-ci ildə ermənilər tərəfindən öldürülmüşdü.

Ailəsi

Lütfəli bəy tatar knyaginyası Leyla xanımla evlənmişdi. Dilarə bəyim, Pəri bəyim və Leyla bəyim adlı qızları vardı.

İstinadlar

↑ Mərdanov, Tahirzadə, 2019. səh. 60
↑ Dennis, Robert. "Tağıyev-Behbudov məsələsi: XX əsrin əvvəllərində Qafqazın müsəlman elitləri arasındakı qarşıdurma". Bakı Araşdırmalar İnstitutu (az.). 21 mart 2020. 11 yanvar 2024 tarixində arxivləşdirilib. İstifadə tarixi: 11 yanvar 2024.
↑ Ə. Haqverdiyev. Seçilmiş əsərləri. II cild. Bakı: 1971, səh. 472

Mənbə

Ənvər Çingizoğlu. Behbudovlar. Bakı: Mütərcim, 2008, 168 səh.
Misir Mərdanov, Ədalət Tahirzadə. 1920-ci ilədək ali məktəblərdə oxumuş azərbaycanlılar. C. 2 B-Ə. Bakı: Təhsil. 2019.

Həmçinin bax

[FOOTNOTEMərdanov,_Tahirzadə201960-1] Mərdanov, Tahirzadə, 2019. səh. 60

[2] Dennis, Robert. "Tağıyev-Behbudov məsələsi: XX əsrin əvvəllərində Qafqazın müsəlman elitləri arasındakı qarşıdurma". Bakı Araşdırmalar İnstitutu (az.). 21 mart 2020. 11 yanvar 2024 tarixində arxivləşdirilib. İstifadə tarixi: 11 yanvar 2024.

[3] Ə. Haqverdiyev. Seçilmiş əsərləri. II cild. Bakı: 1971, səh. 472

[1]

[2]

[3]