Lake Malawi

Vikipediya, azad ensiklopediya
Jump to navigation Jump to search
Lake Malawi
007 LM Tomas Gal.png
Lake Malawi 2018-ci ildə
Əsas məlumatlar
Üslub İndi pop
Fəaliyyət illəri 2013–h.h.
Ölkə Çexiya Çexiya
Şəhər Trşinets
Heyət Albert Çerni
Yeronim Şubrt
Antonin Hrabal
Keçmiş üzvlər Pavel Palat
Patrik Karpentski
Commons-logo.svg Vikianbarda əlaqəli mediafayllar

Lake Malawi2013-cü ildə Çexiyada qurulmuş indi pop qrupu. Qrup vokalist, gitaraçı və keybordist Albert Çerni, bassist və keybordist Yeronim Şubrt və barabançı Antonin Hrabaldan təşkil olunmuşdur. Lake Malawi Çerni tərəfindən Charlie Straight musiqi qrupunun parçalanmasından sonra yaradılmışdır. 2015-ci ildə qrupun We Are Making Love Again adlı mini-albomu, 2017-ci ildə isə Surrounded by Light adlı debüt studio albomu buraxılmışdır. Lake Malawi qrupu Çexiyanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmişdir.

Yaranma tarixi[redaktə | əsas redaktə]

Lake Malawi qrupun vokalisti Albert Çerni tərəfindən Charlie Straight musiqi qrupunun parçalanmasından sonra 2013-cü ilin sentyabr ayında qurulmuşdur. Qrupun adı Bon Iver qrupunun "Calgary" mahnısından ilhamlanaraq, qoyulmuşdur. 2014-cü ildə qrupun debüt sinqlı "Always June" təqdim olunmuşdur. Həmin ildə Lake Malawi Çexiyanın Colours of Ostrava, Rock for People festivallarında və Böyük Britaniyada isə The Great Escape Festivalında çıxış etmişdir. 2015-ci ildə qrupun We Are Making Love Again adlı mini-albomu buraxılmışdır. 2016-cı ildə isə qrupun ilkin üzvlərindən biri olan Pavel Palat qrupdan ayrılmış və onun yerinə qrupda Antonin Hrabal yer almışdır.

2017-ci ildə qrupun Surrounded by Light adlı debüt studio albomu işıq üzü görmüşdür.[1] Albomda yer alan "Surrounded by Light" və "Paris" mahnıları Çexiya hit-paradlarına daxil ola bilmişdir. 2019-cu ildə Lake Malawi qrupunun "Friend of a Friend" mahnısı ilə Çexiyanın ČT telekanalının 2019 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi təsdiqlənmişdir.[2][3][4] Yanvar ayının 28-də qrupun həmin mahnı ilə Çexiyanı İsrailin Tel-Əviv şəhərində keçirilən Avroviziya 2019-da təmsil edəcəyi elan edilmişdir.

Lake Malawi qrupu müsabiqə üçün aparılan uzun məşqlərdən sonra 14 may tarixində baş tutan yarımfinal mərhələsində 6-cı nömrə altında çıxış etmişdir. Nəticədə 242 xalla 2-ci yerdə qərarlaşaraq, final mərhələsinə vəsiqə qazanmışdır. Müsabiqənin finalında bir daha çıxış edən qrup 26 ölkə təmsilçisinin mübarizə apardığı şouda 157 xal toplayaraq, 11-ci yerdə qərarlaşmışdır.

Heyət[redaktə | əsas redaktə]

  • Albert Çerni (2013–h.h.) – vokal, gitara, klaviatura
  • Yeronim Şubrt (2013–h.h.) – bass, klaviatura
  • Antonin Hrabal (2016–h.h.) – baraban

Keçmiş üzvlər[redaktə | əsas redaktə]

  • Pavel Palat (2013–16) – baraban
  • Patrik Karpentski (2013–17) – gitara

Diskoqrafiya[redaktə | əsas redaktə]

Albomlar[redaktə | əsas redaktə]

  • Surrounded by Light (2017)

Mini-albomlar[redaktə | əsas redaktə]

  • We Are Making Love Again (2015)

Sinqllar[redaktə | əsas redaktə]

Mahnı adı İl
"Always June" 2014
"Chinese Trees"
"Aubrey" 2015
"Young Blood"
"We Are Making Love Again" 2016
"Prague (In the City)" 2017
"Surrounded by Light"
"Not My Street"
"Bottom of the Jungle"
"Paris"
"Spaced Out" 2018
"Friend of a Friend" 2019

İstinadlar[redaktə | əsas redaktə]

  1. "RECENZE: Lake Malawi debutují na světové úrovni" (çexcə). iReport. 5 dekabr 2017.
  2. "O Eurovizi se utká osm interpretů včetně Lake Malawi či Jakuba Ondry". iDNES.cz (çexcə). 7 yanvar 2019.
  3. "Czech Republic: Eurovision Song CZ 2019 Entries Released". Eurovoix. 7 yanvar 2019.
  4. "Czech Republic presents 8 hopefuls and songs for Eurovision 2019". AYİ. 7 yanvar 2019.
Əvvəlki:
Mikolas Yosef
"Lie to Me"
Çexiya Avroviziya Mahnı Müsabiqəsində
EuroRepública Checa.svg

2019
Sonrakı:

Həmçinin bax[redaktə | əsas redaktə]