Lakto-vegeterianlıq

Lakto-vegeterianlar süd məhsulları və bal yeyirlər, lakin yumurta və ya ət yemirlər.

Lakto-vegeterianlıq və ya Lakto-vejeterianlıq — ət (o cümlədən quş və dəniz məhsulları) və yumurta istehlakını rədd edən, lakin süd və süd məhsullarını (pendir, qatıq, kərə yağı, qaymaq və kefir) qəbul edən vegetarianlıq növü.

Tarixi

Lakto-vegeterianlığın kökləri tarixi cəhətdən Hindistana gedib çıxır. Qərb dünyasında lakto-vegetarianlığın ilk müdafiəçilərindən biri XVIII əsrin əvvəllərində piylənmə və digər sağlamlıq problemlərini müalicə etmək üçün süd və tərəvəz əsaslı pəhrizi təşviq edən Şotlandiyalı həkim Corc Çeyn (ing. George Cheyne) olmuşdur. Hindistanın müstəqillik hərəkatının rəhbəri Mahatma Qandi də hər gün süd içən tanınmış bir lakto-vegeterian idi. 1936-cı ildə Narasinh Narayan Qodbole lakto-vegeterianlığı müdafiə edən və ət yerinə süd məhsullarının istehlakını təşviq edən "Süd: Ən mükəmməl qida" (ing. Milk: The Most Perfect Food) adlı kitabını nəşr etdirmişdir.

Din

Lakto-vegeterianlıq Caynizm, Hinduizm, Buddizm və Sihizm kimi Şərq dinlərinin müəyyən ardıcılları arasında olduqca populyardır. Bu dinlərdə lakto-vegeterian pəhrizin formalaşmasının əsas mənəvi səbəbi pasifizm və zorakılıq əleyhinə olmaq (canlılara zərər verməmək) fəlsəfəsidir.

Xarici keçidlər

• The Vegetarian Resource Group