Latviya Futbol Federasiyası

Vikipediya, azad ensiklopediya
Naviqasiyaya keçin Axtarışa keçin
Latviya Futbol Federasiyası
UEFA
Yarannma tarixi 19 iyun 1921
FİFA üzvlüyü 1923
UEFA üzvlüyü 1992
Prezident Vadims Laşenko
Vebsayt http://www.lff.lv

Latviya Futbol Federasiyası (latış. Latvijas Futbola federācija‎) — Latviyada futbolun milli idarəetmə orqanıdır. Mərkəzi ofisi Riqa şəhərində yerləşir. 1921-ci ildə yaradılıb.

Tarixi[redaktə | mənbəni redaktə et]

Latviya Futbol Federasiyası 1921-ci il iyunun 19-da Latviya Futbol İttifaqı ((latış. Latvijas Futbola savienība‎)) adı ilə yaradılıb və 1940-cı ilə qədər fəaliyyət göstərərək Latviyanın Sovet işğalından sonra fəaliyyətini dayandırıb. Böyük Britaniya vətəndaşı Harold Trevenen Holl Latviya Futbol İttifaqının ilk sədri təyin edilib.

1922-ci ildə Latviya Futbol İttifaqının təşkil etdiyi Latviya çempionatı 12 assosiasiya, 22 komanda və 479 futbolçudan ibarət idi. 1921-ci ildə ilk dəfə Latviyada futbol qaydaları nəşr olundu və 1923-cü ilin mayında Latviya FİFA-ya qəbul edildi. Fransada keçirilən qəbul mərasimində Latviya təmsilçisi Herberts Baumanis olub.

1925-ci ildə Latviya Futbol İttifaqı ölkənin regionlarında futbol birlikləri yaratdı və 1927-ci ildə ölkədə yüksək səviyyəli yarışa start verildi. Yarışın adı Virsliqa idi. Bu, Riqanın ən güclü üç komandası və Liepaja klubundan ibarət idi, digərlər klublar isə öz bölgələrinin turnirlərində oynayırdılar. Bu sistem 1940-cı ilə qədər mövcud olur. Son mövsümdə Virsliqada səkkiz komanda mübarizə aparırdı.[1]

İttifaq 11 noyabr 1940-cı ildə Sovet işğalçı hakimiyyəti tərəfindən rəsmi olaraq ləğv edildi.[2]

Latviya Futbol Federasiyası 19 avqust 1990-cı ildə, Latviya müstəqilliyini bərpa etdikdən dərhal sonra indiki adı ilə fəaliyyətini bərpa edir. 1992-ci ildə FİFA-ya üzvlük bərpa edilir və elə həmin il UEFA-ya üzv olur.[3][4]

Fəaliyyəti[redaktə | mənbəni redaktə et]

Onun fəaliyyətinə Latviya futbol çempionatının (Optibet Virslīga), Latviya Birinci Liqasının, Latviya İkinci Liqasının, həmçinin aşağı liqa çempionatlarının və Latviya Futbol Kubokunun təşkili daxildir. Federasiya həmçinin Latviya milli futbol komandasını da idarə edir.

İstinadlar[redaktə | mənbəni redaktə et]

  1. ↑ Rubenis, Miķelis. Latvijas futbola vēsture. Rīga: Jāņa sēta. 2000. ISBN 9789984072180.
  2. ↑ "PAZIŅOJUMS [Periodika LNDB]". LPSR AP Prezidija ziņotājs. 18 noyabr 1940. 2020-02-03 tarixində arxivləşdirilib. İstifadə tarixi: 2023-05-12.
  3. ↑ UEFA.com. "Latvian football survives setbacks | Inside UEFA". UEFA.com (ingilis). 9 iyul 2018. 26 September 2019 tarixində arxivləşdirilib. İstifadə tarixi: 5 may 2023.
  4. ↑ "Vēsture" [History]. LFF.lv (latış). 5 May 2023 tarixində arxivləşdirilib. İstifadə tarixi: 5 may 2023.
Mənbə — "https://az.wikipedia.org/w/index.php?title=Latviya_Futbol_Federasiyası&oldid=7018783"