Lc waikiki

Vikipediya, azad ensiklopediya
Jump to navigation Jump to search
LC Waikiki logosu

LC WAIKIKI vəya qısa adıyla LCW, 47.700 işçisi və 47 ölkədə 1004 mağazası olan İstanbul mərkəzli mağazalar şəbəkəsidir. Adını Hawaii adasında yerləşən Waikiki çimərliyindən və Fransızca "dostlar" anlamına gələn "Les Copains" kəlimələrinin baş hərflərinden almaqdadır.

LC Waikiki, 1985-ci ildə Fransada DDKA şirkəti tərəfindən təsis edilmişdir (təsisçilərinin baş hərfləri: JJD, JMD, SK və George Amouyal). 90-cı illərdə Fransada marka uşaqlar və yeniyetmələr arasında böyük nüfuza sahib idi. Yarandıqdan qısa müddət sonra modelyer Georges Amuyal və ortağı, daha sonra Taha Grup'a çevrilən və 1997-ci ildə LC Waikiki markasını alan Türk geyim şirkəti Taha Tekstil (Tema Tekstil) ilə əməkdaşlıq etməyə başladı. Şirkət markasını Türk və beynəlxalq standartlara yenidən yönəltdi. Elə həmin il Türkiyədə 21 LC Waikiki mağazası açıldı, markalı mağazalar sayı hər il artdı, hal hazırda Türkiyənin 76 vilayətində 400-dən çox LC Waikiki mağazası fəaliyyət göstərir.

İlk xarici mağaza LC Waikiki, Rumıniyada 2009-cu ildə açıldı. Daha sonra şirkət Azərbaycan, Albaniya, Əlcəzair, Ermənistan, Belarusiya, Bolqarıstan, Bosniya və Herseqovina, Gürcüstan, Misir, İraq, İordaniya, İran, Qazaxıstan, Kipr, Çin, Kosovo, Makedoniya, Mərakeş, Moldova, Oman, Polşa, Rusiya bazarlarına daxil oldu. Səudiyyə Ərəbistanı, Suriya, Tunis, Ukrayna, Qırğızıstan, Tacikistan və Özbəkistan. Fars körfəzi ölkələrinə və digər bazarlara da daxil olmaq planlaşdırılır. Rusiyada ilk LC Waikiki mağazası 2010-cu ilin dekabrında Sankt-Peterburqda açıldı, onların sayının 50-yə çatdırılması planlaşdırılır. Qazaxıstanda ilk mağaza 2010-cu ildə Nur-Sultanda açılmış, ardından ölkə daxilində 34 mağaza açılmışdır.

2011-ci ildə şirkət, türk hazır giyim pərakəndə satışlarında lider oldu. 2014-cü ilin may ayından 2016-cı ilin yanvar ayına qədər Belarusiya üçün "1C: Retail 8" köməyi ilə şirkətin 10 mağazası avtomatlaşdırıldı və istifadəyə verildi. 2023-cü ilə qədər LC Waikiki, Avropanın ən uğurlu geyim pərakəndələrindən biri olmağı planlaşdırır.

LC Waikiki, Haliçdə hər il keçirilən yenilikçi bir moda dizayn yarışmasının və əjdaha qayıq yarışlarının təşkilatçısıdır.