Le Kuanq Lem

Vikipediya, açıq ensiklopediya
Jump to navigation Jump to search
Chess tile kl-whitebg.svg
Le Kuanq Lem
vyet. Lê Quang Liêm
Fotoqrafiya
Ölkə Vyetnam Vyetnam
Doğum tarixi 13 mart 1991(1991-03-13)
Doğum yeri Hoşimin, Vyetnam
Titulu Qrossmeyster
Son reytinqi 2718 (yanvar 2017)
Maksimal reytinqi 2718 (noyabr 2015)
FİDE nömrəsi 12401137
Commons-logo.svg Vikianbarda əlaqəli mediafayllar

İqor Kovalenko (vyet. Lê Quang Liêm, 3 mart 1991, Hoşimin, Vyetnam) — Vyetnam şahmatçısı, qrossmeyster, Dünya Blitz Çempionu (2013).

Le 2006, 2008, 2010, 20122014-cü illərdə Şahmat Olimpiadalarında Vyetnam üçün mübarizə aparmışdır. Xüsusilə də onun 2012-ci il Şahmat Olimpiadasında 1-ci lövhədə 10 oyundan 8 xal nəticəsi Vyetamın kişilərdən ibarət yığmasını yekunda 7-ci etdi və bu, Vyetnam Şahmat tarixində ən yüksək nəticə idi.

2010-cu ildə Le Moskva Open turnirində iştirak etdi. +5=4 nəticəsi ilə o, Konstantin Сhernyshov, Evgeny Bareev və Ernesto Inarkiev ilə 1-4-cü yerləri bölüşdürdü. Həmin turnirdən dərhal sonra Le 9 oyundan 7 xal (+5=4) nəticəsi ilə 9-cü Aeroflot Open turnirinin qalibi oldu. İyul ayının 15-dən 25-dək o, ilk dəfə dəvətli Dortmund turnirində iştirak etdi. Onunla yanaşı burada 9 dəfə Dortmund çempionu və keçmiş dünya çempionu Vladimir Kramnik, Şəhriyar Məmmədyarov, keçmiş FİDE çempionu Ruslan Ponomariov, 2004-cü il Dünya Çempionatı finalçısı Peter Leko və Arkadij Naiditsch də yarışırdılar. İlk raundda Le qara fiqurlarla Kramniklə qarşılaşaraq heç-heçə etdi və dördüncü raundda Ponomariovu, 5-ci raundda isə Lekonu məğlub etdi. Bununla da (+2=7-1) nəticəsi ikinci yeri qazandı.

2011-ci il fevralın 7-dən 11-dək o, bir daha Aeroflot Open turnirində müvəffəqiyyətlə iştirak edərək 9 oyundan 6.5 xal ilə qrossmeysterlər Nikita VityuqovYevgeni Tomaşevski ilə birinci yeri bölüşdürdü. O, Aeroflot Open turnirində iki dəfə qalib gəlmiş yeganə oyunçudur. Bu qələbə avtomatik olaraq ona Dortmund Invitational turnirinə vəsiqə qazandırdı.

2013-cü ilin mayında Filippində keçirilən Asiya Qitə Çempionatına qatıldı və klassik hissəni dördüncü yekunlaşdıraraq Blitz turnirinin qalibi oldu. 2013-cü ilin iyun ayında Le Xantı-Mansidə keçirilən sürətli şahmat üzrə Dünya Çempionatında iştirak edərək, Məmmədyarov, Nepomniachtchi və Aleksandr Qrişçukdan sonra dördüncü oldu. Bundan sonra Dünya Blitz Çempionatının qalibi oldu. O, dünya Çempionu titulunu qazanmış ilk Vyetnam oyunçusudur.

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Le Kuanq Lem ilə əlaqəli mediafayllar var.

Vikisitatda Le Kuanq Lem ilə əlaqəli məlumatlar var.