Leninqrad rayonu (Krasnodar diyarı)

Vikipediya, azad ensiklopediya
Naviqasiyaya keçin Axtarışa keçin
Leninqrad rayonu
Bayraq[d] Gerb
Bayraq[d] Gerb

46°19′ şm. e. 39°22′ ş. u.

Ölkə
Tarixi və coğrafiyası
Sahəsi
  • 1.416 km²
Əhalisi
Əhalisi
  • 63.420 nəf. (1 yanvar 2018)[2]
Rəsmi sayt
Leninqrad rayonu xəritədə
Vikianbarın loqosu Vikianbarda əlaqəli mediafayllar

Leninqrad rayonu (rus. Ленинградский район) — Rusiya Federasiyası, Krasnodar diyarının tərkibində inzibati ərazi vahidi. İnzibati mərkəzi Leninqradskaya kəndidir.

Coğrafiyası[redaktə | mənbəni redaktə et]

Leninqrad rayonu diyarın şimal hissəsində yerləşir, ərazisi əsasən düzəndir. Bölgədəki torpaqlar karbonatlı qaratorpaqlardır. Burada təbii qaz, gil və mineral su çıxır.

Tarix[redaktə | mənbəni redaktə et]

2 iyun 1924-cü ildə mərkəzi Umanskaya kəndində olan Cənub-Şərqi vilayətinın Kuban dairəsinin bir hissəsi olaraq Umanski rayonu qurulur. Buraya Kuban-Qara dəniz bölgəsinin ləğv edilmiş Yeysk bölməsinin ərazisinin bir hissəsi daxil idi. Əvvəlcə rayona 5 kənd məclisi daxil idi: Belı, Krılovski, Kulikovski, Novoplatnirovski, Umanski. 16 noyabr 1924-cü ildən rayon Şimali Qafqaz diyarının ərazisinə daxildir. 21 fevral 1927-ci ildə rayon ləğv edilir, ərazisi Pavlovski və Kanevski rayonları arasında bölünür. 31 dekabr 1934-cü ildə Pavlovski rayonu ərazisinin bir hissəsinin bölüşdürülməsi nəticəsində mərkəzi Leninqradskaya kəndi olan Leningradski rayonu qurulur. Eyni zamanda, mərkəzi Krılovskaya kəndində Stalin rayonu təşkil olunur. 13 sentyabr 1937-ci ildən Leninqradski rayonu Krasnodar diyarının bir hissəsi olur. 22 avqust 1953-cü ildə Leninqrad və Stalin rayonları Stalinski rayonu adı altında birləşdirilir, lakin rayon mərkəzi Leninqradskaya kəndində qalır. 12 dekabr 1960-cı ildə Stalin rayonu dəyişdirilərək Leninqradski adlandırılır. 11 fevral 1963-cü ildən 1964-cü il martın 3-dək rayon ləğv edilir, ərazisi Pavlovski rayonunun tərkibinə daxil edilir. 1993-cü ildə kənd sovetliklərinin fəaliyyətinə xitam verilir, kənd idarələrinin əraziləri kənd dairələrinə çevrilir. 2005-ci ildə rayonda 12 bələdiyyə qurulur.

Əhali[redaktə | mənbəni redaktə et]

1 yanvar 2006-ci il tarixinə rayon əhalisi 65 541 nəfər təşkil etmişdir. Əhalinin hamısı kənd əhalisidir. Bütün əhali arasında kişilər 45,9 %, qadınlar 54,1 % təşkil edir. Ümumi əhalinin 38 825 (59,2 %) nəfəri əmək qabiliyyətli insanlar, 22,5 %-i pensiyaçılardır[3].

İnzibati-ərazi vahidləri[redaktə | mənbəni redaktə et]

Leninqrad rayonunda 12 kənd inzibati vahidliyinə 33 yaşayış məntəqəsi daxildir.

KİV[redaktə | mənbəni redaktə et]

Leninqrad rayonunda "Stepnoye zori" qəzeti 1934-cü ildən bəri nəşr olunur. Dövriyyəsi 5 mindən çoxdur.

Stimul televiziyası 1992-ci ildə təsis edilmişdir.

Radio yayımı: "Leninqradski Xit" radio kanalı (21.03.2006-cı ildə təsis edilmişdir), yayım tezliyi 106.5 MHz; "Birinci Leninqradskoe Radio" (01/10/2014 tarixində təsis edilmişdir), yayım tezliyi 102,7 MHz.

2005-ci ildə qurulan "Leninqradskaya.org" İnternet mediası, 2012-ci ildə bir media olaraq qeydiyyata alınıb.

Rayonda doğulanlar[redaktə | mənbəni redaktə et]

Klavdia Kuzminiçna Kudryaşeva (1925-) - opera müğənnisi, SSRİ xalq artisti (1970).

Alexandr Alekseyeviç Kotenkov (1952-) - Rusiya Federasiyası Prezidentinin Federasiya Şurasındakı səlahiyyətli nümayəndəsi (1996-2004), Rusiya Federasiyası Prezidentinin Dövlət Dumasındakı səlahiyyətli nümayəndəsi (2004-2013).

İstinadlar[redaktə | mənbəni redaktə et]

  1. ↑ 1 2 ОКТМО. 185/2016. Southern FD.
  2. ↑ 26. Численность постоянного населения Российской Федерации по муниципальным образованиям на 1 января 2018 года. Rusiya Dövlət Federal Statistika Xidməti.
  3. ↑ "Департамент здравоохранения Краснодарского края, Ленинградский район". 2008-01-26 tarixində orijinalından arxivləşdirilib. İstifadə tarixi: 2020-10-02.

Mənbə[redaktə | mənbəni redaktə et]

Mənbə — "https://az.wikipedia.org/w/index.php?title=Leninqrad_rayonu_(Krasnodar_diyarı)&oldid=5676017"