Leonor (Asturiya şahzadəsi)
| Leonor | |
|---|---|
| isp. Leonor de Todos los Santos de Borbón y Ortiz | |
.jpg) | |
| Doğum tarixi | 31 oktyabr 2005 (20 yaş) |
| Doğum yeri | |
| Atası | VI Flipp[1] |
| Anası | Letisiya Ortiz Rocasolano[1] |
| Fəaliyyəti | zabit |
| Mükafatları |
     |
 |
|
| casareal.es/ES/FamiliaRe… | |
 Vikianbarda əlaqəli mediafayllar | |
Şahzadə Leonor de Todos los Santos de Borbón y Ortiz (İspanca: *Leonor de Todos los Santos de Borbón y Ortiz; 31 oktyabr 2005, Madrid) — Asturiya şahzadəsi və 19 iyun 2014-cü ildən etibarən İspaniya taxt-tacının varisidir. O, İspaniya kralı VI Felipenin və onun həyat yoldaşı Letisiyanın böyük qızı, həmçinin İspaniya kralı I Xuan Karlos və kraliça Sofiyanın nəvəsidir. O, İnfanta Sofiyanın böyük bacısıdır.
Tərcümeyi halı
[redaktə | vikimətni redaktə et]Uşaqlıq illəri
[redaktə | vikimətni redaktə et]Şahzadə Leonor 31 oktyabr 2005-ci ildə saat 1:46-da Madriddəki Rubera Beynəlxalq Xəstəxanasında dünyaya gəlib. O, Vəliəhd Şahzadə Felipe və həyat yoldaşı Letizianın, qızlıq soyadı Ortiz Rokasolanonun doğulan ilk uşağı olub. 14 yanvar 2006-cı ildə Kardinal Antonio Ruko Varela, səksən nəfərdən bir qədər çox insanın qatıldığı Zarzuela Sarayında vəftiz mərasimini həyata keçirib. Ənənəvi olaraq, Leonor İordan çayından su ilə vəftiz olunub. O, Leonor de Todos los Santos de Borbón y Ortiz adını alıb. Onun xaç valideynləri İspaniya Kralı və Kraliçası, ata tərəfdən nənə və babası olub.
O, ilk dəfə olaraq Kral Sarayının Sütunlar Zalında İspaniya milli futbol komandasının 2010-cu il Dünya Kubokunda qələbəsini qeyd etmək üçün keçirilən rəsmi mərasimdə Kral və həyat yoldaşı, valideynləri İnfanta Sofiya və İnfanta Elena ilə birlikdə iştirak etdi. 20 may 2015-ci ildə o, ilk dəfə Nuestra Senora de la Asunción Kilsəsində Müqəddəs Birlik ayinini qəbul etmişdir.
Taxt tac varisi
19 iyun 2014-cü ildə babası Xuan Karlosun taxtdan imtina etməsindən sonra Şahzadə Leonor İspaniya taxtının varisi oldu.
2018-ci ilin sentyabr ayından bəri Şahzadə Leonor dörd dəfə ictimaiyyətə çıxışı olub: birincisi, Asturiya Krallığının 1300 illiyi münasibətilə Kovadonqada daha sonra 2019-cu ilin payızında Leonor Asturiya Şahzadəsi Mükafatında və Girona Şahzadəsi Fondunun Mükafatlandırma Mərasimində iki dəfə çıxış etmişdir.
2022-ci ilin dekabr ayında Şahzadə Leonor Madriddəki İspaniya Qırmızı Xaçının qərargahını ziyarət etdi və orada Qırmızı Xaçın gənc könüllüləri ilə görüşmüşdür. 7 oktyabr 2023-cü ildə təhsil aldığı Hərbi Akademiyada valideynlərinin iştirakı ilə Şahzadə Leonor İspaniya bayrağına sədaqət andı içmişdir. Üç həftə sonra, 31 oktyabrda, 18-ci doğum günündə, şahzadə xüsusi bir mərasimdə İspaniya Konstitusiyasına sadiq qalacağına and içdi və "vəzifələrini vicdanla yerinə yetirəcəyinə, Konstitusiyaya və qanunlara riayət edəcəyinə və təmin edəcəyinə, vətəndaşların və muxtar icmaların hüquqlarına hörmət edəcəyinə və Krala sadiq qalacağına" söz verdi. Mərasimdən sonra dövlət himninin bir hissəsi səsləndirildi.[18][19]
12 iyul 2024-cü ildə şahzadə Leonor ilk rəsmi səfərini Prezident Marselo Rebelo de Sousanın dəvəti ilə Portuqaliyaya səfər edərək etmişdir. Bu ilk xarici səfərində Leonora xarici işlər naziri Xose Manuel Albarez və Kralın şəxsi katibi Kamilo Villarino müşayiət etmişdir. Səfəri zamanı şahzadə Lissabon okeanariumunu, Jeronimos monastırını və iki ölkə nümayəndələrinin görüşünün keçirildiyi Belém Sarayını ziyarət etmişdir