Lesko qanadı

Vikipediya, azad ensiklopediya
Jump to navigation Jump to search
Lesko qanadı
fr. Aile Lescot
Paris 75001 Cour Carrée Louvre Aile Lescot 01a frontal.jpg
48°51′36″ şm. e. 2°20′15″ ş. u.
Ölkə Fransa Fransa
Şəhər Grandes Armes de Paris.svg Paris
Aidiyyatı Luvr muzeyi
Memar Pyer Lesko
Sifarişçi I Fransisk
II Henri
Tikilmə tarixi 15461551
Üslubu İntibah dövrü
Fransa tarixi abidələri
İstinad nöm.PA00085992
Lesko qanadı (Paris)
Locator Dot2.gif
Lesko qanadı
Aile Lescot - Palais du Louvre.svg
Luvr sarayının planında Lesko qanadı qırmızı ilə göstərilmişdir
Commons-logo.svg Vikianbarda əlaqəli mediafayllar

Lesko qanadı (fr. Aile Lescot) — Luvr sarayının ən qədim yerüstü hissəsidir. Tikili 1546-1551-ci illərdə memar Pyer Leskonun layihəsi əsasında inşa edilmişdir. İtalyan manyerizminin təsiri altında[1] inşa edilmiş Lesko qanadı Paris intibah stilini formalaşdırmaqla, sonradan yarnmış Fransa klassisizm memarlığı üçün təməl rolunu oynamışdır.

Tarixi[redaktə | əsas redaktə]

Jak Qujon tərəfindən hazırlanmış və Lesko qanadının mərkəzində yerləşən "Müharibə alleqoriyası" frontonu. Frontonda iki mələk II Henrinin monoqramını tutur.

Kral I Fransiskin hakimiyyəti dövründə memar Pyer Lesko (1510-1578) Luvr sarayının inşa işlərinə başçı memar təyin edilir. I Fransiskin ölümündən sonra onun varisi II Henrix də Leskonun işləri davam etməsini təsdiqləyir. Bundan sonra Lesko ölümünə kimi Luvr sarayının inşa işlərinə rəhbərlik edir. Memar yalnız Lesko qanadı, Kral pavilyonu və Karre həyətinin cənub qanadının bir hissəsində inşaat işlərini tamamlaya bilir. Binada Lesko tərəfindən yaradılmış interyerlərdən yalnız Müdafiəçilər otağı (fr. Salle des Gardes) və II Henrix pilləkəni dövrümüzə çatmışdır.

Lesko qanadından şimalda Saat pavilyonu, Lemersye qanadı və Bove pavilyonu yerləşir. Sarayın şimal istiqamətində genişləndirilməsinə 1624-cü ildə XIII LüdovikKardinal Rişelyenin hakimiyyəti dövründə başlanılsa da, 1626-cı ildə vəsait çatışmazlığına görə tikinti işləri dayandırılmış və yalnız 1639-1642-ci illərdə Jak Lemersyenin layihəsi tamamlanmışdır.[2][3] Lesko qanadının simmetrik davamı olan Lemersye qanadı İntibah memarlığı üslubunda inşa edilmişdir. Lemersye qanadının əlavə edilməsi ilə Luvrun sonuncu xarici orta əsrlər qalıqları da sökülmüşdür.

Memarlıq xüsusiyyətləri[redaktə | əsas redaktə]

Lesko qanadı Kral və Saat (və ya Salli) pavilyonları arasında yerləşməklə Luvrun daxili həyəti olan Karre həyətinə açılır.[4] Tikili iki mərtəbə və Jak Qujonun barelyefləri ilə bəzədilmiş çardaqdan ibarətdir. Tikili fransız memarlığının ənənəvi xüsusiyyətlərindən biri olan maili damla örtülmüşdür. Birinci mərtəbənin dərinə yerləşdirilmiş pəncərələrinin tağlı pəncərələri arkada təəssüratı yaradır, onların arasında yerləşən qapıların üzərində izə öküz gözü pəncərələri yerləşdirilmişdir. İkinci mərtəbənin incə pilyastrlarla ayrılmış pəncərələri isə üçbucaqlı və tağlı frontonlarla tamamlanır. Qujon tərəfindən hazırlanmış fasad heykəlləri və memarlıq ornamentləri hiyləgərliklə memarlıq konstruksiyasına tabe edilmişdir, birinci mərtəbədə dövrümüzə çatmış kariatidalar zalı isə Qujon tərəfindən hazırlanmış və musiqiçilər qalereyasını saxlayan dörd kariatidanın adından alınmışdır.

İstinadlar[redaktə | əsas redaktə]

  1. Summerson, John (1963), The Classical Language of Architecture, London and New York: Thames & Hudson, pg 76.
  2. Blunt, Anthony (1960). "Two Unpublished Drawings by Lemercier for the Pavillon de l'Horloge", The Burlington Magazine, vol. 102, no. 691 (October), pp. 446–448.
  3. Gady, Alexandre (2005). Jacques Lemercier, architecte et ingénieur du Roi, pp. 368–381. Paris: Maison des sciences de l'homme. ISBN 9782735110421.
  4. Bautier, Geneviève Bresc (1995). The Louvre: An Architectural History, p. 43. New York: The Vendome Press. ISBN 9780865659636.

Xarici keçidlər[redaktə | əsas redaktə]