Lev Trotski

Vikipediya, açıq ensiklopediya
Keçid et: naviqasiya, axtar
Lev Trotski
Lev Trotski
Bayraq
Fəhlə və əsgər deputatlarının Petroqradsk şurasının sədri
Bayraq
8 oktyabr 1917 — 8 noyabr 1918
Sələfi: Nikolay Semyonoviç Çxeidze
Xələfi: Qriqori Yevseyviç Zinovyev
Bayraq
RSFSR-ın xarici işləri üzrə xalq komissarı
8 noyabr 1918 — 13 mart 1918
Sələfi: vəzifə;Rusiya respublikasının xarici işlər naziri kimi Tereşenko Mixail İvanoviç
Xələfi: Qeorqi Vasiliy Çiçerin
Bayraq
RSFSR-ın İnqilabçı hərbi şurasının sədri
6 sentyabr 1918 — 26 yanvar 1925
Sələfi: vəzifə təsis edilmişdir
Xələfi: Mixail Vasiliyeviç Frunze
SSRİ-in hərbi və dəniz işləri üzrə xalq komissarı
6 iyul 1923 — 25 yanvar 1925
Sələfi: vəzifə təsis edilmişdir
Xələfi: Mixail Vasiliyeviç Frunze
RSFSR-ın hərbi işləri üzrə xalq komissarı
14 mart 1918 — 12 noyabr 1923
Sələfi: N.İ.Podvoyskiy
Xələfi: SSRİ-in hərbi və dəniz işləri üzrə xalq komissarlığı ləğv edilmişdir
 
Partiya: Rusiya sosial-demokrat işçi partiyası (bolşeviklər),
Rusiya kommunist partiyası,
İsveçrənin sosial-demokrat partiyası
Dini: Ateist
Təvəllüdü: 7 noyabr 1879(1879-11-07)
Yanovka kəndi, Xerson quberniyası, Flag of Ukraine.svg Ukrayna
Vəfatı: 21 avqust 1940 (60 yaşında)
Koyyakan, Meksika
Atası: David Leontiy Bronşteyn
Anası: Anna Lvovna Bronşteynin
Həyat yoldaşı: Sokolovskaya Aleksandra
Uşaqları: oğlanları: Sedov Lev
Sedov Sergey

qızları: Volkova Zinaida,
Nevelson Nina

 
İmzası: İmzası
 
Mükafatları:

80px Qırmızı bayraq ordeni


Lev Davidoviç Trotski (rusca Лев Дави́дович Тро́цкий əsl soyadı Bronşteyn; 7 noyabr 1879, Yanovka kəndi, Xerson quberniyası, Ukrayna - 21 avqust 1940, Koyyakan, Meksika) - Marksist inqilabçı və nəzəriyyəçi, Sovet siyasi xadimi, Qızıl Ordunun qurucusu və ilk rəhbəri.

Trotski əvvəlcə Rusiya Sosial Demokrat Fəhlə Partiyasının Menşevik İnternasionalist qanadını dəstəkləyirdi. O 1917-ci il Oktyabr İnqilabı baş verməmiş, tez bir zamanda Bolşeviklərə qoşulmuş və nəhayət Rusiya Sosial Demokrat Fəhlə (bolşeviklər) Partiyasında lider olmuşdur. RSFSR-in və SSRİ-nin ilk illərində o, Xarici İşlər üzrə Xalq Komissarı kimi və sonra Hərbi Dəniz İşləri üzrə Xalq Komissarı rütbəsi ilə Qırmızı Ordunun yaradıcısı və komandanı kimi xidmət etmişdir. 1920-ci illərdə Stalinin siyasəti və yüksəlişinə qarşı və Sovet İttifaqında bürokratiyanın artan roluna qarşı apardığı uğursuz mübarizədən sonra, Trotski hakimiyyətdən kənarlaşdırılmış (Oktyabr 1927), Kommunist Partiyasından xaric edilmiş (Noyabr 1927) və sonda, 1929-cu ildə Sovet İttifaqından sürgün olunmuşdur. Meksikada sürgündə olarkən, Trotski, IV İnternasionalın başçısı kimi, Sovet İttifaqındakı Stalin bürokratiyasına qarşı çıxmağa davam etmişdir. Avropa faşizminə qarşı Qırmızı Ordunun müdaxiləsinin ilk təbliğatçısı, Trostski, Stalinin Hitlerlə imzaladığı "qarşılıqlı toxunulmazlıq paktı"na qarşı çıxmışdır. 1940-cı ilin avqustunda Stalinin əmrilə Meksikada ispaniyalı Sovet agenti Ramon Merkader (Ramón Mercader) tərəfindən qətlə yetirilmişdir. Onun SSRİ-də qalan ailə üzvlərinin əksəriyyəti həbs olunmuş və edam edilmişdir.

Həyatı[redaktə | əsas redaktə]

Lev Trotski, Lev Davidoviç Baronşteyn (rusca: Лев Давидович Бронштейн) 7 noyabr 1879-cu ildə, Rusiya İmperiyasinın (indiki Bereslavka (Береславка; 47°53′34″N 32°17′25″E) Bobrinets rayonu, Kirovoqrad oblastı, Ukrayna) Xerson quberniyasında, Yanovka (rusca: Яновка), yaxud Yanivka (ukraincə: Янівка) kəndində anadan olmuşdur. Yəhudi ata, David Leontyeviç Baronşteyn (1847-1922) ana Anna Baronşteynin (1850-1910) səkkiz uşağından beşincisi idi. Ailə yəhudi olsa da, deyilənlərə görə, dindar deyildi. Ailədə adətən Rus və Ukrayna dilləri istifadə olunmuşdur. Evdə işlədilən dil, Surjik kimi tanınan Rus və Ukrain dillərinin qarışığı idi. Trotskinin kiçik bacısı, Olqa, qabaqcıl Bolşevik, Lev Kamenevlə evlənmişdi.

9 yaşlı Lyova, Odessada Müqəddəs Pavel məktəbində oxumağa göndərilir. Trotski bioqrafiyasının müəllifi İsaac Deutscher (İzak Döytçer) yazır ki, Odessa o zamanki Rusiyanın bir çox şəhərindən fərqli olaraq, kozmopolit liman şəhəri idi. Bu mühit gənc oğlanın beynəlmiləlçi dünyagörüşünün inkişafına kömək etmişdir. 1889 - 1895 ci illər arasında oxuduğu Odessa şəhərində Trotski "Matezis" tipoqrafiya və elmi nəşriyyatın sahibləri Moissey Filipoviç Şpeçner və Fanni Solomonovnanın ailəsində yaşamışdır.

Odessadaki məktəbdən qovulan Trotski, təhsilini davam etdirmək üçün gəldiyi Nikolayev şəhərində inqilabçı fəaliyyətinə başlayır. İlk başda narodniklərə (inqilabçı populistlər) qoşulur. Daha sonra isə əvvəllər qarşısında olduğu Marksizm ideologiyasını mənimsəyir. Fizika-riyaziyyat fakultəsinə qəbul olunur ancaq bu təhsilini elə başlanğıcda buraxır. 1897-ci ilin başlanğıcında Cənub-Rus İşçiləri Birliyini (Южно́-ру́ccкий рабо́чий сою́з) qurmağa kömək edir. Lyova ləqəbini istifadə edərək siyasi vərəqələr, pamfletlər yazıb çap edir və sənayə işçiləri və inqilabçı tələbələr arasında yayır.

1896-cı ildən sosial-demokrat hərəkatına qoşulmuşdur. 1904-cü ildən bolşevikmenşeviklər birliyi fraksiyasında iştirak etmiş, 1905-1907-ci illərdə Petroqradda faktiki olaraq fəhlə deputatlar sovetinin lideri olmuşdur. Həmçinin professional natiq olaraq təsiredici nitqi ilə seçilirdi. Həmin illərdə "İzvestiya" qəzetinin, 1908-1912-ci illərdə isə "Pravda" qəzetinin redaktoru olmuşdur. 1912-ci ildə bolşeviklər "Pravda" adlı yeni qəzet nəşrinə başladılar, bu böyük mübahisələrə səbəb oldu.

Oktyabr inqilabında sonra 1917-1918-ci illərdə sovet dövlətinin xarici məsələlərinə, 1918-1925-ci illərdə isə hərbi məsələlərinə başçılıq etmişdir. "Qızıl Ordu"nun yaradıcılarından biridir.

Leon trotsky.jpg

Trotskinin Stalinlə hakimiyyət uğrunda mübarizəsi 1924-cü ildə onun məğlubiyyəti ilə nəticələndi, 1927-ci ildə partiyadan çıxarılaraq Alma-Ataya göndərildi. 1929-cu ildə isə SSRİ-dən xaric edildi və Sovet vətəndaşlığı əlindən alındı.

Lakin Trotski Stalinə qarşı fəaliyyətini davam etdirdi və bunun nəticəsində Stalinin əmri ilə 20 avqust 1940-cı ildə ispan mənşəli NKVD agenti Ramon Merkader tərəfindən yaşadığı Meksikada buz baltası ilə ağır yaralandı. Növbəti gün o vəfat etdi.

Əsərləri[redaktə | əsas redaktə]

  • Həyatım - otobioqrafiya kitabı
  • 1905
  • Permanent inqilab

Mənbə[redaktə | əsas redaktə]

Həmçinin bax[redaktə | əsas redaktə]

  1. Trotskinin Bakıya səfəri (film, 1924) - Sənədli film

Xarici Keçidlər[redaktə | əsas redaktə]

VikiAnbarda Lev Trotski ilə əlaqəli mediafayllar var.