Leyla Şıxlinskayanın Klinikası

Vikipediya, açıq ensiklopediya
Jump to navigation Jump to search

Leyla Şıxlinskayanın Klinikası 1999-cu ilin avqust ayında açılıb və hazırda özəl tibb sahəsində uğurların ən parlaq nümunəsidir. Mərkəzə Respublikanın xalq artisti, sənətşunaslıq doktoru Leyla Şıxlinskaya başçılıq edir.

Klinikanın açılması ölkə rəhbərliyinin milli səhiyyənin inkişafında maraqlı olmasını əks etdirir və bu mərkəzin açılış mərasimində çıxış edən Azərbaycan Respublikası Prezidenti Heydər Əliyev tərəfindən bir daha olaraq qeyd edilmişdir.

Klinika öz fəaliyyətini ən müasir tibb avadanlığı, qabaqcıl texnologiyalar, keyfiyyətli tibbi xidmət əsasında - "Bir mərkəzdə tibb xidmətlərinin tam kompleksi" prinsipi üzərində qurub.

Klinika səmərəli müalicə, mürəkkəbləşmələrin minimal inkişaf riskini və ən tez reabilitasiya müddətini təmin edir.

İlk öncə Leyla Şıxlinskayanın Klinikası mamalıq-ginekoloji stasionar kimi yaradılıb, lakin artıq tezliklə tam miqyaslı çoxixtisaslı stasionara çevrilib. Burada bütün növ profilaktik, diaqnostik və müalicə tədbirləri dünya standartlarına müvafiq aparılır.

3 illik fəaliyyət dövründə (avqust 1999 – avqust 2002) Klinikada 700 doğum və müxtəlif sahələrdə (endokrin, abdominal, çənə-üz, proktoloji, otorinoloji, damar, ginekoloji və uşaq cərrahiyyəsi) 1500-dən artıq cərrahiyyə müdaxiləsi keçirilib.

Hazırda çox ixtisaslı xəstəxana olan Leyla Şıxlinskayanın Klinikası iki korpusda yerləşən 12 bölmədən ibarətdir və şəhərin digər tibbi idarələrindən təklif olunan tibb xidmətlərinin həcmi və keyfiyyəti ilə fərqlənir.

Klinika ilə tanışlıq qəbul bölməsindən başlayır. Burada koordinasiya xidmətinin nizamlı fəaliyyəti nəticəsində sənədlərin qeydiyyatdan keçirilməsi və həkim məsləhətinin alması üçün vaxtı minimuma endirməyə imkan verir, əməkdaşların xarici görünüşü və hörmətlə davranış istənilən tibb idarəsinə səfər zamanı yaranan narahatlığı aradan qaldırır.

Klinikanın 10 həkim kabinetindən (mamalıq-ginekologiya, stomatologiya, LOR, cərrahiyyə, endokrinologiya, terapevtik) ibarət olan Poliklinika bölməsində hər gün saat 9:00-dan 16:00-dək pasientlərin qəbul saatlarıdır. Endoksopik tədqiqatlar kabineti PENTAX şirkətinin avadanlığı ilə təchiz edilib və bu, təkcə böyüklərdə deyil, həmçinin uşaqlarda da kolono-qastroskopiyanı keçirmək imkanını verir.

Funksional diqanostika bölməsi SİEMENSSHİMADZU şirkətlərinin dopleroqraf qurğulu USM aparatı ilə; KTQ, mammoqraf; SHİMADZU şirkətinin kompüter tomoqrafı ilə təchiz edilib.

Klinikanın Laboratoriya bölməsi həm ambulator, həm də stasionar pasientlərə xidmətt göstərir, müasir avadanlıqla (TARGA, AVL, RAUCHE, HERAUS şirkətləri) təchiz edilib və bunun sahəsində ən qısa müddət ərzində böyük məbləğdə analizləri keçirməyə və tədqiqatlaırn nəticələrini öyrənmək mümkün olur.

Stasionar xidmət 12 bölmədən ibarətdir və onun strukturu 5 əməliyyat zalı, 10 çarpayılı 4 intensiv terapiya zalı, 2 doğum zalı və 68 çarpayılıq 28 palata daxildir.

Keyfiyyətli tibb xidməti ilə bərabər Klinikanın gözəl interyeri və rahat şərait pasientin tezliklə sağalması üçün yararlı iqlim yaradır. Stasionarda psixolojı və emosional rejimin qorunulması gecə-gündüz mühafizə xidməti ilə və qohumların pasientlərə baş çəkməsi üzrə düşünülmüş sistem yolu ilə təmin olunur. İqlim nəzarətinin mərkəzləşdirilmiş sistemi, bakterial filtrlar, aseptika və antiseptika qaydalarına riayət Klinikada ciddi sanitar rejimini təmin etməyə imkan verir.

Türkiyənin Səhiyyə Naziri Klinikaya səfəri zamanı deyib: "Leyla Şıxlinskayanın Klinikasında sanitar şərait təkcə Türkiyənin deyil, bütün dünya standrtlarına uyğundur". Pasientlərə tibbi xidmət birdəfəli materialların və tanınmış əczaşı şirkətlərinin dərman ləvazimatından istifadəsi ilə göstərilir. Klinikanın elektrik, su təchizatı, kondisionlaşdırma tam avtonom şəkildə aparılır.

Əməliyyat zalları və intensiv terapiya bölməsi DREGER, DATEX, OHMEDA, SIMENS, HERAEUS, SCHMITS, STORS kimi şirkətlərin avadanlığı ilə təchiz edilib. Həmin avadanlığın istifadəsi yüksək anesteziolojı riskli pasientlərdə narkoz keçirməyə imkan verir. Qeyd etmək lazımdır ki, Leyla Şıxlinskayanın Klinikasında spinal və peridal anesteziya geniş tədbiq edilir. Onların etibarlığı və təhlükəsizliyi doğumların ağrısız keçirilməsində istifadə etməyə imkan verir.

Carrahiyə bölməsi xüsusi diqqətə layiqdir. Klinikada əməliyyatları respublikamızın aparıcı cərrahlarından əlavə, Rusiyanın və Avropanın qabaqcıl cərrahları tərəfindən keçirilir. Rusiyanın ən tanınmış cərrahı, RTEA akademikı, Moskva şəhərinin Elmi Cərrahiyyə Mərkəzinin abdominal cərrahiyyə bölməsinin rəisi, professor A.F. Çernousov Klinikada bir sıra mürəkkəb əməliyyat keçirərkən kollektivin işini bu cür qiymətləndirib: "Mən burada işləyən həkimlərə həsrət aparıram. Onlar bu cür gözəl şəraitdə və kollektivdə çalışmaq imkanına malikdirlər".

Mədədə, öd yollarında, bağırsaqlarda, qida borusunda mürəkkəb əməliyyatlar tanınmış mütəxəssislər, əməkdar elmlər xadimləri, professor V. Seidov, professor S. Radiyev, t.e.n A. İ. İsayev tərəfindən aparılır.

Bu günə Klinikada magistral və periferik damarlarda bütün çeşidli müdaxilələrin tədbiqi mümkündür. Bu əməliyyatları professor, t.e.d. A. Bağırov keçirir. Qeyd etmək lazımdır ki, damar cərrahiyyəsi bölməsinin pasientləri təkcə ölkəmizin deyil, həmçinin qonşu respublikaların vətəndaşlarıdır. Gürcüstan Respublikasının vətəndaşı Leriş sindromunun operativ müalicəsi üçün məhz Leyla Şıxlinskayanın Klinikasına müraciət edib. Bölmənin aparıcı mütəxəssisi Klinik Tibb ETİ-nin Mikrocərrahiyyə bölməsinin rəisi t.e.n. A.A. Şəmsəddinskidir. O, damar sistemi patologiyasının (skleroterapiya, mikroflebotomiya) müalicəsində həm ənənəvi, həm də az tanılan üsullardan istifadə edir. Ayaq dmarlarının varikoz genişlənməsi zamanı laparoskopik əməliyyatları Moskva şəhəri 1-ci şəhər xəstəxanasınn flebologiya bölməsinin müdri professor A.S. Kirienko keçirir. Öz seçimini onunla izah edir ki, Leyla Şıxlinskayanın Klinikası onun gördüyü ən yaxşı stasionarlardan biridir.

Klinikada cərrahiyyə endokrinologiya sahəsi xüsusilə fəal inkişaf edir. Bu sahədə əməliyyatları Endokrinoloqlar Avropa Assosiyasiyasının üzvü professor, t.e.d. R. Ağayev və t.e.d. A. Qaragözova tərəfindən keçirilir. Bu günə qədər qalxanaoxşar vəzilərin xəstəliyi olan pasientlərə 100-dən artıq cərrahiyyə müdaxilələri edilib. Bununla bələ, əməliyyatdan sonra mürəkkəbləşmə halı qeydə alınmayıb.

Leyla Şıxlinskayanın Klinikasında cərrahiyyə koloproktologiya sahəsində müasir texnologiyalardan geniş istifadə olunur. Bunların hamısı, xəstələri ağrılardan xilas edir və zədə müdaxiləsi olmadan həyatın keyfiyyətini yaxşılaşdırmağa imkan verir. "Ştors" şirkətinin ultrasəs destrukturun istifadəsi tonzilit, adenoid və s. xəstəliklər zamanı əməliyyatları qansız keçirməyə imkan verir. Bu, uşaqlar üçün xüsusilə vacibdir.

Leyla Şıxlinskayanın Klinikasında uşaq cərrahiyyəsi bölməsi geniş fəaliyyət göstərir. Burada bütün növ əməliyyat müdaxilələri keçirilir, o cümlədən laparoskopik yolla.

Bölmənin işi bir günlük stasionar prinsipi üzrə aparılır və bu həm balaca pasientlər, həm də onların valideyinləri üçün rahatdır.

1999-cu ilin avqust ayından 2002-ci ilin avqust ayına qədər stasionarda 550 ginekoloji əməliyyat aparılıb.

Klinikada Qafqazda ilk dəfə olaraq bu problemə həsr edilmiş iki beynəlxalq konfrans keçirilib (2001, 2002-ci illər). Tədbirdə Rusiyanın və Avropanı ginekolojı endoskopiya sahəsində aparıcı mütəxəssislər iştirak edib. Konfransın gedişi zamanı doktor Arno Vatiez (Fransa) və t.e.d. S.V.Ştırov ümumilikdə 50-yə yaxın nümunəvi əməliyyat keçiriblər. Əməliyyatlar canlı olaraq əməliyyat blokundan konfrans zalına yayımlanıb. Konfransda doktor Arno Vatiez Leyla Şıxlinski Klinikası haqqında danışaraq qeyd edib: "Klinika bizim sadəcə xoşumuza gəlmir, biz hardasa həsrət hissi keçiririk, ona görə ki, klinikanın standartları mənim Fransadakı klinikamdan üstündür". Əlavə olaraq Ştırov S.V. deyib: "Leyla Şıxlinskayanın Klinikası təkcə öz strukturu ilə deyil, həmçinin nizamlı və yüksək ixtisaslı kollektivlə seçili. Xüsusilə anesteziolojı xidmətini qeyd etmək istərdim, onların işi xoş təsir bağışlayır. Bu cür kollektivlə pasientlərə görə narahat olmursan".

Stasionarın Mamalıq Bölməsinin işinə toxunaraq, doğumların aparılmasının əsas prinsiplərini qeyd etmək lazımdır: fiziologiya, adekvat ağrıkəsmə, daimi kardiotokomonitorlaşdırılma, birdəfəlik material, doğumlarda həyat yldaşının iştirakına icazə, yeni doğulmuş körpənin ana qoynuna erkən qoyulması.

Stasionarda hamilə qadınlar patologiyası bölməsi fəaliyyət göstərir. Burada qadınlar personalın daim nəzarəti altında qalırlar və lazım olduqda ixtisaslı mütəxəssislərin məsləhətlərini alırlar.

Neonatal bölmə vaxtından qabaq doğulmuş və kiçik çəkili uşaqlara qulluq etmək və kritik anlarda yeni doğulanlara reanimasiya tədbirərin göstərilməsi üçün bütün lazımı avadanlıqla təchiz edilmişdir. Bölmədə olan bütün pasientlər mütləq olaraq yüksək ixtisaslı mütəxəssislərdən (uşaq nevropatoloqu, cərrah, kardioloq, lazım olduqda genetik və endokrinoloq) məsləhətlər alırlar.

Uşaq intensiv terapiya bölməsi müasir avadanlıqla təchiz edilib və qısa bir zamanda xəstənin vəziyyətini müəyyən etmək və lazımi müalicə aparmaq imkanını verir.

Noyabrın 2001-dən Leyla Şıxlinskayanın Klinikasında ekstrakorponal detoksikasiya bölməsi fəaliyyət göstərir.

Klinikada müasir avadanlığın tədbiqi ilə səmərəli müalicə üsullarının keçirilməsi aşağıdakı xəsətliklərin mövcudluğu zamanı tədbiq edilir: hamiləliyin birinci və ikinci yarsının toksikozası, şəkər, intoksikasiya, alkoqol və narkolojı asılılıq, immun pozulmalar, sidik sisteminin və nəfəs yollarının iltihabı və s.

Xarici keçidlər[redaktə | əsas redaktə]