Leyla Əliyeva

Vikipediya, açıq ensiklopediya
Keçid et: naviqasiya, axtar
Leyla Əliyeva
Leyla İlham qızı Əliyeva
Leyla Aliyeva.png
İlk adı: Leyla İlham qızı Əliyeva
Doğum tarixi: 3 iyul 1985 (1985-07-03) (30 yaş)
Doğum yeri: Moskva, Flag of the Soviet Union.svg SSRİ
Atası: İlham Əliyev
Anası: Mehriban Əliyeva
Həyat yoldaşı: Emin Ağalarov (2006-2015)
Uşaqları: Əli Ağalarov (d. 2008)
Mikayıl Ağalarov (d. 2008)
Əminə Əliyeva
Vətəndaşlıq: Flag of Azerbaijan.svg Azərbaycan
Milliyyəti: Azərbaycanlı
İxtisası: Dünya siyasəti üzrə magistr
Təhsili: MDBMİ
Fəaliyyəti: İctimai xadim
Partiyalılığı: Yeni Azərbaycan Partiyası
Mükafatları: Medalları:
Tərəqqi medalı
Ordenləri:

Leyla İlham qızı Əliyeva - 3 iyul 1985-ci ildə Moskva şəhərində anadan olmuşdur. 2007-ci ildən Heydər Əliyev Fondunun Rusiya nümayəndəliyinin rəhbəridir. 2007-ci ildən Baku jurnalının təsisçisi və baş redaktorudur. 2011-ci ildən Heydər Əliyev Fondunun vitse-prezidentidir. Rusiya Azərbaycanlı Gənclər Təşkilatının (AMOR) sədridir.

Həyatı[redaktə | əsas redaktə]

Leyla Əliyeva 3 iyul 1985-ci ildə Moskva şəhərində ziyalı ailəsində anadan olmuşdur. 2000-ci ildə Bakıda 160 saylı tam orta məktəbi bitirib. Həmin il Avropa Biznes Məktəbinə daxil olub. İsveçrə və Böyük Britaniyada təhsil aldıqdan sonra 2006-cı ildən 2008-ci ilə qədər Rusiyada Moskva Dövlət Beynəlxalq Münasibətlər İnstitutunda politologiya fakultəsində dünya siyasəti üzrə magistr pilləsi üzrə təhsil alıb.

2007-ci ildə 10 may tarixində Heydər Əliyev Fondunun Rusiya nümayəndəliyinin rəhbəridir. 2007-ci ilin 19 dekabr tarixində Rusiyada Bakı jurnalı təsis etdi. Leyla Əliyeva həmin jurnalında baş redaktorudur. 2008-ci ilin 8 may tarixində Xocalıya ədalət kampaniyasının təşəbbüskarıdır. 2008-ci ilin may ayından İslam Konfransı Təşkilatı Gənclər Forumunun baş Koordinatoru vəzifəsində çalışır. 2009-cu ilin aprelin 18-də Rusiya Azərbaycanlı Gənclər Təşkilatının (AMOR) sədri vəzifəsinə seçilib.

Vladimir Putin Leyla Əliyevanı Puşkin medalı ilə təltif edir. 20 oktyabr 2015.

2011-ci ildən Heydər Əliyev Fondunun vitse-prezidentidir. 2011-ci ilin iyulunda Azərbaycanla bağlı həqiqətlərin dünya ictimaiyyətinə çatdırılmasında xidmətlərinə görə Azərbaycan Respublikasının Prezidenti İlham Əliyevin sərancamı ilə “Tərəqqi” medalı ilə təltif olunub. 2012-ci ilin sentyabrın 12-də “Həştərxan vilayəti qarşısında xidmətlərinə görə” mükafatı ilə təltif olunub.

2013-cü il aprelin 5-də Ətraf Mühitin Mühafizəsi VII Beynəlxalq Layihə Olimpiadası (İNEPO-Avrasiya) Təşkilat Komitəsinin idarə heyəti tərəfindən “Ekoloji Mühitin Qorunmasına Görə” xüsusi Beynəlxalq Şərəf Mükafatı ilə mükafatlandırılıb. 2013-cü il dekabrın 20-də III dərəcəli Müqəddəs Mələksima “Knyaqina Olqa” ordeni və “Volqoqrad vilayəti qarşısında xidmətlərə görə” medalı ilə təltif olunub.

2015-ci ilin mayında Leyla Əliyeva aclıqla mübarizə, ərzaq təhlükəsizliyinin təmin olunması, kənd təsərrüfatı, meşə və balıqçılıq təsərrüfatının səmərəliliyinin artırılması, sağlam ərzaq sistemlərinin yaradılması kimi məqsədlərə nail olunmasına verdiyi töhfəyə görə BMT-nin Ərzaq və Kənd Təsərrüfatı Təşkilatının Xoşməramlı səfiri adına layiq görülüb. 2015-ci il oktyabrın 20-də Rusiya Federasiyasının “Puşkin” medalı ilə təltif olunub.

Ailəsi[redaktə | əsas redaktə]

Mükafatları[redaktə | əsas redaktə]

  • 4 iyul 2011 — Flag of Azerbaijan.svg Tərəqqi medalı
  • 12 sentyabr 2012 — Flag of Russia.svg Həştərxan vilayətinə xidmətinə görə medalı
  • 20 dekabr 2013 — Flag of Russia.svg III dərəcəli Müqəddəs Mələksima Knyaqina Olqa ordeni
  • 20 dekabr 2013 — Flag of Russia.svg Volqoqrad vilayətinə xidmətinə görə medalı
  • 20 oktyabr 2015 — Flag of Russia.svgAleksandr Puşkin medalı

Həmçinin bax[redaktə | əsas redaktə]

İstinadlar[redaktə | əsas redaktə]

VikiAnbarda Leyla Əliyeva ilə əlaqəli mediafayllar var.