Məzmuna keç

Leyla Əliyeva

Vikipediya, azad ensiklopediya
Vikipediyada bu ad-soyadlı digər şəxslər haqqında da məqalələr var; bax: Leyla Əliyeva (dəqiqləşdirmə).
Leyla Əli ilə səhv salmayın.
Leyla Əliyeva
Leyla Əliyeva 2025-ci ildə
Leyla Əliyeva 2025-ci ildə
Heydər Əliyev Fondunun vitse-prezidenti
Vəzifədədir
2011-ci ildən
PrezidentMehriban Əliyeva
Şəxsi məlumatlar
Doğum tarixi 3 iyul 1985(1985-07-03)[1] (40 yaş)
Doğum yeri
Təhsili Avropa Biznes Məktəbi (ESB)
Moskva Dövlət Beynəlxalq Münasibətlər İnstitutu
Fəaliyyəti jurnalist, yazıçı, siyasətçi, ictimai xadim, redaktor
Atası İlham Əliyev
Anası Mehriban Əliyeva
Həyat yoldaşı Emin Ağalarov (2006–2015)
Uşaqları oğulları: Əli Ağalarov
Mikayıl Ağalarov
qızı: Əminə Əliyeva (övladlıq)
Dini İslam
Təltifləri "Puşkin" medalı — 2015 "Tərəqqi" medalı — 2011 "Volqoqrad vilayəti qarşısında xidmətlərinə görə" medalı — 2013 "Həştərxan vilayəti qarşısında xidmətlərinə görə" ordeninin medalı — 2012
3-cü dərəcəli "Müqəddəs mələksima knyaginya Olqa" ordeni — 2013
leyla-aliyeva.az/en/
Vikianbarın loqosu Vikianbarda əlaqəli mediafayllar

Leyla İlham qızı Əliyeva (3 iyul 1985[1], Moskva) — Azərbaycan ictimai xadimi, şairə, Heydər Əliyev Fondunun Rusiya nümayəndəliyinin rəhbəri (2007-ci ildən), "Baku" jurnalının təsisçisi və baş redaktoru (2007-ci ildən), Heydər Əliyev Fondunun vitse-prezidenti (2011-ci ildən), İslam Əməkdaşlıq Təşkilatı Gənclər forumunun mədəniyyətlərarası dialoqunun baş koordinatoru, Rusiyadakı Azərbaycanlı Gənclər Təşkilatının (AMOR) sədri, Bakı Beynəlxalq Multikulturalizm Mərkəzinin Himayəçilik Şurası üzvü, Ətraf mühitin mühafizəsi naminə beynəlxalq dialoq ictimai birliyinin (IDEA) təsisçisi və sədridir. Azərbaycan Prezidenti İlham Əliyev və Birinci vitse-prezident Mehriban Əliyevanın böyük qızıdır.

Həyatı

[redaktə | vikimətni redaktə et]

Leyla İlham qızı Əliyeva 3 iyul 1985-ci ildə Moskva şəhərində İlham Əliyevin və Mehriban Əliyevanın ailəsində anadan olmuşdur.[2] 1989–2000-ci illərdə Bakı şəhərinin 160 saylı tam orta məktəbində orta təhsil alıb. Orta məktəbi bitirdikdən sonra isə həmin il Avropa Biznes Məktəbinə (ESB) daxil olub. Kiçik bacısı Arzu Əliyeva ilə birlikdə İsveçrə və Böyük Britaniyada təhsil aldıqdan sonra 2006–2008-ci illərdə Rusiyada Moskva Dövlət Beynəlxalq Münasibətlər İnstitutunda politologiya fakültəsində dünya siyasəti üzrə magistr təhsili alıb.

30 aprel 2006-cı ildə Crocus Group kampaniyasının vitse-prezidenti və musiqiçi Emin Ağalarov ilə ailə həyatı qurub. Toydan sonra cütlük Moskva şəhərinə köçüb və Leyla Əliyeva orada ictimai fəaliyyət ilə məşğul olmaqa başlayıb. 10 may 2007-ci ildən Heydər Əliyev Fondunun Rusiya nümayəndəliyinin rəhbəridir. 19 dekabr 2007-ci ildə Rusiyada Baku jurnalını təsis edir və həmin jurnalında baş redaktoru olur. 8 may 2008-ci ildə Xocalıya ədalət kampaniyasını başlayır. 2008-ci ilin may ayından İslam Əməkdaşlıq Təşkilatı Gənclər forumunun mədəniyyətlərarası dialoqunun baş koordinatoru vəzifəsində çalışır.

Vladimir Putin Leyla Əliyevanı Puşkin medalı ilə təltif edir. 20 oktyabr 2015.

2015-ci ilin may ayında Leyla Əliyeva aclıqla mübarizə, ərzaq təhlükəsizliyinin təmin olunması, kənd təsərrüfatı, meşə və balıqçılıq təsərrüfatının səmərəliyinin artırılması, sağlam ərzaq sistemlərinin yaradılması kimi məqsədlərə nail olunmasında verdiyi töhfəyə görə BMT-nin Ərzaq və Kənd Təsərrüfatı Təşkilatının Xoşməramlı səfiri adına layiq görülüb. 30 may 2015-ci ildə Leyla Əliyeva və Emin Ağalarov boşandıqlarını elan ediblər.

Ailəsi

[redaktə | vikimətni redaktə et]

Təhsili

[redaktə | vikimətni redaktə et]

1989–2000-ci illərdə Bakı şəhərinin 160 saylı tam orta məktəbində orta təhsil alıb. Orta məktəbi bitirdikdən sonra isə həmin il Avropa Biznes Məktəbinə (ESB) daxil olub. O, İsveçrə və Böyük Britaniyada təhsil aldıqdan sonra 2006–2008-ci illərdə Rusiyada Moskva Dövlət Beynəlxalq Münasibətlər İnstitutunda politologiya fakültəsində dünya siyasəti üzrə magistr təhsili alıb[3]

Fəaliyyəti

[redaktə | vikimətni redaktə et]

Fəaliyyət göstərdiyi sahələr və hərəkatlar

[redaktə | vikimətni redaktə et]

Heydər Əliyev Fondu

[redaktə | vikimətni redaktə et]
Mərkəzi Neftçilər Xəstəxanasında Cərrahiyyə və Orqan Transplantologiya Mərkəzi əsaslı təmirdən və texniki təchizatdan sonar açılışı

Leyla Əliyeva 2011-ci ildən Heydər Əliyev Fondunun vitse-prezidentidir. Azərbaycanın birinci xanımı, Heydər Əliyev Fondunun prezidenti, UNESCO-nun və İSESCO-nun xoşməramlı səfiri, millət vəkili Mehriban Əliyeva və Fondun vitse-prezidenti Leyla Əliyeva xeyriyyəçilik, təhsil, səhiyyə və digər məsələlərlə bağlı humanitar addımların təşəbbüskarlarıdır. Heydər Əliyev Fondu təhsil sahəsində məktəblərin, uşaq bağçalarının və uşaq evlərinin inşa edilməsi və yenidən qurulması, orta və ali məktəblərin dərsliklərlə təmin olunması, internat məktəblərində xeyriyyə tədbirlərinin həyata keçirilməsi, səhiyyə sahəsində yeni sağlamlıq müəssisələrinin inşası və yenidən qurulması, müalicə-diaqnostika, reabilitasiya mərkəzlərinin yaradılması, diabetli, talassemiyalı xəstələrə qayğı və onların müalicəsinin təşkil edilməsi, qanvermə aksiyalarının keçirilməsi, mədəniyyət sahəsində uşaq musiqi məktəblərinin inşası, bağçaların təmiri kimi layihələrə imza atıb.[4]

"Xocalıya ədalət!" beynəlxalq təbliğat-təşviqat kampaniyası

[redaktə | vikimətni redaktə et]

Leyla Əliyevanın təşəbbüsü ilə 2008-ci ildən başlayan "Xocalıya ədalət" beynəlxalq təbliğat-təşviqat kampaniyası çərçivəsində hər il silsilə tədbirlər reallaşdırılır[5]. "Xocalıya ədalət!" kampaniyasının məqsədi qətliam haqqında həqiqətlərin dünyaya yayılmasına, faciənin Azərbaycan xalqına qarşı soyqırım kimi tanınmasına nail olmaqdır.

İslam Konfransı Təşkilatının gənclər forumu ilə birgə "Xocalıya ədalət!" Beynəlxalq kampaniyasına start verilməsi də Fondun Moskva filialının fəaliyyəti ilə bağlıdır[6]. Tunisdə İSESCO-nun Baş Assambleyasının 10-cu sessiyasında imzalanmış protokol "Xocalıya ədalət!" Beynəlxalq Məlumat Təşviqat kampaniyasına dəstək verilməsi və dünya miqyasında təhsil, elm və mədəniyyət sahələrində birgə tədbirlərin həyata keçirilməsini nəzərdə tutur[7]. Aksiyanın əsas məqsədi beynəlxalq birliyi Xocalı faciəsi haqda ədalətli məlumatlandırmaqdır.

Rusiya Azərbaycanlı Gənclər Təşkilatı (RAGT)

[redaktə | vikimətni redaktə et]

18 aprel 2009-cu ildə Leyla Əliyeva Rusiyadakı Azərbaycanlı Gənclər Təşkilatının (RAGT) sədri vəzifəsinə seçilib.

Ətraf mühitin mühafizəsi naminə beynəlxalq dialoq ictimai birliyi (IDEA)

[redaktə | vikimətni redaktə et]

Leyla Əliyeva 12 iyul 2011-ci ildə Azərbaycanda və dünyada ekoloji məsələlər ilə bağlı ictimai maarifləndirmə işinin gücləndirilməsi ilə əlaqədar IDEA (Ətraf mühitin mühafizəsi naminə beynəlxalq dialoq) kampaniyasının əsasını qoyub. IDEA planetanın üzləşdiyi ekoloji problemlərin həllində gənclərin aktiv iştirakını təmin etməyi hədəfləyib.[8]

Bu kampaniya çərçivəsində onlarla müxtəlif layihələr həyata keçirilib. O cümlədən, Leyla Əliyevanın təşəbbüsü ilə Maltada "Yer kürəsi uşaqların gözü ilə" sərgisi açılıb[9], Bakıda Dənizkənarı Milli Parkda "Məhəbbət ağacı" layihəsi reallaşdırılıb[10], "IDEA üçün ideyalar" layihə müsabiqəsi[11], Bakıda beynəlxalq foto müsabiqəsi keçirilib. Bundan başqa, IDEA tərəfindən tələbələr arasında ən yaxşı inşa müsabiqəsinin qalibləri mükafatlandırılıb, IDEA-nın təşəbbüsü ilə "Yer Kürəsi Günü"-də müxtəlif layihələrə imza atılıb[12]. IDEA İctimai Birliyinin "Yer saatı" aksiyası da böyük maraqla qarşılanıb[13]. Həmçinin, Heydər Əliyev Fondu və İDEA İctimai Birliyi ilə birlikdə "Ağacların kəsilməsinə yox" proqramı həyata keçirilib[14].

7 may 2014-cü ildə Bakıda IDEA İctimai Birliyi tərəfindən Qafqaz Biomüxtəlifliyi Sammiti (bəbir və digər pişikkimilərin mühafizəsi) təşkil olunub[15]. IDEA "Panthera" təşkilatı ilə birgə Qafqaz bəbirinin qorunması istiqamətində yeni layihəyə başlayıb[16]. Heydər Əliyev Mərkəzində "Afrikanın vəhşi təbiəti" mövzusunda sərgi açılmışdır[17].

Mədəniyyətlər arası dialoq

[redaktə | vikimətni redaktə et]
Heydər Əliyev Fondu ilə BMT-nin İnkişaf Proqramı arasında memorandum imzalanması mərasimi

Bakıdakı Müqəddəs Məryəm kilsəsinin yenidən qurulması, Strasburq kafedral kilsəsinin, Luvr muzeyinin, Versal sarayının təmiri bu qəbildən olan işlərdir.

2012-ci ilin noyabrında Londonda Leyla Əliyevanın təşəbbüsü ilə keçirilən "Avropa multikulturalizminin perspektivləri: Dinlərarası dialoq və dini tolerantlığın Azərbaycan modeli" mövzusunda konfrans keçirilmişdir.[18].

Yaradıcılığı

[redaktə | vikimətni redaktə et]

Leyla Əliyeva fəal sosial və ictimai fəaliyyəti ilə yanaşı, yaradıcılıq sahəsində də dünyada tanınıb. O, aktiv bədii fəaliyyətlə bərabər, həm də dünyanın tanınmış tənqidçiləri tərəfindən yüksək qiymətləndirilənən şəkillər yaradıb. Leyla Əliyeva artıq Paris, Berlin, London, Moskva şəhərlərində əsərlərini nümayiş etdirib[19].

Leyla Əliyeva rəssamlıq, rejissorluq kimi sahələrlə yanaşı şeirlərdə yazır. Leyla Əliyevanın öz babası Heydər Əliyevə həsr etdiyi Elegiya şeiri orta məktəblərin 5-ci sinif ədəbiyyat dərsliklərinə salınmışdır.

Leyla Əliyevanın "Sanki bir alovsan" şeirlər toplusu Türkiyənin nüfuzlu "BENGÜ" yayınları brendi ilə oxuculara təqdim olunan "Azərbaycan ədəbiyyatı"nın seçilən nəşrləri sırasına daxildir. Onun "Dünya yuxutək əriyir…" şeirlər kitabı Bakıda Azərbaycan dilində, Tehranda farsca, Londonda ingiliscə, "Ulduzlar göylərdə düzülsəydi sırayla" kitabı Moskvada rusca, Minskdə Belarus dilində nəşr olunub.[20]

Özbəkistandakı Heydər Əliyev adına Azərbaycan Mədəniyyət Mərkəzinin layihəsi ilə Heydər Əliyev Fondunun vitse-prezidenti, şairə Leyla Əliyevanın "Dünya yuxutək əriyir…" şeirlər kitabı Özbək dilinə tərcümə olunaraq Daşkənddə çap olunub. "Dünya yuxutək əriyir…" şeirlər kitabının tərtibçisi — ön sözün müəllifi Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasovdur. Kitabda "ön söz"də vurğulanır ki, şairə Leyla Əliyeva öz əsərlərində yaşadığı mühitdə baş verən hadisələri, yaşanan ağrıları, həyatın işığını və qaranlığını, xeyirini və şərini, sevincini və kədərini, yaxşılığı və pisliyi səmimi poeziyanın dili ilə oxucuya çatdırır. Nəşrdə şairə Leyla Əliyevanın Özbək dilinə tərcümə olunmuş "Mənə güc ver Allahım", "Elegiya", "Tək deyilsən", "Sevgi və nifrət", "Kor olmuşam", "Şeirim" "İnsanlar", "Getmə", "Bakı" və s. çoxsaylı şeirləri ilk dəfə olaraq Özbəkistan oxucularına öz ana dillərində təqdim olunur[21][22].

Əsərləri

[redaktə | vikimətni redaktə et]
  • Leyla Əliyeva (Bakı, 2014) "Xocalıya Ədalət!": Beynəlxalq erməni terroruna qarşı yeni strateji model: üç cilddə /V. Səmədov, R. Vəlizadə; Azərb. MEA, İnsan Hüquqları İn-tu; "Xocalıya Ədalət!" Beynəlxalq Təbliğat və Məlumatlandırma Kampaniyası; "Kaspian İzvestiya" Beynəlxalq İnformasiya Agentliyi, I cild, 341 s.[23]
  • Leyla Əliyeva (Bakı, 2014) "Xocalıya Ədalət!": Beynəlxalq erməni terroruna qarşı yeni strateji model: üç cilddə /V. Səmədov, R. Vəlizadə; Azərb. MEA, İnsan Hüquqları İn-tu; "Xocalıya Ədalət!" Beynəlxalq Təbliğat və Məlumatlandırma Kampaniyası; "Kaspian İzvestiya" Beynəlxalq İnformasiya Agentliyi, II cild, 373 s.[24]
  • Leyla Əliyeva (Bakı, 2014) "Xocalıya Ədalət!": Beynəlxalq erməni terroruna qarşı yeni strateji model: üç cilddə /V. Səmədov, R. Vəlizadə; Azərb. MEA, İnsan Hüquqları İn-tu; "Xocalıya Ədalət!" Beynəlxalq Təbliğat və Məlumatlandırma Kampaniyası; "Kaspian İzvestiya" Beynəlxalq İnformasiya Agentliyi, III cild, 476 s.[25]
  • Leyla Əliyeva (Moskva, 2016) "Ulduzlar pillə-pillə düzülsəydi səmaya"/ АСТ, 160 s.[26]
  • Leyla Əliyeva (Bakı, 2016) "Dünya yuxutək əriyir"/ Azərbaycan Respublikası Nazirlər Kabineti yanında Tərcümə Mərkəzi, 160 s.[27]
  • Leyla Əliyeva (London, 2016) "Dünya yuxutək əriyir"/ Hertfordshire Press LTD, 160 s.[28]
  • Leyla Əliyeva (Minsk, 2016) "Yarpaq"/ Azərbaycan Respublikası Nazirlər Kabineti yanında Tərcümə Mərkəzi, Zvezda[29]
  • Leyla Əliyeva (Moskva, 2016–2017) "366 gün sevgi. Qış. Yaz. Yay. Payız"/ UP Print[30]
  • Leyla Əliyeva (Moskva, 2017) "ArtNote. Leyla Aliyeva"/ Repablika, 144 s.[31]
  • Leyla Əliyeva (Moskva, 2018) "Sağ ol" / Repablika, 171 s.[32][33]
  • Leyla Əliyeva (Moskva, 2018) "Sükut"/ Repablika, 172 s.[34]
  • Leyla Əliyeva (Daşkənd, 2018) "Dünya yuxutək əriyir"/ Kamalak, 160 s.[21][22]
  • Leyla Əliyeva (Tehran, 2018) "Dünya yuxutək əriyir"/ Nevis, 160 s.[35]
  • Leyla Əliyeva (Moskva, 2019) "Mən elə sənəm"/ Repablika, 216 s.[36]
  • Leyla Əliyeva (Ankara, 2019) "Sanki bir alovsan"/ Avrasiya Yazıçılar Birliyi, "BENGU"[37]
  • Leyla Əliyeva (2024) "Seçilmişlər".[38]

Mükafatları

[redaktə | vikimətni redaktə et]
  • 5 iyul 2011 — Azərbaycan Tərəqqi medalı[39]
  • noyabr 2011 — ABŞNyu-Yorkda humanitar aksiyalarda fəal iştirakına görə, "Key to life" fəxri mükafatına layiq görülüb[40]
  • 22 noyabr 2011 — BMT-nin sertifikat və xüsusi vəsiqəsini alıb
  • 12 sentyabr 2012 — Rusiya Həştərxan vilayətinə xidmətinə görə medalı
  • 5 aprel 2013 — Ətraf Mühitin Mühafizəsi VII Beynəlxalq Layihə Olimpiadası (İNEPO-Avrasiya) Təşkilat Komitəsinin idarə heyəti tərəfindən "Ekoloji Mühitin Qorunmasına Görə" xüsusi Beynəlxalq Şərəf Mükafatı ilə mükafatlandırılıb[41]
  • 20 dekabr 2013 — Rusiya III dərəcəli Müqəddəs Mələksima Knyaqina Olqa ordeni
  • 20 dekabr 2013 — Rusiya Volqoqrad vilayətinə xidmətinə görə medalı
  • 20 oktyabr 2015 — RusiyaAleksandr Puşkin medalı
  • 28 sentyabr 2016 — RusiyaMoskva Dövlət Beynəlxalq Münasibətlər İnstitutunun Elmi Şurasının qərarı ilə bu ali məktəbin "Xidmətlərə görə" medalına layiq görülüb[42]

Qalereya

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ 1 2 https://leyla-aliyeva.az/post/1.
  2. ↑ "Leyla Əliyevanın rəsmi saytı". 23 noyabr 2013 tarixində arxivləşdirilib. İstifadə tarixi: 3 iyul 2025.
  3. ↑ "Bu gün Leyla Əliyevanın ad günüdür". https://web.archive.org/save/https://rublika.az/index.php?newsid=36927&__cf_chl_jschl_tk__=f4a2e9da91a7ce3afeefdb43b22e0ed071aaef7a-1588226913-0-ATjnnYVcDEPifyxABiHu_yT2ih_lpSk2OW1FcZYcomG0T9-SG6VzrDclW3CekknPgG1zivLOQikszxOaRa4o4ObxB8acWGt15aR3gyogB7wBVcRTbmLJmdR_eWuKwZYjxkayptXiPfS1-q7DdAFBwtm0dH5MpxKdJtaXTVBfaUCHIEjX5VTn-yErvF_feLTdhmmTzlbbDBSh6KJM8gwtBEkQy-D0jM8qmE9P2d9icKJjz9CoZp5p2phhln36ukfEKE2X02lhFuS-Pz5xrgysTudP8uFHZAIttaJMfqSeRjDpOT4FmfKkxPzqbxdj9kzlfA (az.). rublika.az. İstifadə tarixi: 1 may 2020.
  4. ↑ Yeni Azərbaycan. "Leyla Əliyeva: "Əgər fayda verə biləcək bir iş görməyə imkan varsa, mən həmin imkandan məmnuniyyətlə istifadə edirəm"". https://web.archive.org/save/http://mehribanaliyeva.preslib.az/media-3d7eb4d2ab.html (az.). mehribanaliyeva.preslib.az. 9 aprel 2022 tarixində arxivləşdirilib. İstifadə tarixi: 1 may 2020.
  5. ↑ "İlham Əliyev Xocalı soyqırımının 27-ci ildönümü ilə əlaqədar Bakıda ümumxalq yürüşündə iştirak edib". https://web.archive.org/save/https://president.az/articles/32057 (az.). president.az. 28 noyabr 2021 tarixində arxivləşdirilib. İstifadə tarixi: 1 may 2020.
  6. ↑ İlham MƏMMƏDZADƏ. "Ermənistan insanlığa qarşı cinayətlər törətmiş təcavüzkar dövlətdir 26 Fevral Xocalı Soyqırımı Günüdür". https://web.archive.org/save/http://www.elibrary.az/docs/qazet/qzt2017_666.htm (az.). elibrary.az. 21 mart 2022 tarixində arxivləşdirilib. İstifadə tarixi: 1 may 2020.
  7. ↑ Ramiz YUSİFOV. "http://www.respublica-news.az/index.php/dig-r-x-b-rl-r/dig-r-x-b-rl-r/item/25043-khodzal-ya-aedalaet-kampaniyas-aesl-vaetaenpaervaerlik-numunaesidir". https://web.archive.org/save/%20http://www.respublica-news.az/index.php/dig-r-x-b-rl-r/dig-r-x-b-rl-r/item/25043-khodzal-ya-aedalaet-kampaniyas-aesl-vaetaenpaervaerlik-numunaesidir (az.). respublica-news.az. 7 may 2020 tarixində orijinalından arxivləşdirilib. İstifadə tarixi: 1 may 2020.
  8. ↑ International Dialogue for Environmental Action. "About IDEA". https://web.archive.org/save/http://ideacampaign.org/what_is_the_big_idea.html (ingilis). ideacampaign.org. 12 may 2020 tarixində orijinalından arxivləşdirilib. İstifadə tarixi: 1 may 2020.
  9. ↑ "По инициативе Лейлы Алиевой в Мальте открылась выставка «Земля глазами детей»". https://web.archive.org/save/https://1news.az/news/po-iniciative-leyly-alievoy-v-mal-te-otkrylas-vystavka-zemlya-glazami-detey---foto (rus). 1news.az. 24 sentyabr 2020 tarixində arxivləşdirilib. İstifadə tarixi: 1 may 2020.
  10. ↑ "Dənizkənarı Milli Parkda "Məhəbbət ağacı" layihəsinin təqdimatı olmuşdur". https://web.archive.org/save/https://azertag.az/xeber/Denizkenari_Milli_Parkda_Mehebbet_agaci_layihesinin_teqdimati_olmusdur_Merasimde_Heyder_Aliyev_Fondunun_vitse_prezidenti_IDEA_nin_tesischisi_Baku_jurnalinin_bas_redaktoru_Leyla_Aliyeva_istirak_etmisdir-53968 (az.). azertag.az. 21 mart 2022 tarixində arxivləşdirilib. İstifadə tarixi: 1 may 2020.
  11. ↑ ""IDEA üçün ideyalar" layihə müsabiqəsi keçirilib". https://web.archive.org/save/https://az.trend.az/azerbaijan/society/2120517.html (az.). trend.az. 21 mart 2022 tarixində arxivləşdirilib. İstifadə tarixi: 1 may 2020.
  12. ↑ "IDEA kampaniyası beynəlxalq "Yer Kürəsi Günü" ilə bağlı aksiya keçirib". https://web.archive.org/save/https://az.trend.az/azerbaijan/society/2142187.html (az.). trend.az. 21 mart 2022 tarixində arxivləşdirilib. İstifadə tarixi: 1 may 2020.
  13. ↑ "IDEA İctimai Birliyi "Yer saatı" kampaniyasının Azərbaycan üzrə rəsmi ölkə koordinatoru statusunu alıb". https://web.archive.org/save/https://azertag.az/xeber/IDEA_Ictimai_Birliyi_Yer_saati_kampaniyasinin_Azerbaycan_uzre_resmi_olke_koordinatoru_statusunu_alib-813659 (az.). azertag.az. 31 mart 2022 tarixində arxivləşdirilib. İstifadə tarixi: 1 may 2020.
  14. ↑ International Dialogue for Environmental Action. ""Ağacların kəsilməsinə yox!" proqramı çərçivəsində üç illik HESABAT" (PDF). https://web.archive.org/save/http://ideacampaign.org/Hesabat%201113%20(3%20illik,%202017).pdf (az.). ideacampaign.org. 24 iyun 2022 tarixində arxivləşdirilib (PDF). İstifadə tarixi: 1 may 2020.
  15. ↑ International Dialogue for Environmental Action. "Qafqaz Biomüxtəlifliyi Sammiti". https://web.archive.org/save/http://ideacampaign.org/az/qafqaz_biom%C3%BCxt%C9%99lifliyi_sammiti_.html#.Xro35WgzaM8 (ingilis). ideacampaign.org. 12 may 2020 tarixində orijinalından arxivləşdirilib. İstifadə tarixi: 1 may 2020.
  16. ↑ "IDEA Qafqaz bəbirinin qorunması istiqamətində yeni layihəyə başlayıb". 25 sentyabr 2020 tarixində arxivləşdirilib. İstifadə tarixi: 12 may 2020.
  17. ↑ "Heydər Əliyev Mərkəzində "Afrikanın vəhşi təbiəti" mövzusunda sərgi açılıb". 21 mart 2022 tarixində arxivləşdirilib. İstifadə tarixi: 12 may 2020.
  18. ↑ "Yüksək sosial rifaha və mədəni-mənəvi tərəqqiyə xidmət edən nəcib missiya". 20 sentyabr 2020 tarixində arxivləşdirilib. İstifadə tarixi: 12 may 2020.
  19. ↑ "Leyla Əliyevanın rəsmləri nümayiş etdirilir". https://web.archive.org/save/https://azvision.az/news/146986/leyla-eliyevanin-resmleri-numayis-etdirilir-fotolar.html/ (az.). azvision.az. 12 may 2020 tarixində orijinalından arxivləşdirilib. İstifadə tarixi: 1 may 2020.
  20. ↑ "Ankarada Leyla Əliyevanın kitabı dərc olunub". 17 yanvar 2021 tarixində arxivləşdirilib. İstifadə tarixi: 12 may 2020.
  21. ↑ 1 2 "Özbəkistanda Leyla Əliyevanın "Dünya yuxutək əriyir…" şeirlər toplusu özbək dilində çap olundu". 21 sentyabr 2020 tarixində arxivləşdirilib. İstifadə tarixi: 12 may 2020.
  22. ↑ 1 2 "Leyla Əliyevanın "Dünya yuxutək əriyir…" şeirlər toplusu özbək dilində". 14 iyul 2022 tarixində arxivləşdirilib. İstifadə tarixi: 12 may 2020.
  23. ↑ Leyla Əliyeva. ""Xocalıya Ədalət!": Beynəlxalq erməni terroruna qarşı yeni strateji model, I cild" (PDF). https://web.archive.org/save/http://anl.az/el/Kitab/2014/2014-80.pdf (az.). anl.az. 31 mart 2022 tarixində arxivləşdirilib (PDF). İstifadə tarixi: 1 may 2020.
  24. ↑ Leyla Əliyeva. ""Xocalıya Ədalət!": Beynəlxalq erməni terroruna qarşı yeni strateji model, II cild" (PDF). https://web.archive.org/save/http://anl.az/el/Kitab/2014/2014-81.pdf (az.). anl.az. 3 mart 2022 tarixində arxivləşdirilib (PDF). İstifadə tarixi: 1 may 2020.
  25. ↑ ""Xocalıya Ədalət!": Beynəlxalq erməni terroruna qarşı yeni strateji model, III cild" (PDF). 11 iyul 2022 tarixində arxivləşdirilib (PDF). İstifadə tarixi: 12 may 2020.
  26. ↑ "Лейла Алиева ЕСЛИ Б ЗВЕЗДЫ СТУПЕНЬКАМИ СТАЛИ. Стихи. Издательство АСТ Москва". 1 may 2019 tarixində arxivləşdirilib. İstifadə tarixi: 12 may 2020.
  27. ↑ "Leyla Əliyevanın "Dünya yuxutək əriyir…" şeirlər kitabı nəşr olunub". 21 mart 2022 tarixində arxivləşdirilib. İstifadə tarixi: 12 may 2020.
  28. ↑ ""Dünya yuxutək əriyir…"". 22 iyul 2022 tarixində arxivləşdirilib. İstifadə tarixi: 12 may 2020.
  29. ↑ "Minskdə Leyla Əliyevanın Belarus dilində şeirlər kitabının təqdimatı olub". https://web.archive.org/save/https://salamnews.org/az/news/read/225260 (az.). salamnews.org. 9 aprel 2022 tarixində arxivləşdirilib. İstifadə tarixi: 1 may 2020.
  30. ↑ "Leyla Əliyeva kitab yazdı". https://web.archive.org/save/http://istipress.com/sosial/14-02-2018/leyla-eliyeva-kitab-yazdi (az.). istipress.com. 9 aprel 2022 tarixində arxivləşdirilib. İstifadə tarixi: 1 may 2020.
  31. ↑ "ARTNOTE. LEYLA ALIYEVA". 16 oktyabr 2021 tarixində arxivləşdirilib. İstifadə tarixi: 12 may 2020.
  32. ↑ "СПАСИБО. СТИХИ. АЛИЕВА Л. И." 21 mart 2022 tarixində arxivləşdirilib. İstifadə tarixi: 12 may 2020.
  33. ↑ "Bakı Kitab Mərkəzində Nəsimiyə həsr olunmuş axşam və Leyla Əliyevanın kitablarının təqdimatı keçirilib". 21 fevral 2020 tarixində orijinalından arxivləşdirilib. İstifadə tarixi: 12 may 2020.
  34. ↑ "МОЛЧАНИЕ. СТИХИ. АЛИЕВА Л. И." 21 mart 2022 tarixində arxivləşdirilib. İstifadə tarixi: 12 may 2020.
  35. ↑ "В Тегеране издан диван Лейлы Алиевой "Dünya yuxutək əriyir..."". https://web.archive.org/save/https://report.az/ru/literatura/v-tegerane-izdan-divan-lejly-alievoj-dunya-yuxutek-eriyir/ (rus). report.az. 21 mart 2022 tarixində arxivləşdirilib. İstifadə tarixi: 1 may 2020.
  36. ↑ "Я ЕСТЬ ТЫ. СТИХИ. АЛИЕВА". 21 mart 2022 tarixində arxivləşdirilib. İstifadə tarixi: 12 may 2020.
  37. ↑ "В Анкаре издан сборник стихов вице-президента Фонда Гейдара Алиева Лейлы Алиевой". 12 may 2022 tarixində arxivləşdirilib. İstifadə tarixi: 12 may 2020.
  38. ↑ "Leyla Əliyevanın "Seçilmişlər" kitabı nəşr olunub". Report İnformasiya Agentliyi (az.). 3 iyun 2024. 3 iyun 2024 tarixində arxivləşdirilib. İstifadə tarixi: 3 iyun 2024.
  39. ↑ ""Xocalıya ədalət!" kampaniyası əsl vətənpərvərlik nümunəsidir". 7 may 2020 tarixində orijinalından arxivləşdirilib. İstifadə tarixi: 12 may 2020.
  40. ↑ "Leyla Əliyeva — Heydər Əliyev Fondunun vitse-prezidenti, Rusiya Azərbaycanlı Gənclər Təşkilatının sədri". 16 mart 2020 tarixində arxivləşdirilib. İstifadə tarixi: 12 may 2020.
  41. ↑ "Leyla Əliyeva – Heydər Əliyev Fondunun vitse-prezidenti, Rusiya Azərbaycanlı Gənclər Təşkilatının sədri". 19 mart 2017 tarixində orijinalından arxivləşdirilib. İstifadə tarixi: 12 may 2020.
  42. ↑ "Лейле Алиевой вручен диплом почетного профессора Московского государственного гуманитарно-экономического университета". 23 iyul 2021 tarixində arxivləşdirilib. İstifadə tarixi: 12 may 2020.

Həmçinin bax

[redaktə | vikimətni redaktə et]

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Leyla_Əliyeva&oldid=8269046"