Leyla Əliyeva

Vikipediya, açıq ensiklopediya
Keçid et: naviqasiya, axtar
Leyla Əliyeva
Leyla İlham qızı Əliyeva
Leyla Aliyeva.png
Leyla Əliyeva
İlk adı: Leyla İlham qızı Əliyeva
Doğum tarixi: 3 iyul 1984 (1984-07-03) (32 yaş)
Doğum yeri: Moskva, Flag of the Soviet Union.svg SSRİ
Atası: İlham Əliyev
Anası: Mehriban Əliyeva
Həyat yoldaşı: Emin Ağalarov (2006-2015)
Uşaqları: oğulları: Əli Ağalarov
Mikayıl Ağalarov
qızı: Əminə Əliyeva (götürülmə)
Vətəndaşlıq: Flag of the Soviet Union.svg SSRİ (1985-1991)
Flag of Azerbaijan.svg Azərbaycan (1991-h.h.)
Peşəsi: Siyasətçi
Milliyyəti: Azərbaycanlı
İxtisası: Dünya siyasəti üzrə magistr
Təhsili: Avropa Biznes Məktəbi (ESB)
Moskva Dövlət Beynəlxalq Münasibətlər İnstitutu
Fəaliyyəti: İctimai xadim
Partiyalılığı: Yeni Azərbaycan Partiyası Yeni Azərbaycan Partiyası
Mükafatları: "Tərəqqi" medalı "Həştərxan vilayətinə xidmətə görə" medalı "Volqoqrad vilayətinə xidmətə görə" medalı "Puşkin" medalı
www.leyla-aliyeva.az

Leyla İlham qızı Əliyeva (3 iyul 1984, Moskva şəhəri, SSRİ) — Azərbaycanlı ictimai xadim, 2007-ci ildən Heydər Əliyev Fondunun Rusiya nümayəndəliyinin rəhbəri, 2007-ci ildən Baku jurnalının təsisçisi və baş redaktoru, 2011-ci ildən Heydər Əliyev Fondunun vitse-prezidenti, İslam Əməkdaşlıq Təşkilatı Gənclər forumunun mədəniyyətlərarası dialoqunun baş koordinatoru, Rusiyadakı Azərbaycanlı Gənclər Təşkilatının (AMOR) sədri, Ətraf mühitin mühafizəsi naminə beynəlxalq dialoq ictimai birliyinin (IDEA) təsisçisi və sədridir. Azərbaycan Respublikasının Prezidenti İlham Əliyevin böyük qızı.

Həyatı[redaktə | əsas redaktə]

Leyla Əliyeva 3 iyul 1984-cü ildə Moskva şəhərində İlham Əliyevin və Mehriban Əliyevanın ailəsində anadan olmuşdur. 1989-2000-ci illərdə Bakı şəhərinin 160 saylı tam orta məktəbində orta təhsil alıb. Orta məktəbi bitirdikdən sonra isə həmin il Avropa Biznes Məktəbinə (ESB) daxil olub. Kiçik bacısı Arzu Əliyeva ilə birlikdə İsveçrəBöyük Britaniyada təhsil aldıqdan sonra 2006-2008-ci illərdə Rusiyada Moskva Dövlət Beynəlxalq Münasibətlər İnstitutunda politologiya fakültəsində dünya siyasəti üzrə magistr təhsili alıb.

30 aprel 2006-cı ildə Crocus Group kampaniyasının vitse-prezidenti və musiqiçi Emin Ağalarov ilə ailə həyatı qurub. Toydan sonra cütlük Moskva şəhərinə köçüb və Leyla Əliyeva orada ictimai fəaliyyət ilə məşğul olmaqa başlayıb. 10 may 2007-ci ildən Heydər Əliyev Fondunun Rusiya nümayəndəliyinin rəhbəridir. 19 dekabr 2007-ci ildə Rusiyada Baku jurnalını təsis edir və həmin jurnalında baş redaktoru olur. 8 may 2008-ci ildə Xocalıya ədalət kampaniyasını başladır. 2008-ci ilin may ayından İslam Əməkdaşlıq Təşkilatı Gənclər forumunun mədəniyyətlərarası dialoqunun baş koordinatoru vəzifəsində çalışır. 18 aprel 2009-cu ildə Rusiyadakı Azərbaycanlı Gənclər Təşkilatının (AMOR) sədri vəzifəsinə seçilib.

Vladimir Putin Leyla Əliyevanı Puşkin medalı ilə təltif edir. 20 oktyabr 2015.

2011-ci ildən Heydər Əliyev Fondunun vitse-prezidentidir. 2011-ci ilin iyul ayında Azərbaycanla bağlı həqiqətlərin dünya ictimaiyyətinə çatdırılmasında xidmətlərinə görə Azərbaycan Respublikasının Prezidenti İlham Əliyevin sərancamı ilə “Tərəqqi” medalı ilə təltif olunub. 12 sentyabr 2012-ci ildə “Həştərxan vilayəti qarşısında xidmətlərinə görə” medalı ilə təltif olunub.

5 aprel 2013-cü ildə Ətraf Mühitin Mühafizəsi VII Beynəlxalq Layihə Olimpiadası (İNEPO-Avrasiya) Təşkilat Komitəsinin idarə heyəti tərəfindən “Ekoloji mühitin qorunmasına görə” xüsusi beynəlxalq şərəf mükafatı ilə mükafatlandırılıb. 1 oktyabr 2013-cü ildə 3-cü dərəcəli "Müqəddəs mələksima knyaqina Olqa” ordeni ilə 20 dekabr 2013-cü ildə isə “Volqoqrad vilayəti qarşısında xidmətlərə görə” medalı ilə təltif olunub.

2015-ci ilin may ayında Leyla Əliyeva aclıqla mübarizə, ərzaq təhlükəsizliyinin təmin olunması, kənd təsərrüfatı, meşə və balıqçılıq təsərrüfatının səmərəliyinin artırılması, sağlam ərzaq sistemlərinin yaradılması kimi məqsədlərə nail olunmasında verdiyi töhfəyə görə BMT-nin Ərzaq və Kənd Təsərrüfatı Təşkilatının Xoşməramlı səfiri adına layiq görülüb. 30 may 2015-ci ildə Leyla Əliyeva və Emin Ağalarov boşandıqlarını elan ediblər. 20 oktyabr 2015-ci ildə “Puşkin” medalı ilə təltif olunub.

Ailəsi[redaktə | əsas redaktə]

Yaradıcılıqı[redaktə | əsas redaktə]

Leyla Əliyeva rəssamlıq, rejissorluq kimi sahələrlə yanaşı şeirlərdə yazır. Leyla Əliyevanın öz babası Heydər Əliyevə həsr etdiyi Elegiya şeiri orta məktəblərin 5-ci sinif ədəbiyyat dərsliklərinə salınmışdır.

Mükafatları[redaktə | əsas redaktə]

  • 4 iyul 2011 — Flag of Azerbaijan.svg Tərəqqi medalı
  • 12 sentyabr 2012 — Flag of Russia.svg Həştərxan vilayətinə xidmətinə görə medalı
  • 20 dekabr 2013 — Flag of Russia.svg III dərəcəli Müqəddəs Mələksima Knyaqina Olqa ordeni
  • 20 dekabr 2013 — Flag of Russia.svg Volqoqrad vilayətinə xidmətinə görə medalı
  • 20 oktyabr 2015 — Flag of Russia.svgAleksandr Puşkin medalı

Həmçinin bax[redaktə | əsas redaktə]

İstinadlar[redaktə | əsas redaktə]

VikiAnbarda Leyla Əliyeva ilə əlaqəli mediafayllar var.