Leyla Əliyeva (şərhçi)

Vikipediya, açıq ensiklopediya
Keçid et: naviqasiya, axtar
Leyla Əliyeva
Leyla Quliyeva (Əliyeva)
Leyla Aliyeva (presenter).jpg
Doğum tarixi: 1986(1986-Şablondakı doğum və ya ölüm tarixində texniki yanlışlıq var!-00)
Doğum yeri: Bakı, Flag of the Azerbaijan Soviet Socialist Republic.svg Azərbaycan SSR
Həyat yoldaşı: Abbas Quliyev
Uşağı: İradə Quliyeva
Milliyyəti: Flag of Azerbaijan.svg Azərbaycan
Fəaliyyəti: Aparıcı, şərhçi

Leyla Əliyeva — Azərbaycanlı məşhur teleaparıcı, İctimai Televiziyanın Musiqili, bədii və əyləncəli verilişlər departamentinin aparıcı simalarından biri, o cümlədən Avroviziya Mahnı Müsabiqəsinin Azərbaycan şərhçisi.[1]

Həyatı[redaktə | əsas redaktə]

Leyla Əliyeva 1986-cı ildə Bakı şəhərində anadan olub. Uşaq yaşlarından musiqiyə və ədəbiyyata böyük marağı olub. Skripka alətinə maraq göstərsə də onun bu arzusu ürəyində qalıb və onu piano alətinə yazdırıblar. O, 1993-cü ildə 190 saylı orta məktəbin birinci sinfinə, 1994-cü ildə isə 6 saylı Uşaq musiqi məktəbinin fortepiano şöbəsinin birinci sinfinə qəbul olunub. Hövsələsiz və səbirsiz olduğundan hətta bir müddət musiqini atıb. Amma böyük həvəs onu yenidən musiqiylə məşğul olmağa vadar edib. 2001-ci ildə həmin 7 illik musiqi məktəbini bitirib Şaroyev adına 11 illik uşaq musiqi məktəbinin nəzəriyyə və vokal şöbələrinin 8-ci sinfinə qəbul olunub. 2004-cü ildə hər iki məktəbi müvəffəqiyyətlə bitirib. Uşaqlıqdan musiqi ilə məşğul olduğuna görə, bir neçə dəfə yaxın ölkələrdə - RusiyaGürcüstanda qastrollarda olub. Şagird ikən o müxtəlif müsabiqələrdə - "Puşkin- 200", "Qönçə" iştirak edərək laureat adını qazanıb. Məktəb illlərində qazandığı ən böyük uğurlarından biri 2001-ci ildə baş verib. Roma Papası II İohann Pavelin Bakıya səfəri zamanı Prezident sarayında fəxri qonağın şərəfinə böyük konsert təşkil olunmuşdu. Ümummilli liderimiz Heydər Əliyevin iştirak etdiyi tədbirdə Leyla Şubertin "Ave Mariya"-sını ifa edib. O, bir müddət Bakı Baş Təhsil İdarəsinin nəzdində təşkil olunmuş "EEC" yəni, uşaqların ingilis dili klubunun da prezidenti olub. Əslində ixtisasca jurnalistikanı bitirib. Üzeyir Hacıbəyli adına Bakı Musiqi Akademiyasının vokal və xor-dirijorluğu (fakultativ) fakultələrinə qəbul olunub; belə ki, Konsertvatoriyaya qəbul olunanda birinci kurs sırf vokal şöbəsinə Xuraman Qasımovanın şöbəsinə daxil olmuş, bir il oxuduqdan sonra oxumağı nə qədər çox sevsə də, sən demə dirijorluğu ondan da çox sevirmiş. Ona görə də qərarını qətiləşdirib "dirijor" sənətini seçdi.. Magistr pilləsində də təhsil alıb.

Fəaliyyəti[redaktə | əsas redaktə]

Leyla Əliyeva və Nazim Hüseynov

İctimai televiziyanın yaranması onun təhsilinin II kursuna təsadüf etmişdi. O vaxt Televiziyanın Musiqi departamentinə direktor təyin olunan Aygün Səmədzadə konservatoriyada Leylaya "Musiqi tarixindən" dərs deyirdi. Aygün xanımın təklifi ilə Leyla İctimai televiziyada təşkil olunan müsabiqəyə qatılır. Məlum olduğu kimi müsabiqədən üzüağ çıxan Leyla İctimai Televiziya yarandığı gündən indiyə qədər burada çalışır. İTV-yə gələndən sonra ilk böyük səfəri ABŞ-a olub. Bu, Amerika Departamentinin dəvəti ilə “Amerika müsəlmanları” adlı filmin çəkilməsi ilə bağlı idi. 2007-ci ildə səfər baş tutdu və Amerika ərazisinə ilk müsəlmanların gəlişindən tutmuş indiyə qədər 11 sentyabr hadisələri və s. işıqlandırmaq şərti ilə iki hissəli, bəlkə də elmi iş səviyyəsində film hazırlanır. Daha sonra həmin filmi Leyla Suriyada keçirilən festivala aparmışdır. “Eurovision” müsabiqəsinin ölkədə ilk şərhçilərindən də biri məhz Leyla Əliyeva olub. Həmin vaxt onunla yanaşı Murad Arif də şərhçi idi. Bir müddət də “Yeni Gün” proqarmının aparıcısı olub. Hazırladığı ilk veriliş "İntrada" olsa da, sonralar o, "Yaradıcılıq gecəsi", "Ekspromt", "Ustad dərsi" verilişlərini, televiziyanın bayram konsertlərini aparır. “Qadın dünyası” proqramının ilk aparıcısı olmuşdur.

Əsas televiziya fəaliyyətinə İTV-dən başlamış, Leyla ilə eyni vaxtda, eyni ildə bu televiziyaya gəlmiş, nümayəndə heyətinin tərkibində olan üzvlər kimi eyni vaxtda “Eurovision” müsabiqəsinə qatılmış Hüsniyyə Məhərrəmova ilə Leyla Əliyevanı çox vaxt “siam əkizləri” adlandırırlar.

Eurovision Mahnı Müsabiqəsində Azərbaycan nümayəndə heyətinin üzvüdür.

Aparıcı PicMus Production-da istehsal olunmuş, bütün hüquqları PicMus MMC-yə məxsus olan «Ulduza Toxun» layihəsində iştirak etmişdir.

Leyla hal-hazırda AzTV-də aparıcı kimi fəaliyyət göstərir[2]. O, AzTV-də yayımlanan “61!” şousunun və "Əlaçı" verilişinin aparıcılığını edir[3]. “61!” dünyaca məşhur “Jeopardy!” şousunun Azərbaycan versiyasıdır. Yarışma janrında olan proqramın müəllifi Merv Qriffindir[4][5]

Ailəsi[redaktə | əsas redaktə]

Leyla Əliyevanın həyat yoldaşı İTV-də onunla birgə çalışan rejissor Abbas Quliyevdir.[6][7]. 2010-cu il mayın 16-nda bir qız övladı dünyaya gəlmişdir: adı İradədir. 2013-cü ildə isə oğlu dünyaya göz açmışdır[8].

Maraqlı faktlar[redaktə | əsas redaktə]

Filmoqrafiya[redaktə | əsas redaktə]

İstinadlar[redaktə | əsas redaktə]

  1. Aytən Əliyeva (20.05.2011). "Leyla Əliyeva: "Yoldaşımla İctimai Televiziyada tanış olmuşuq, o rejissor, mən aparıcıyam"" (az). modern.az. http://modern.az/articles/14044/1/. İstifadə tarixi: 2016-02-15.
  2. "Aparıcı Leyla əri ilə... - FOTOSESSİYA" (az). metbuat.az. 03.12.2015. http://metbuat.az/news/305275/aparici-leyla-eri-ile---fotosessiya.html. İstifadə tarixi: 2016-02-15.
  3. "Əlaçı - Yeddinci veriliş (30.11.2015) Aparıcı: Leyla Quliyeva" (az). fromapi.webcam. 30.11.2015. http://fromapi.webcam/w.php?v=60383wvmTuk. İstifadə tarixi: 2016-02-15.
  4. "Leyla Quliyeva uzun fasilədən sonra – fotolar" (az). metbuat.az. 05.03.2015. http://metbuat.az/news/52826/leyla-quliyeva-uzun-fasileden-sonra-fotolar.html. İstifadə tarixi: 2016-02-15.
  5. Rəşid Mustafazadə (04.03.2015). "Teleaparacı Leyla Quliyeva efirə qayıdır" (az). olke.az. http://www.olke.az/maqazin-9/teleaparaci-leyla-quliyeva-efire-qayidir-17118. İstifadə tarixi: 2016-02-15.
  6. "Aparıcı Leyla Əliyevanın oğlu oldu" (az). aznews.az. 17.09.2013. http://www.aznews.az/index.php?c=news&id=36588. İstifadə tarixi: 2016-02-15.
  7. "Leyla Əliyeva həyat yoldaşı və qızı ilə -Foto" (az). mediatv.az. 11.07.2014. http://www.mediatv.az/4888-leyla-eliyeva-heyat-yoldashi-ve-qizi-ile-foto.html. İstifadə tarixi: 2016-02-15.
  8. Cəvahir Səlimqızı (27.01.2014). "Leyla Əliyeva: “Onları həyatımdan silmişəm” - Fotolar" (az). publika.az. http://publika.az/p/2801. İstifadə tarixi: 2016-02-15.

Vikianbarda Leyla Əliyeva (şərhçi) ilə əlaqəli mediafayllar var.