Leyla Bağırova

Vikipediya, açıq ensiklopediya
Jump to navigation Jump to search
Leyla Bağırova
Bağırova Leyla Hüseyn qızı
Leyla Bağırova.jpg
şəkil 2011-ci ildə çəkilib

Doğum tarixi 2 sentyabr 1949 (1949-09-02) (69 yaş)
Doğum yeri Ağdam, Şıxbabalı
Həyat yoldaşı Bağırov Karrar (1949-2009)
Uşaqları Elçin, Səidə, Xəyalə
Atası Quliyev Hüseyn
Vətəndaşlıq Azərbaycan
Peşəsi fizik
Milliyyəti azərbaycanlı
İxtisası fizika
Təhsili ali
Fəaliyyəti müəllim
Fəaliyyət illəri 1971-dən
Mükafatları “Azərbaycan Respublikasının Əməkdar müəllimi” (2009)

Leyla Bağırova - “Baş müəllim” (1981), “Metodist müəllim” (1985), “İlin ən yaxşı müəllimi” (1991), “Ali kateqoriyalı müəllim” (1995), “Ən yaxşı müəllim” (2009), “Azərbaycan Respublikasının Əməkdar müəllimi” (2009),

Həyatı[redaktə | əsas redaktə]

Bağırova (Quliyeva) Leyla Hüseyn qızı 2 sentyabr 1949-cu ildə Ağdam rayonunun Şıxbabalı kəndində ziyalı ailəsində anadan olmuşdur. 1966-cı ildə Şıxbabalı kənd orta məktəbini medalla bitirmiş və ADU-nun fizika fakültəsinə daxil olmuşdur. 1971-ci ildə universiteti bitirib öz arzusu ilə Ağdam rayonunun Şıxbabalı kənd orta məktəbində fizika müəllimi kimi əmək fəaliyyətinə başlamışdır.

1971-1993-cü illərdə doğma Şıxbabalı kənd orta məktəbində, Ağdam rayonunun işğalından sonra isə hal-hazıra qədər Bakı şəhərində fəaliyyət göstərən 32 saylı Ağdam şəhər orta məktəbində müəllim işləyir.

Leyla müəllimənin peşəsinə olan sevgisi bu işdə ona böyük uğurlar qazandırmışdır. Belə ki, 1981-ci ildə “Baş müəllim”, 1985-ci ildə “Metodist müəllim”, 1995-ci ildə “Ali kateqoriyalı müəllim” kimi fəxri adlara layiq görülmüşdür.

1991-ci ildə Respublikada keçirilən “İlin ən yaxşı müəllimi” müsabiqəsində iştirak edib və mükafatla təltif olunmuşdur.

1985-ci ildə gənc nəslin təlim tərbiyəsi sahəsində əldə etdiyi ən böyük uğura görə SSRİ Maarif Nazirliyi tərəfindən N.K.Krupskaya adına diploma və pul mükafatına layiq görülüb. Ağdam RXTŞ-si tərəfindən dəfələrlə fəxri fərmanlarla təltif olunmuş, “Azərbaycan müəllimi” qəzetində, “Fizika, riyaziyyatinformatika” tədrisi jurnalında və “Kurrikulum” elmi metodik jurnalında dəfələrlə metodik məqalələrlə çıxış etmişdir.

2000-ci ildən TQDK ilə əməkdaşlıq edir.

Azərbaycan Respublikası Prezidentinin 1 sentyabr 2009-cu il tarixli sərəncamı ilə 2008-2009-cu tədris ilində keçirilmiş “Ən yaxşı müəllim” müsabiqəsinin qalibi olmuş, prezident mükafatına layiq görülmüşdür.

Leyla müəllimə Azərbaycan Respublikası Prezidentinin 2009-cu il 30 sentyabr tarixli 504 saylı Sərəncamı ilə “Azərbaycan Respublikasının Əməkdar müəllimi” fəxri adına layiq görülmüşdür. Azərbaycan müəllimlərinin VI, VII, XII, XIII qurultaylarına nümayəndə seçilmişdir.

Azərbaycan Respublikası Təhsil Nazirliyinin təqdimatı əsasında “Fizika fənn kurrikulumu”nu hazırlayan işçi qrupunun üzvü olmuşdur.

Ailəsi[redaktə | əsas redaktə]

Leyla müəllimə 1973-cü ildə ailə həyatı qurmuşdur. Hal-hazırda 3 övladı və 7 nəvəsi var. 2009-cu ildə həyat yoldaşı vəfat etmişdir.

Oğlu Bağırov Elçin Karrar oğlu 1974-cü ildə anadan olub. Kooperasiya İnstitutunu fərqlənmə diplomu ilə bitirib, hal-hazırda “Xatun” kiçik müəssisəsinin rəhbəridir.

Qızı Bağırova Səidə Karrar qızı 1976-cı ildə anadan olub. BDU-nun “Coğrafiya” fakültəsini bitirib. 42 saylı Ağdam şəhər orta məktəbində müəllim işləyir.

Qızı Bağırova Xəyalə Karrar qızı 1980-ci ildə anadan olub. BDU-nun “Biologiya” fakültəsini bitirib. Hal-hazırda Bakı şəhərində Hidroloji-Melorativ Su idarəsində mühəndis-bioloq vəzifəsində çalışır.

Mənbə[redaktə | əsas redaktə]