Leyli Axundova

Vikipediya, açıq ensiklopediya
Jump to navigation Jump to search
Leyli Axundova
Leyli Axundova.jpg
Doğum tarixi 1959(1959-Şablondakı doğum və ya ölüm tarixində texniki yanlışlıq var!-00)
Doğum yeri Bakı, Azərbaycan SSR, SSRİ
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Peşəsi aktrisa

Leyli Axundova — Aktrisa

Həyatı[redaktə | əsas redaktə]

Leyli Axundova 1959-cu ildə Bakıda ziyalı ailəsində dünyaya gəlib.[1] Gəlişi ilə bir ailənin 9 illik övlad həsrətinə son qoyan Leyli ata-anasının sevimlisinə çevrilir, hər cür qayğı və sevgi ilə əhatələnir. Atası İsmət Axundov tanınmış rəssam, anası Ləman xanım isə kimyaçı idi. Buna baxmayaraq Ləman xanım ixtisası üzrə çalışmayıb, evdar xanım olub. Leyli Axundovanın uşaqlığı zəngin bir ailədə keçib, xüsusi tərbiyə alıb. 134 saylı məktəbin rus bölməsində təhsil alıb.[2]

3-cü sinifdə oxuyarkən rejissor Şamil Mahmudbəyovun "Qaraca qız" filmində Ağca rolunda çəkildikdən sonra məşhurlaşan kiçik aktrisa başqa filmlərə çəkilmək üçün aldığı dəvətləri qəbul etməyərək, atası kimi rəssam olmaq qərarına gəlir. “Qaraca qız”da sanki öz həyatını oynadığını söyləyən aktrisa bu filmdən sonra Moskvanın, Ukraynanın bir çox kinostudiyalarından saysız-hesabsız təkliflər alsa da, atası razılıq vermədiyindən bu, onun kinoda ilk və son işi olur. Həm də bu filmə görə “Ağca xanım” “Tutu”dan çox qonorar alıb. Buna səbəb Tutu rolunu iki qızın oynaması olub: “Yadınızdadırsa filmdə Tutunun həm balaca, həm də bir az böyümüş vaxtı var. Ona görə də verilən qonorar iki nəfər arasında bölünmüşdü. Mən bu filmə görə 1680 sovet rublu almışdım".[3]

Ailənin yeganə övladı olan Leyli Asəf Zeynallı adına musiqi məktəbinin fortepiano sinfində Tutu rolunun ifaçısı Sevil Zeynalova ilə bərabər dərs alıb. Daha sonra Moskva Xalq İncəsənət Universitetinin rəssamlıq fakültəsində təhsilini davam etdirib. Atası həmişə istəyirdi ki, rəssam olsun. 30-dan artıq rəsm əsərinin müəllifidir. Həmçinin, musiqi təhsili alan Leyli xanım uzun illər paytaxtdakı 23 nömrəli musiqi məktəbində dərs deyib. O, hazırda Bakı Xoreoqrafiya Məktəbində musiqi müəlliməsi işləyir.

Ailəsi[redaktə | əsas redaktə]

İki dəfə ailə həyatı qurub. Hazırda ailəlidir, 2 qızı və 2 nəvəsi var.

Filmoqrafiya[redaktə | əsas redaktə]

  1. Qaraca qız (film, 1966)(film, kinoalmanax)[4]

İstinadlar[redaktə | əsas redaktə]

  1. "“Qaraca qız”ın kadrarxası" (azərb.) (05.10.2015).
  2. ""Qaraca qız"ın qəhrəmanı: "Mənə dedi ki, həyat yoldaşın səni heç vaxt sevməyəcək" - FOTO" (azərb.) (09.01.2014).
  3. Ədalət DAŞDƏMİRLİ. ""Qaraca qız" filmində mən öz həyatımı oynayırdım" Xədicə rolunun ifaçısı Leyli Axundova ilə söhbət" (azərb.) (21.10.2011).
  4. Suvar, A. "Qaraca qız"ın Ağcası: ["Qaraca qız" filmindən tanıdığımız Xədicə rolunun ifaçısı Leyli Axundova haqqında] //Palitra.- 2014.- 28 avqust.- S. 13.

Mənbə[redaktə | əsas redaktə]