Liana Zimbler
| Liana Zimbler | |
|---|---|
| alm. Liane Zimbler | |
| Doğum tarixi | 31 may 1892[1][2][…] |
| Vəfat tarixi | 11 noyabr 1987[1][2][…] (95 yaşında) |
| Vəfat yeri | |
| Fəaliyyəti | memar, interior designer[d] |
Liana Zimbler (alm. Liane Zimbler; 31 may 1892[1][2][…] – 11 noyabr 1987[1][2][…], Los-Anceles, Kaliforniya[1][3]) — Avropada memarlıq diplomu alan ilk qadın avstriyalı memar.
1938-ci ildə ABŞ-yə mühacirət edənə qədər Vyanada bizneslə məşğul olan Liana orada interyer dizayneri idi.[4][5]
Həyatı[redaktə | mənbəni redaktə et]
Vyana İncəsənət Məktəbində oxuyan Liana, burada əvvəlcə qrafika, sonra isə memarlıq üzrə təhsil alıb. Hələ təhsil alarkən Emili Flögenin salonunda illüstrator və dizayner kimi işləməyə başlayıb. 1916-cı ildə vəkil Otto Zimbler ilə evlənir. Bu evlilikdən onların Eva adlı bir qızı dünyaya gətir. Elə həmin il Liana Vyanada Bamberger mebel fabrikində işə düzəlir. Birinci Dünya müharibəsi bitməzdən əvvəl Rosenberq dizayn studiyasında memar olur. 1920-ci illərin əvvəllərində o, emal, yenidənqurma və daxili bəzək işlərində ixtisaslaşan öz firmasını yaradır. 1928-ci ilə qədər, biznesi nəticəsində Zimbler Praqada ortağı Anni Herrnheyser tərəfindən idarə olunan ikinci studiyasını aça bilir.[5] Həmçinin Vyanada mühazirələr deyən Liana işləyən qadınlara dəstək üçün müxtəlif təşkilatlara da üzv olur.[4] O, tək otaqlı mənzil və studiyaları ilə tanındı. Vyanada tanınmış layihələr arasında Silberqasse-də bir villa, Efrussi bankının yenidən qurulması və bir neçə layihələri də var. O, həmçinin Beynəlxalq Mənzil Cəmiyyətinin Avstriya Şurasının sədri vəzifəsində çalışıb və mənzilin sosioloji və bədii aspektləri üzrə mühazirələr deyib.[6]
1938-ci ilin fevralında Zimbler Avstriyada mülki memar kimi lisenziya alan ilk qadın oldu. Həyat yoldaşı Otto Zimblerin təsirli əlaqələri sayəsində ailə mart ayında Alman Anşlussunda Hollandiya və Londona səyahət edə bildi. Həmin ilin payızında onlar ABŞ-yə mühacirət edirlər. Filosof Henrix Qomperzin həyat yoldaşı Ada Qomperzin yardımı ilə Zimblerlər Los-Ancelesdə məskunlaşdılar və burada Liana Anita Turun ofisində interyer dizaynı kimi işləməyə başladı. Əri avtomobil qəzasında vəfat etdikdən və Anita Turun özü vəfat etdikdən sonra Zimbler 1941-ci ildə şirkəti təhvil alaraq yenidən dizayn layihələrinə diqqət yetirir. O, həmçinin bir sıra yeni binaların layihələndirilməsi və müntəzəm olaraq sərgilərdə iştirak edir.[5] O, tez-tez memarlıq və dizayn dövri nəşrləri, həmçinin Los Angeles Times da daxil olmaqla qəzetlər üçün interyer dizaynı mövzusunda məqalələr yazırdı. 1958-ci ildə tələbəsi kimi onunla çalışan qızı Eva sonradan onun ortağı oldu. 86 yaşında insult keçirsə də, Liana 90 yaşına qədər işləməyə davam etdi. 1987-ci ilin noyabrında 95 yaşında Los-Ancelesdə vəfat etdi.
Liana Zimbler Amerika Daxili Dizayn İnstitutunun və Memarlıqda Qadınlar Assosiasiyasının üzvü idi.[6]
Layihələri[redaktə | mənbəni redaktə et]
- Qandevald Evi, 1934–1938
- Toha Rezidans, Santa Monika, Kaliforniya, 1941
- Panzer Rezidans, Beverli-Hillz, Kaliforniya, 1942
- Bosvell Rezidans, Los-Anceles, Kaliforniya, 1944
- Dahlberq Rezidans, Beverl-Hills, Kaliforniya, 1945
- Fosterin yataq və vanna otağı, Beverl-Hills, Kaliforniya, 1950
- Barbas Rezidans, Beverl-Hills, Kaliforniya, 1951
- Doktor J. Brodi Rezidansı, Beverl-Hills, Kaliforniya, 1952
- Mura Rezidans, Los-Anceles, Kaliforniya, 1955
- Stüart Rezidans, Beverl-Hills, Kaliforniya, 1955
- Feldmanın mətbəxi, Los-Anceles, Kaliforniya, 1956
- Şvartz Rezidans, Kamarillo, Kaliforniya, 1956—1957
- Hubşer Rezidans, Los-Anceles, Kaliforniya, 1959—1960
- Elliot Evans şirkətinin girişi, Los-Anceles, Kaliforniya, 1960
- Kandianides Rezidans, Vençur, Kaliforniya, 1961
- Silverberqin mənzili, Los-Anceles, Kaliforniya, 1962
- Baraş Rezidans, Los-Anceles, Kaliforniya, 1960-1965, 1975
- Engelman Rezidans, Los-Anceles, Kaliforniya, 1965
- Levi Rezidans, Los-Anceles, Kaliforniya, 1965
- Vasserman Rezidans, Los-Anceles, Kaliforniya, 1968
İstinadlar[redaktə | mənbəni redaktə et]
- ↑ 1 2 3 4 5 6 Schmid M. Zimbler, Liane, geb. Fischer, Juliane Angela // Biografien bedeutender österreichischer Wissenschafterinnen. »Die Neugier treibt mich, Fragen zu stellen« (alm.). / Hrsg.: I. Korotin, N. Stupnicki Böhlau Verlag, 2018. S. 969–971. ISBN 978-3-205-20238-7 doi:10.7767/9783205205883
- ↑ 1 2 3 4 Liane Zimbler // [Liane Zimbler Frauen in Bewegung 1848–1938] (alm.). Österreichische Nationalbibliothek, 2006.
- ↑ 1 2 Gadzinski A. Liane Zimbler // KALLIOPE Austria (alm.): Frauen in Gesellschaft, Kultur und Wissenschaft. Wien: Bundesministerium für Europa, Integration und Äußeres, 2015. S. 69. ISBN 978-3-9503655-5-9
- ↑ 1 2 "Austria: Jewish Women Artists | Jewish Women's Archive". jwa.org. 8 январ 2018 tarixində arxivləşdirilib. İstifadə tarixi: 2020-03-21.
- ↑ 1 2 3 "Architekturzentrum Wien". www.architektenlexikon.at. 3 марта 2016 tarixində arxivləşdirilib. İstifadə tarixi: 2020-03-21.
- ↑ 1 2 "A Guide to the Liane Zimbler Architectural Collection, 1912-1982, 1993-1994 Zimbler, Liane, Architectural Collection Ms1988-005". ead.lib.virginia.edu. 4 березня 2016 tarixində arxivləşdirilib. İstifadə tarixi: 2020-03-21.
Xarici keçidlər[redaktə | mənbəni redaktə et]
- Цимблер на Architektenlexicon Arxivləşdirilib 2016-03-03 at the Wayback Machine
- Zacek, Patricia: Frauen in Der Technik Von 1900 Bis 2000, Vienna, ARGE Architektinnen und Ingenieurkonsulentinnen, 1999
