London İmperial Kolleci

Vikipediya, azad ensiklopediya
Jump to navigation Jump to search
Picto infobox université.png
London İmperial Kolleci
ImperialCollegeLondon.jpg
Əsası qoyulub 8 iyul 1907
Tələbə sayı 13 410 nəfər, İşçi heyəti: 8 000 nəfər.
Şəhər Birləşmiş Krallıq, London şəhəri
Ölkə Böyük Britaniya
imperial.ac.uk
Commons-logo.svg Vikianbarda əlaqəli mediafayllar

London İmperial Kolleci (ing. Imperial College London) — Böyük Britaniyada Cənubi Kunsinqtonda yerləşən ali təhsil müəssisəsi; London Universitetindən 2007-ci ildə ayrılaraq, özünün 100 illik yubileyində kollec müstəqil universitet statusu qazanıb.

Tarixi[redaktə | əsas redaktə]

1907-ci il iyulun 8-də VII Edvard tərəfindən təqdim edilmiş Kral nizamnaməsinin rəsmi şəkildə imzalanması ilə yaradılan İmperial Kollecin Tibb Məktəbinin tərkibinə bir neçə ildən sonra St Meris Hospital Tibb Məktəbi, Milli ürək və Ağciyər İnstitutu, çerinq Kross və Vestminster Tibb Məktəbi daxil olub. 1997-ci ildə Britaniya təbabətində on illər boyu əsas gücə malik olan Kral Tibb Aspirantura Məktəbi (RPMS) İmperial Kollecin Tibb Məktəbinə, 2000-ci ildə isə Vey Kolleci, Vey və London Kənd Təsərrüfatı Universiteti kolleclə birləşdirilib.

Mətbuatı[redaktə | əsas redaktə]

Kollecin onlayn tələbə məlumat mənbəyi, radiosu və tələbə televiziyası fəaliyyət göstərir. 1995-ci ildə tədris ocağının elmi mətbəə evi fəaliyyətə başlayıb və rəsmi orqanı olan "Müxbir" qəzeti yaradılıb. Mütəmadi dərc olunan qəzet kollecin əməkdaşları və alimlər üçün nəzərdə tutulub. Həftəlik "Feliks" qəzeti isə İmperial Kollecinin müstəqil tələbə qəzetidir. Qəzet həm kollecin, həm də Tələbə İttifaqının müstəqil mətbu orqanı hesab olunur.

Yeni inkişaf dövrü[redaktə | əsas redaktə]

2002-ci ildən etibarən növbəti struktur islahatları mərhələsinə qədəm qoyan İmperial Kolleci 2007-ci ilin iyulunda yenidən müstəqillik əldə edib. İmperial Kolleci nüfuzuna görə elmi-mühəndislik kollecləri arasında ikinci yeri tutur. Onun professor-müəllim heyətinin tərkibində müxtəlif vaxtların 14 Nobel mükafatı laureatı və Kral Elmi Cəmiyyətinin 170 üzvü fəaliyyət göstərib.

Zəngin maddi-texniki bazaya malik olan universitetin tələbələrinin istifadəsinə elektron resurslar, onlayn istifadə xidməti və daxili İnternet şəbəkə sisteminə malik olan kitabxana verilib. Universitetin ərazisində üzgüçülük hovuzu, gimnastika zalı, tennis kortları mövcuddur.

Tədqiqat sahələri[redaktə | əsas redaktə]

İmperial Kollecinin tədqiqatdan gələn gəliri 2007-2008-ci ilin məlumatlarına əsasən, Birləşmiş Krallıqda ən yüksək həddə - 255.5 milyon funta çatıb. Bura tədqiqat şuralarının qrantları, xeyriyyə müəssisələri və sənayedən gələn gəlirlər daxildir.

İmperial Kollecində Parkinson xəstəliyi (iflic) və müxtəlif sklerozlar sahəsində tədqiqatlar aparılır. Kollecdə bu xəstəlikdən əziyyət çəkən ayrı-ayrı şəxslərin beyin nümunələri saxlanılır. Bu beyin bankı 296 nümunə olmaqla dünyanın ən böyük beyin banklarından biridir.

Elmi nüfuzu[redaktə | əsas redaktə]

2008-ci ilin ənənəvi araşdırmalarına əsasən, kollec riyaziyyat, epidemiologiya və ictimai səhiyyə, kimya mühəndisliyi, vətəndaş mühəndisliyi və mexanika, aeronavtika və mühəndislik texnologiyası, beynəlxalq tədqiqat keyfiyyətlərinə görə ən yaxşı təhsil müəssisəsi hesab olunub.

Universitetin məşhur məzunları arasından Abdus Salam (1979-cu ildə fizika üzrə Nobel mükafatı laureatı), Ser Uilyam Kruks (kimyaçı və fizik), Raciv Qandi (1984-1989 illərdə Hindistanın Baş naziri), Brayan Harold Mey (rok-musiqiçi, "Queen" qrupunun gitara çalanı), Herbert Corc Uells (yazıçı və publisist), çarlz Kennedi (iqtisadçı), Alfred Nort Uaythed (riyaziyyatçı, məntiqşünas, filosof), Ser Ceyms Laythill (riyaziyyatçı) və digərlərinin adlarını çəkmək olar. "Qoloqrafik metodun kəşfi və inkişafı" üzrə mükafata layiq görülmüş Denis Qabor və penisillin ixtiraçısı Aleksandr Fleming də kollecin tanınmış məzunlarındandır.

Kollecin hesablama fakültəsi Birləşmiş Krallıqda ilk dəfə Kembric Universitetinin kompüter laboratoriyasını qabaqlayaraq 2007-ci ildə kompüter elmi və informasiya texnologiyası üzrə yüksək nəticələr əldə edib. Təsadüfi deyil ki, İmperial Kollecin Biznes məktəbinin adı Avropanın ən yüksək reytinqli universitetləri sırasında sadalanır.

Qəbul[redaktə | əsas redaktə]

Kifayət qədər geniş tələbə kontingentini gələcəyə hazırlayan kollecə daxil olmaq üçün orta məktəbi əla qiymətlərlə bitirmək, ingilis dilini bilmək mütləq şərtlərdəndir. Dünyanın ən yaxşı institut və universitetləri sırasında olan İmperial Kolleci hazırda tədris və tədqiqatlarının mükəmməlliyinə, araşdırmaların yüksək beynəlxalq keyfiyyətinə, elmyönümlülüyünə görə fərqlənir. Kollecin qarşısına qoyduğu əsas prioritetlər tədris prosesində tələbələrə dəstək olmaq, ən yaxşı düşünən beyinləri elmi axtarışlara cəlb etmək və dünyanı dəyişdirməyə qadir olan tədqiqatlar aparmaqdan ibarətdir.

Strateji məqsədlər və missiya[redaktə | əsas redaktə]

Dünyada elmi, mühəndislik, tibbi tədqiqat və tədris müəssisələri arasında ən yüksək səviyyədə qalmağı əsas məqsəd kimi qarşısına qoyan kollecdə daim tədqiqat bacarıqlarının dərinliyinə və keyfiyyətinə ayrıca diqqət yetirilir. Eləcə də cəmiyyət, sənaye və tibbi xidmətin dəyişilən tələbatlarını ödəmək üçün akademik fəaliyyətin sırasının genişləndirilməsi məsələlərinə xüsusi önəm verilir.

London İmperial Kollecində elm, mühəndislik, tibb, biznes sahəsində dünya səviyyəli araşdırmalar aparılır, əldə olunan elmi nəticələrin sənayenin, ticarətin çiçəklənməsi və insanların sağlamlığının daha etibarlı şəkildə qorunması istiqamətində tətbiqinə xüsusi diqqət yetirilir. İntellektual cəhətdən dəyişən və möhkəmlənən mühit daxilində tədqiqatları genişləndirmək, aparılan məşğələlərə və araşdırmalara daha çox fayda verə biləcək tələbə kontingenti formalaşdırmaq, akademik cəhətdən yüksək səviyyəli kurslar və səmərəli idarəetmə prosesi təşkil etmək kollecin fəaliyyətinin ana xəttinə çevrilib.

Reytinqi[redaktə | əsas redaktə]

"Academic Ranking of World Universities"dəki yeri:[1]
2003[2] 2004[3] 2005[4] 2006[5] 2007[6] 2008[7] 2009[8] 2010[9] 2011[10] 2012[11] 2013[12] 2014[13] 2015[14]
17 23 23 23 23 27 26 26 24 24 24 22 23
"QS World University Rankings"dəki yeri:
2015/16[15] 2014/15[16] 2013/14[17] 2012/13[18] 2011/12[19] 2010/11[20]
8 2 5 6 6 7
"Times Higher Education World University Rankings"dəki yeri:
2015/16[21] 2014/15[22] 2013/14[23] 2012/13[24] 2011/12[25] 2010/11[26]
8 9 10 8 8 9

Mənbə[redaktə | əsas redaktə]

İstinadlar[redaktə | əsas redaktə]

  1. ↑ "ARWU - Imperial College, London". Shanghai Ranking Consultancy (2014).
  2. ↑ "Academic Ranking of World Universities 2003".
  3. ↑ "Academic Ranking of World Universities 2004".
  4. ↑ "Academic Ranking of World Universities 2005".
  5. ↑ "Academic Ranking of World Universities 2006".
  6. ↑ "Academic Ranking of World Universities 2007".
  7. ↑ "Academic Ranking of World Universities 2008".
  8. ↑ "Academic Ranking of World Universities 2009".
  9. ↑ "Academic Ranking of World Universities 2010".
  10. ↑ "Academic Ranking of World Universities 2011".
  11. ↑ "Academic Ranking of World Universities 2012".
  12. ↑ "Academic Ranking of World Universities 2013".
  13. ↑ "Academic Ranking of World Universities 2014".
  14. ↑ "Academic Ranking of World Universities 2015".
  15. ↑ "QS World University Rankings (2015)".
  16. ↑ "QS World University Rankings (2014)".
  17. ↑ "QS World University Rankings (2013)".
  18. ↑ "QS World University Rankings (2012)".
  19. ↑ "QS World University Rankings (2011)".
  20. ↑ "QS World University Rankings (2010)".
  21. ↑ "THE World University Rankings (2015-2016)". Times Higher Education.
  22. ↑ "THE World University Rankings (2014-2015)". Times Higher Education.
  23. ↑ "THE World University Rankings (2013-2014)". Times Higher Education.
  24. ↑ "THE World University Rankings (2012-2013)". Times Higher Education.
  25. ↑ "THE World University Rankings (2011-2012)". Times Higher Education.
  26. ↑ "THE World University Rankings (2010-2011)". Times Higher Education.

Xarici keçidlər[redaktə | əsas redaktə]

Mənbə — "https://az.wikipedia.org/w/index.php?title=London_İmperial_Kolleci&oldid=4650293"