Lorens Kun
 | |
| alm. Lorenz Jakob Kun | |
 | |
|
| |
| Doğum tarixi | 1884 |
|---|---|
| Doğum yeri | Yelenendorf, Azərbaycan |
| Vəfat tarixi | 1942 |
| Vəfat yeri | Uxta, SSRİ |
| Milliyyəti | alman |
| Fəaliyyəti | Deputat |
Lorens Yakovleviç Kun (alm. Lorenz Jakob Kun) — Azərbaycan Demokratik Respublikası parlamentinin deputatı. Lorens Kun 1918 - 1920-ci illər ərzində AXC parlamentində IX Milli azlıqlar fraksiyasında fəaliyyət göstərmişdir.
Həyatı[redaktə | əsas redaktə]
Kun 1884-cü ildə əslən almanların yaşadığı Yelenendorf şəhərində anadan olmuşdur. Bir müddət Yelenendorfda işlədikdən sonra yerli Alman komitəsinə üzv seçilmişdir. Parlamentin açılışında verdiyi nitqlə yadda qalıb:
...ən səmimi qonşuluq əlaqələrimiz heç vaxt pozulmamışdır. ADR almanları sakitcə gələcəyə baxır, öz milli mənsubiyyətlərinin qorunacağına və sakit iş həyatına davam edəcəyinə ümidlidir və müstəqil Azərbaycanın xeyrinə çalışacaqlar..[1]
20-ci illərdə Xanlar rayonunda mühəndis kimi işləməyə davam edir. Lorens Kun KQB tərəfindən “Konkordiya işi" səbəbilə 1925-ci ildə əvvəlcə 8 il müddətinə həbs olunur. 5 ildən sonra isə azad olunur. 1930-cu ildə Gürcüstan şirkəti "Qruzneft"də baş mühəndis daxil olmaqla fərqli vəzifələrdə çalışır.
18 fevral 1938-ci ildə isə haqqında daha 5 illik həbs qərarı çıxarılır. Lorens Kun 1942-ci ildə Uxtada sürgündə olarkən vəfat etmişdir.
Ailəsi[redaktə | əsas redaktə]
"Forer qardaşları" səhmdar cəmiyyətinin qurucularından biri olan Henrix Forerin qızı Lina Forer (d. 1898) ilə evlənmişdir.
- Oğlu: Alfred Kun - (d. 1925)
- Qızı: Qertruda Kun - (d. 1917)
- Qardaşları: Robert Kun, Samuil Kun (d. 1870), İmmanuel Kun (d. 1881)
İstinadlar[redaktə | əsas redaktə]
- ↑ Рауф А. ГУСЕЙН-ЗАДЕ Немцы Азербайджана : журнал. — IRS Наследие, 2007. — № 25. — ISSN1992-4836.
