Lusi Cons

Vikipediya, azad ensiklopediya
Jump to navigation Jump to search
Lusi Cons
ing. Lucie Jones
Lucie Jones Red Carpet Kyiv 2017.jpg
Lusi Cons 2017-ci ildə
Sənətçi məlumatları
Doğum adı Lusi Betan Cons
ing. Lucie Bethan Jones
Doğum tarixi 20 mart 1991 (1991-03-20) (28 yaş)
Doğum yeri Kardiff, Uels
Vətəndaşlığı Böyük Britaniya Böyük Britaniya
Peşələri müğənni, aktrisa, model

Üslub
Musiqi aləti pianovokal
Fəaliyyət illəri 2007–h.h.
Commons-logo.svg Vikianbarda əlaqəli mediafayllar

Lusi Betan Cons (ing. Lucie Bethan Jones; d. 20 mart 1991, Kardiff, Uels, Böyük Britaniya) və ya sadəcə Lusi ConsUels əsilli Böyük Britaniya müğənnisi, aktrisası və modeli. O Böyük Britaniyanı 2017 Avroviziya Mahnı Müsabiqəsində təmsil etmişdir.

Həyatı və musiqi karyerası[redaktə | əsas redaktə]

Lusi Cons 20 mart 1991-ci ildə Uelsin Kardiff şəhəri yaxınlığında olan kiçik bir kənddə anadan olmuşdur. Kiçik yaşlarından musiqiyə həvəsi olan Lusi Kardiffdə keçirilən konsert və festivallarda çıxış etmişdir.

The X Factor[redaktə | əsas redaktə]

2009-cu ildə Lusi Cons Böyük Britaniyanın The X Factor musiqi yarışmasının dinləmələrində iştirak etmişdir. İlk mərhələni uğurla adlayan ifaçı yarışma boyunca göstərdiyi yüksək səviyyəli ifalar sayəsində yarışmanın beşinci həftəsindək yüksələ bilmişdir. Beşinci həftədə isə Lusi Jedward qrupuna məğlub olmuşdur. Nəticələrin açıqlanmasının ardınca bir çox izləyici yayımçı telekanalı saxtakarlıqda ittiham etmişdir.

The X Factor muiqi yarışmasında iştirakını başa çatdırdıqdan sonra Lusi Cons bir müddət modelliklə məşğul olmağa başlamışdır. 2010-cu ilin may ayında Britaniyalı prodüser Kameron Makintoşun istəyi ilə Lusi "Səfillər" tamaşasında Kozetta obrazını canlandırmışdır. Daha sonra isə Lusi 2010-cu ildən 2017-ci ilədək bir çox tamaşa, film və teleseriallarda rol almışdır.

2017 Avroviziya Mahnı Müsabiqəsi[redaktə | əsas redaktə]

Lusi Cons Avroviziya səhnəsində

2017-ci ilin yanvar ayında Lusi Consun "Never Give Up on You" mahnısı ilə Böyük Britaniyanın BBC telekanalının Avroviziya üçün təşkil etdiyi milli seçim turunda iştirak edəcəyi öz təsdiqini tapmışdır. Onun mahnısı 2013 Avroviziya Mahnı Müsabiqəsinin qalibi Emmili de Forest tərəfindən bəstələnmişdir. Lusi həmin mahnı ilə seçim turunda qalib gələrək, Böyük Britaniyanı Ukraynanın paytaxtı Kiyevdə keçirilən Avroviziya 2017-də təmsil etmək hüququ qazanmışdır.[1]

Böyük Britaniyanın "Böyük Beşlik" ölkələrindən biri olması səbəbi ilə Lusi birbaşa olaraq müsabiqənin final mərhələsindən mübarizəyə qoşulmuşdur. Finalda 18-ci səhnə alan ifaçı müsabiqədə 111 xalla 15-ci yeri tutmuşdur. Müsabiqədən sonra Britaniya mediasına verdiyi müsahibədə Lusi məyusedici nəticənin əsas səbəbinin Böyük Britaniyanın Avropa İttifaqından çıxışının olmasını söyləmişdir.[2]

Diskoqrafiya[redaktə | əsas redaktə]

Sinqllar[redaktə | əsas redaktə]

  • "You'll Never Walk Alone" (2013)
  • "Confidence Is Conscienceless" (2015)
  • "The Ballad of Midsomer County" (2015)
  • "Never Give Up on You" (2017)

İstinadlar[redaktə | əsas redaktə]

  1. "Lucie Jones: The 60th act to represent the United Kingdom". eurovision.tv. Avropa Yayım İttifaqı. İstifadə tarixi: 27 yanvar 2017.
  2. "Lucie Jones blames Brexit for coming 15th place in Eurovision". International Business Times UK. 15 may 2017. İstifadə tarixi: 16 may 2017.
Əvvəlki:
Joe & Jake
"You're Not Alone"
Böyük Britaniya Avroviziya Mahnı Müsabiqəsində
EuroReino Unido.svg

2017
Sonrakı:
SuRie
"Storm"

Xarici keçidlər[redaktə | əsas redaktə]