Möhbalı Əmiraslanov

Vikipediya, azad ensiklopediya
Jump to navigation Jump to search
Möhbalı Əmiraslanov
Möhbalı Əmiraslanov.jpg
bayraqAzərbaycan SSR yüngül sənaye naziribayraq
1955 — 27 avqust 1956
Sələfi özü (çoxişlənən sənaye malları naziri kimi)
Xələfi Davud Şirinov
bayraqAzərbaycan SSR çoxişlənən sənaye malları naziribayraq
9 mart 1954 — 1955
Xələfi özü (yüngül sənaye naziri kimi)
bayraqAzərbaycan SSR Nazirlər Soveti sədrinin birinci müavinibayraq
18 avqust 1953 — 9 mart 1954
Sələfi Teymur Quliyev
Xələfi İlyas Abdullayev
bayraqAzərbaycan SSR xalq toxuculuq sənayesi komissarıbayraq
9 sentyabr 1939 — 1941
Sələfi vəzifə təsis edilib
Xələfi Sadıq Rəhimov
bayraqAzərbaycan SSR xalq yerli sənaye komissarının müavinibayraq
1938 — 1939
Şəxsi məlumatlar
Doğum tarixi 1902
Doğum yeri
Vəfat tarixi 15 may 1984(1984-05-15)
Vəfat yeri
Dəfn yeri
Partiya
Hərbi xidmət
Döyüşlər

Möhbalı Firudin bəy oğlu Əmiraslanov (1902, Balahəsənli, Zəngəzur qəzası15 may 1984, Bakı) — Azərbaycan SSR Nazirlər Soveti sədrinin birinci müavini, Azərbaycan SSR Ali Sovetinin deputatı, podpolkovnik.

Həyatı[redaktə | mənbəni redaktə et]

Möhbalı Firudin bəy oğlu Əmiraslanov 1902-ci ildə Qubadlı rayonunun Balahəsənli kəndində anadan olub. 1920-ci ilin avqust ayında Qubadlı qəza milis idarəsində işə girir və 1924-cü ildə Bakıya gələrək texnikumun axşam şöbəsinə daxil olur və gündüz taxta zavodunda fəhlə işləyir. 1927-ci ildə Azərbaycan Politexnik İnstitutuna qəbul olur və 1929-cu ildə Stalin adına Moskva Polad İnstitutuna təhsilini davam etdirməyə göndərilir.

1931-ci ildə o, Leninqrada göndərirlir və 1934–1936-cı illərdə Daşkəsən metallurgiya kombinatında baş mühəndisi əvəz edərək, tikintiyə rəhbərlik edir. 1936-cı ildə Azərbaycan Dəzgahqayırma zavoduna direktor təyin edilir. 1938-ci ildə Xalq Yerli Sənaye Komissarının müavini vəzifəsində işləyir. 1939-cu ildə toxuculuq sənayesi naziri təyin edilir və 1941-ci ilin mart ayından Azərbaycan KP tikinti və inşaat materialları üzrə katibi seçilir.

1942-ci ildə müharibəyə gedir. Döyüşlərdə iştirak edən M. Əmiraslanov 1944-cü ildə podpolkovnik rütbəsi alır. 1945–1951-ci illərdə Zaqafqaziya sənaye tikinti trestinə rəhbərlik edir. 1951–1954-cü illərdə Azərbaycan SSR Nazirlər Sovetinin birinci müavini təyin edilir. 1954-cü ildə o, yüngül sənaye naziri təyin edilir. 1956-cı ildə onu Bakı baş tikinti idarəsinə rəis göndərirlər. 1961-ci ilin martında Möhbalı Əmiraslanov Respublika Nazirlər Soveti yanında Dağ-Mədən Tikintisi İşlərinin Təhlükəsizliyi Komitəsinin sədri təyin olunur.

O, Azərbaycan SSR Ali Sovetini 2-ci və 3-cü çağrışında deputat seçilmişdir.

İşlədiyi illərdə Qırmızı Əmək Bayrağı və "Şərəf nişanı" ordenləri ilə təltif olunmuşdur. 1944–1954-cü illərdə Azərbaycan KP MK-nın büro üzvü seçilib. 1981-ci ilin yanvarında təqaüdə çıxmış və 1984-cü il mayın 15-də dünyasını dəyişmiş, Bakı şəhərində Fəxri Xiyabanda dəfn edilmişdir.

İstinadlar[redaktə | mənbəni redaktə et]