Müşfiq Çobanov

Vikipediya, açıq ensiklopediya
Jump to navigation Jump to search
MÜŞFİQ ÇOBANOV
Şəkil yoxdur-kişi.svg
Doğum tarixi 22 yanvar 1970 (1970-01-22) (49 yaş)
Doğum yeri Darbaz, Borçalı
Peşəsi jurnalist

Çobanov Müşfiq Mədəd oğlu (Müşfiq Borçalı) — Azərbaycan jurnalisti.

Həyatı[redaktə | əsas redaktə]

Müşfiq Çobanov 22 yanvar 1970-ci ildə qədim Borçalı mahalında – indiki Gürcüstanın Bolnisi rayonundakı Darbaz kəndində anadan olub. 1986-cı ildə Darbaz kənd orta məktəbini əla qiymətlərlə – Gürcüstan Təhsil Nazirliyinin Fəxri Fərmanı ilə bitirib və elə həmin il A.S.Puşkin adına Tbilisi Dövlət Pedaqoji İnstitutunun rus filologiyası fakültəsinin Azərbaycan bölməsinə daxil olub.

O, eyni zamanda ictimai peşələr fakültəsinin jurnalistika fakültəsində təhsil alıb. 1988-1989-cu illərdə əsgəri xidmət borcunu şərəflə yerinə yetirib. 1990-cı ildə Bakıya köçüb və Nəsirəddin Tusi adına Azərbaycan Dövlət Pedaqoji Universitetində təhsilini davam etdirib. 1992-ci ildə ali məktəbi Fərqlənmə Diplomu ilə bitirib və Azərbaycan Texniki Universitetində əmək fəaliyyətinə başlayıb. Əvvəlcə "Ziya" qəzetinin müxbiri, bir az sonra məsul katib, daha sonra isə ədəbi redaktor vəzifələrinə təyin olunub. Hazırda "Ziya" qezetinin Bas redaktoru ve eyni zamanda AzTU-nun Mətbuat şöbəsinin müdiridir. "Abdulla Şaiq", "Nəriman Nərimanov" və "Qızıl Qələm" mükafatı laureatıdır. Bir neçə dəfə Fəxri Fərmanlarla təltif olunub. 1993-cü ildə Azərbaycan MEA-nın Nizami adına Ədəbiyyat İnstitutunun dissertantı qəbul olunub və elə həmin il Elmi Şuranın qərarı ılə "Gürcüstanda nəşr olunan Azərbaycan mətbuatında ədəbiyyat məsələləri" mövzusunda namizədlik dissertasiyası təsdiq olunub. 1993-cü ildən "Təhsil" qəzetinin baş redaktoru, 1995-ci ildən "Azad Azərbaycan" və "Şərqin səsi" qəzetlərinin baş redaktoru vəzifələrinə irəli çəkilib. "Ağır elli Borçalı" (Bakı,1990; Ərzurum, 1996), "Çağdaş Borçalı ədəbi məktəbi" (Baki, "Azərbaycan" nəşriyyatı, 1994), "M.P.Vaqif və Gürcüstan" (1995, 2017), "Bu Dostluğun yaşı çox.." (1996, 2014), "Azərbaycan şəxs adları" (1995), "Məhəbbət həyatdır" (1996), "Gürcüstanda Azərbaycan mətbuatı" (1997), "Borçalı aşıqları" (İsmayıl Ömərovla həmmüəllif, Bakı,1998; Təbriz, 2008; Tehran, 2009), "Ziya"dan "Çənlibel"ədək" (1998), "Dədə Qorqud-1300" (1998, 2000), "Borçali şəhidləri" (2000), "Borçalı ensiklopediyası"-III c. "Borçalı ulduzları" (2002), "Borçalı ensiklopediyası"-IV c. "Borçalı həkimləri" (2004), "Şairlər dünyanın söz Allahıdı..." (2009), "Dünyamalı Kərəmin poeziya yaradıcılığı" (2010), "Aşıq Hüseyn Saraclı və onun yaylaq səfəri" (2011), "Əkiz alim qardaşlar(2001,2011), "Borcalının aqbirçək anası - saire Mayqa Mətin (2013), "Bu Dostluğun yaşı çox!..." (2014), "M.Coşqunun poeziya yaradıcılığında özünəməxsusluq" (2015), "Butalar Butası Səadət Buta" (2015), 3 cildlik "Sazlı-Sözlü Başkeçid" (2015) və s. kitabları işıq üzü görüb.

Azərbaycan Respublikası Milli Məclisinin Təhsil və Mətbuat haqqında qanunlar hazırlayan işçi qruplarının üzvü olmuş və qanunların hazirlanmasında yaxından iştirak etmişdir.

Azərbaycan Gənclərinin, Azərbaycan Müəllimlərinin və Azərbaycan Jurnalistlərinin qurultaylarının nümayəndəsi olmuşdur.

Hazırda Azərbaycan Respublikasi "Təhsil" Mərkəzinin və "Borçalı" Nəşriyyatının Baş direktoru, "Təhsil", "Şərqin səsi", "Elm və Təhsil" qəzetlərinin baş redaktoru və AzTV-nin redaktorudur. AzTV-də yayımlanan "Dastan", "Yazı", "Sazın-sözün sehri", "Borçalı elləri" və s. verilişlərin ssenari müəllifi və redaktorudur.

Dəfələrlə Fəxri Fərman, Fəxri diplom və mükafatlarla təltif olunub. O cümlədən, Azərbaycan Respublikasi Təhsil Nazirliyi, Mədəniyyət və Turizm Nazirliyi, Əmək və Əhalinin Sosial Mudafiəsi Nazirliyinin Diplom və sertifikatlarina layiq görülüb.

Xarici keçidlər[redaktə | əsas redaktə]

İstinadlar[redaktə | əsas redaktə]