Müasir İnkişaf İctimai Birliyi

Vikipediya, azad ensiklopediya
Jump to navigation Jump to search
Müasir İnkişaf İctimai Birliyi
Müasir İnkişaf İctimai Birliyi.jpg
Növü İctimai birlik
Yaranma tarixi 5 iyun 2005
Rəsmi dili Azərbaycan dili
Mərkəzi Bakı
Sədr Mübariz Göyüşlü
uluturk.info

"Müasir İnkişaf" — Azərbaycanın türk birliyinə və İslam dünyasına inteqrasiyasına dəstək olmaq məqsədilə yaradılmış ictimai birlik.

Təşkilat fəaliyyəti dövründə ümumrespublika səviyyəli onlarla konfrans, müzakirə, görüş təşkil etmişdir. Bu sırada Dünya Türklərinin Həmrəylik Günü (Türk Dünyası Günü) kampaniyası, Türk Dövlətlərinin iqtisadi əməkdaşlığı, Türk Dövlətlərinin Parlament Assambleyası, Çanaqqala savaşlarının Azərbaycanda tanıtdırılması, Qafqaz İslam Ordusunun Azərbaycanı xilas etməsinin 90 illiyinə həsr olunmuş kampaniya, İslam dini, geopolitik məsələlər, Dağlıq Qarabağ problemi kimi tədbirlər vardır. Bundan başqa təşkilat iki beynəlxalq konfransın təşkilatçısıdır.

Təşkilatın İdarə Heyətinin sədri Mübariz Göyüşlüdür.

Yaranması və fəaliyyəti[redaktə | əsas redaktə]

Təşkilat 2005-ci il iyunun 5-də Bakı şəhərində yaradılıb. Bir neçə ay "Türk-İslam Dünyası" İctimai Birliyi adı altında fəaliyyət göstərib. 2006-cı ildə Azərbaycan Respublikasının Ədliyyə Nazirliyindən "Müasir İnkişaf" İctimai Birliyi kimi qeydiyyatdan keçib.

Hazırda təşkilat Ortaq türk əlifbası, Ortaq türk ədəbi dili, Ortaq türk tarix və ədəbiyyat kitabları ilə bağlı türk dövlət başçılarına ünvanlanmış müraciətin imzatoplama kampaniyasını həyata keçirməkdədir. Kampaniyaya Azərbaycandan və Türkiyədən 100-dən çox təşkilat, siyasi partiya, qəzet, jurnal təmsilçisi, millət vəkili imza atmışdır. Hazırda müraciətə Azərbaycan Respublikası Milli Məclisinin deputatları qoşulmaqdadırlar. Kampaniya Türk Ocaqları vasitəsilə Türkiyədə də tanıdılmışdır.

Təşkilatın 2006-cı ildən etibarən "Türk Eli" adlı jurnalı nəşr olunur. Jurnalın ilk üç sayı "Dialoq XXI əsr" adı altında çap olunub. Hal-hazıradək jurnalın 11 sayı işıq üzü görüb. Təşkilatın tərkibində "Türk-İslam" Araşdırma Mərkəzi fəaliyyət göstərir. Mərkəzin təşkilatçılığı ilə hər ay müzakirələr keçirilir. Müzakirələrdə Azərbaycanda, regionda və dünyada baş verən hadisələr müzakirəyə çıxarılır, təhlil olunur, təklif və tövsiyələr hazırlanaraq müvafiq qurumlara göndərilir.

2011-ci ilin 25 sentyabrından etibarən birlik Beynəlxalq təşkilat kimi fəaliyyət göstərməkdədir. 2012-ci ilin 29 aprelində Gürcüstan Republikasının Qardabani bölgəsi üzrə Təmsilçiliyi yaradılmışdır.

Xarici keçidlər[redaktə | əsas redaktə]