Mübariz Əhmədov (jurnalist)

Vikipediya, açıq ensiklopediya
Jump to navigation Jump to search
Mübariz Əhmədov
Mübariz Ataxan oğlu Əhmədov
Fotoqrafiya
Doğum tarixi 12 iyun 1969 (1969-06-12) (49 yaş)
Doğum yeri Musalı, Saatlı rayonu, Azərbaycan SSR, SSRİ
Vətəndaşlıq Flag of Azerbaijan.svg Azərbaycan
Peşəsi jurnalist
Milliyyəti azərbaycanlı
Təhsili ali

Əhmədov Mübariz Ataxan oğlu — fəlsəfə üzrə fəlsəfə doktoru, dosent, Bakı Slavyan Universitetinin (BSU) Azərbaycan filologiyası və Jurnalistika fakültəsinin Jurnalistika kafedrasının müəllimi. BSU saytının redaktoru, Rusiyanın Vladivostok şəhərində nəşr olunan "Azərbaycan" qəzetinin təsisçisi və ilk baş redaktoru.[Mənbə göstərin]

Həyatı[redaktə | əsas redaktə]

Mübariz Əhmədov 12 iyun 1969-cu ildə Saatlı rayonunun Musalı kəndində dünyaya gəlib. Udlu tayfasının Qızılquş Əhməd nəslindəndir. Atası 1914-cü ildə anadan olmuş Əhmədov Ataxan Mansur oğlu 15 yaşındaykən Güney Azərbaycanın Biləsuvar rayonunun Udlu kəndindən təxminən 1929-1930-cu illərdə Qüzeydəki Biləsuvarın Ağpost (hazırda bu kənd Nərimankənd adlanır) kəndinə xalasına sovqat gətirib geri qayıdanda sərhəddən buraxılmayıb. O, 1937-ci ildə bu kəndin bir çox sakinləri ilə birgə güya İrana keçmək cəhdinə görə siyasi motivlərlə Cənubi Qazaxıstana sürgün olunub. 1959-cu ildə bəraət alaraq, ailəsi ilə birlikdə Azərbaycanın Saatlı rayonunun Musalı kəndinə gəlib və orada məskunlaşıb.

Mübariz Əhmədov 1983-cü ildə Saatlı rayonu Nərimankənd orta məktəbinin 7-ci və 1984-cü ildə Saatlı şəhər M.Əzizbəyov adına orta məktəbinin 8-ci sinfini, 1988-ci ildə Əli Bayramlı (Hazırda Şirvan şəhəri) Sənaye Texnikumunu bitirib hərbi xidmətə yollanıb. 1988-1991-ci illərdə Sakit Okean Hərbi Dəniz Donanmasında xidmət edib, 1998-ci ildə Rusiyada (Vladivostok şəhərində) Uzaq Şərq Dövlət Universitetinin jurnalistika fakültəsini bitirib.

Tələbəlik illərində "Avanqard" adlı qəzetlə əməkdaşlıq edib, "Primoriya Azərbaycan Diasporu" ictimai təşkilatının yaradılmasında fəal iştirak edib. 1999-cu il 18 mayda Vladivostokda "Azərbaycan" ictimai-siyasi və mədəni-maarif tematikalı müstəqil qəzet təsis edib və Azərbaycan, əsasən Qarabağ həqiqətlərini təbliğ etməyə başlayıb.

Primoriya Jurnalistlər İttifaqı və Rusiya Jurnalistlər Birliyinin üzvü olub.

2002-ci ilin sentyabrında Bakıya qayıdıb. 2003-cü ildən 2010-cu ilədək ABU-da, 2003-2006-cı illərdə Bakı Dövlət Universitetində, 2008-2012-ci illərdə Bakı Avrasiya Universitetində və nəhayət 2009-cu ildən indiyədək, əvvəlcə Bakı Slavyan Universitetinin Jurnalistika və Azərbaycan filologiyası fakültəsinin Yeni media və kommunikasiya texnologiyaları kafedrasında baş müəllim vəzifəsində, sonra islahatlarla əlaqədar olaraq BSU-nun Azərbaycan filologiyası və Jurnalistika fakültəsinin Jurnalistika kafedrasının dosenti vəzifəsində çalışır.

2013-cü ildə AMEA-nın Fəlsəfə, Sosiologiya və Hüquq institutunun Etika və estetika şöbəsinin dissertantı kimi "Jurnalist etikasının problemləri" mövzusunda dissertasiya işini müdafiə edərək, 2014-cü ildə fəlsəfə üzrə fəlsəfə doktoru elmi dərəcəsi və 2018-ci ildə dosent elmi adı alıb.

"Modern.az", Moderator.az, "Presspost.az", "Regionpost.az", "Gündem.az", "KİV.az", "Xeber1.az", "Atv.az", "Mətbuat.az" və digər saytlarda Mübariz Azərbaycanlı imzası ilə müstəqil jurnalist kimi siyasi xarakterli analitik yazılarla çıxış edir.

Kitabları[redaktə | əsas redaktə]

  • "Dünya kimin dünyasısan", Bakı, 2000.
  • "Qapılar arxasında", Bakı, 2005.
  • Tədris proqramı "KİV-in texnika və texnologiyası" Bakı, 2012.
  • Tədris proqramı "Texnika i texnologiya SMİ" Bakı, 2014.
  • Tədris proqramı "Telexəbərdə etika" Bakı, 2015.
  • Dərs vəsaiti. "Azərbaycanda jurnalist etikası: problemlər və vəzifələr" (Vətəndaş cəmiyyəti kontekstində), Bakı - "Mütərcim" - 1017, 208 s.
  • Tədris proqramı "Fotojurnalistika" Bakı, 2018.
  • İndiyədək xarici jurnallar da daxil olmaqla müxtəlif elmi jurnallarda 17 elmi məqaləsi nəşr olunub.

Əsas elmi əsərlərin siyahısı:

1. Этические аспекты взаимосвязей между политической культурой и гражданским обществом. “Elmi Axtarışlar” XXVI, АМЕА-nın Folklor İnstitutu,  Bakı, «Səda», 2006, s. 246 – 249.

2. Jurnalist etikası problemlərinin etik təhlili. “Elmi Xəbərlər”, Azərbaycan Dillər Universiteti, 4/2007, Bakı, «Mütərcim», 2007, с. 319 - 326.

3. Kommunikasiya, jurnalist etikası və demokratiya quruculuğu. «Elmi Əsərlər»,  АМЕА-nın Fəlsəfə, Sosiologiya və Hüquq İnstitutunun Elmi nəzəri jurnalı  № 1-2 (13), Bakı, «АМЕА-nın FSHİ-nın informasiya və nəşriyyat şöbəsi», 2009, s. 206-210.

4. Основные проблемы и направления модернизации Азербайджана. «Tarix və onun problemləri», Bakı Dövlət Universiteti, Nəzəri, Elmi, Metodik  jurnal № 4, Bakı, «Adiloğlu», 2009, s. 223 - 226.          

5. Kommunikasiya və vətəndaş cəmiyyəti quruculuğu problemlərinin etik təhlili. “Fəlsəfə”, АМЕА-nın Fəlsəfə, Sosiologiya və Hüquq İnstitutu, Fəlsəfi Araşdırmalar İctimai Birliyinin,  Beynəlxalq elmi-nəzəri jurnalı № 1-2 (13), Bakı, «АМЕА-nın FSHİ-nın informasiya və nəşriyyat şöbəsi», 2009, s. 45-50.

6. Проблемы журналистской этики и становление гражданского общества в Азербайджане.    «Кавказоведение», Российская Академия Наук Институт Языкознания, № 13, Москва, издательство «Академия», 2009, с.73 - 78. 

7. Jurnalist etikasının bəzi problemləri. Məqalə, «Humanitar elmlərin öyrənilməsinin aktual problemləri», Bakı Slavyan Universiteti, № 2, Bakı, «Mütərcim», 2010, s.316 - 321.                              

8. Jurnalist etikasının bəzi problemləri. “Mədəni müxtəliflik SOSİAL-SİYASİ DƏYƏRLƏR KİMİ”. Kulturoloqların II Milli Forumu  (Beynəlxalq elmi-praktiki konfrans) (Bakı, 3 iyul 2010-cu il) Bakı - “Elm” – 2010, s 491-495.                                                    

9. Гражданское общество и его связь с журналистской этикой. Материалы международной научно-практической  конференции на тему: «Феномен цивилизации: Сущность, Типы, Динамика». 15-16 марта 2011 года, Пенза, 2011   ООО Научно-издательский центр «Социосфера», Ст. 55-60.

10. Формирование гражданского общества как основа становления   новой нравственно- психологической атмосферы в СМИ. «ВЕКТОР НАУКИ», в научном журнале Тольяттинского Государствен­ного Университета, Серия «Педагогика, психология», №2 (5), Тольятти, 2011, Отпечатано в типографии «Кассандра»,  ст. 34-37.

11. Роль журналистской этики в становлении гражданского общества. «ВЕСТНИК» Карагандинского Государствен­ного Университета, Серия «История, философия», №2 (66), Караганда, 2012, Отпечатано в типографии издательства КарГУ им. Е.А.Букетова,  ст.81-87.

12. Jurnalistlərin peşəkar-etik fəaliyyətinin təkmilləşdirilməsi yolları. "Humanitar elmlərin öyrənilməsinin aktual problemləri".  Ali məktəblərarası elmi məqalələr məcmuəsi. № 3/2015. Bakı: Mütərcim, 2015, s.206-210.

13. Jurnalistika və cəmiyyət arasındakı qarşılıqlı əlaqələrin təkmilləşməsinin  əsas istiqamətləri. «Humanitar elmlərin öyrənilməsinin aktual problemləri», Slavyan Universiteti, № 1, Bakı, «Mütərcim», 2016, s.334 - 338.  

14. "Azərbaycan internet mediasında hərbi sirlərin qorunmasında etik problemlər" «Humanitar elmlərin öyrənilməsinin aktual problemləri», Slavyan Universiteti, № 4, Bakı, «Mütərcim», 2016, s.404 - 409.

15. "İnsan kapitalı"nın inkişafı Kütləvi İnformasiya Vasitələrinin əsas vəzifəsi kimi" «Humanitar elmlərin öyrənilməsinin aktual problemləri», Slavyan Universiteti, № 2, Bakı, «Mütərcim», 2017, s.349-352.

16. "Azərbaycan internet mediasında bəzi etik problemlər". «Humanitar elmlərin öyrənilməsinin aktual problemləri», Slavyan Universiteti, № 3, Bakı, «Mütərcim», 2017, s. 279-283.

17. "Azərbaycan telexəbər aparıcılığında bəzi etik problemlər" «Humanitar elmlərin öyrənilməsinin aktual problemləri», Slavyan Universiteti, № 2, Bakı, «Mütərcim», 2018, səh. 188.