Mübariz XTD

Vikipediya, açıq ensiklopediya
Jump to navigation Jump to search
Mübariz XTD
ÖlkəFlag of Azerbaijan.svg Azərbaycan
TabeçilikAzərbaycan Respublikası Daxili Qoşunları
DaxildirAzərbaycan Silahlı Qüvvələri
Növühərb
Tərkibizabitgizirlədən ibarətdir
Vəzifəsiictimai əsayişin və ictimai təhlükəsizliyin mühafizəsi
HissəDəstə
LəqəbiMübariz
HimayədarıAzərbaycan Respublikası Daxili İşlər Nazirliyi
RəngləriZoğalı
Təchizatımüasir silahlar

Mübariz Xüsusi Təyinatlı Dəstə - Daxili Qoşunların xüsusi əməliyyatlar keçirmək üçün təyin olunmuş dəstəsi.Azərbaycan Respublikası Milli Qəhrəmanı Mübariz İbrahimovun adını daşıyan bu dəstə hər çür şəraitlərdə xüsusi əməliyyatları keçirməyə qadir hərbi qulluqçulardan təşkil olunmuşdur.

Mübariz Xüsusi Təyinatlı Dəstədə xidmət edən hərbi qulluqçular ilkin seçim, test üsulu ilə yoxlama, müşahidə və söhbətlər mərhələsindən keçməklə seçilirlər. Birinci mərhələ xüsusi komissiya tərəfindən həyata keçirilir. Bu komissiyanın tərkibinə qərargah, kadrlar, tibb və xüsusi təyinatlı bölmələrin zabitləri daxildir. Hər bir namizədlə aparılan söhbətlər zamanı onun xidmətə gəlməkdə məqsədi, vətənpərvərlik hissləri, ölkədə baş verən hadisələrə, valideynlərinə, onların bu xidmətə münasibəti, hərbi və ya mülki təhsili, ailə vəziyyəti, ixtisası və gələcək planları, marağı, asudə vaxtını necə keçirməsi, idmana marağı, sağlamlığının vəziyyəti, keçirdiyi xəstəliklər və s. öyrənilir. Bundan sonra namizədə gələcək xidmətlə bağlı suallar verilir. İkinci mərhələdə isə seçilmiş namizədin fiziki və psixoloji keyfiyyətləri yoxlanılır. Bu keyfiyyətlər 7 test üzrə çıxarılır, yüksək bal toplayanlar müsabiqədən keçmiş sayılır. İkinci mərhələdə namizədin dözümlülüyü qiymətləndirilir, güc dözümlülüyü yoxlanılır, həmçinin güc keyfiyyətləri, sürət keyfiyyətləri, elastikliyi, cəldliyi və cəsurluğu qiymətləndirilir.Bunun əsasında təşkil olunmuş kruslar zamanı onlar "Qırmızı beret" baş geyimini qazanırlar.