Mübariz cəsarəti (kitab)

Vikipediya, açıq ensiklopediya
Jump to navigation Jump to search
Mübariz cəsarəti
azərb. Mübariz cəsarəti
Fotoqrafiya
Müəllif(lər) Maarif Köçkün
Janr Bədii ədəbiyyat
Orijinalın dili Azərbaycan
Tərtibat Araz Yaquboğlu
Nəşriyyat "Bəxtiyar-4" nəşriyyatı
Nəşr 2011
Səhifə 160
Növ kitab
Tiraj 500
isbn qrifli nəşr

Mübariz cəsarəti kitabı — Azərbaycan Milli Ordusunun giziri, Azərbaycanın Milli Qəhrəmanı, Azərbaycanda "ilin adamı" (2010) elan olunmuş Mübariz İbrahimov haqqında kitab.

Kitabın redaktoru "Qızıl qələm" mükafatı laureatı Araz Yaquboğludur.

Kitabın annotasiyasında oxuyuruq: - Maarif Köçkün oxucuların görüşünə dördüncü dəfə “Mübariz cəsarəti”, “Xocalı ağlayırdı”, “Nə gözəl anlar idi” və “Hayıf o, gözəl çağlar” adlı poemaları və vətənpərvərlik şeirlərinin cəm olunduğu “Mübariz cəsarəti” adlı bu kitabla gəlmişdir. Əsl vətənpərvər şairin şeirlərinin əvvəlki kitablarındakı əsərləri kimi sevilərək oxunacağına inanırıq.

Kitabdakı şeirlərdən bir nümunə.

Mübariz

Dözmədi dözülməz ağrıya, dərdə,
Keçilməz sədləri keçdi Mübariz.
Girdi düşmənlərin səngərlərinə,
Xoflu rəzilləri biçdi Mübariz.

Yenilməz surəti gözümüzdədi,
Adı dilimizdə sözümüzdədi.
Sönməz bir günəşdi, qəlbimizdədi,
Demərik dünyadan köçdü Mübariz.

Xar etdi düşmənin, alçatdı yadın,
Öyün belə oğul yetirən qadın.
Uçaltdı yurdunun, xalqının adın,
Vüsal şərbətini içdi Mübariz.

Köçkünün şeirində gəzir şöhrətin,
Elləri dolanır adın, qeyrətin.
Düşmənə göstərdi xalqın qüdrətin,
Şəhidlik yolunu seçdi Mübariz.

İstinadlar[redaktə | əsas redaktə]